ಉಪೇಂದ್ರ ಚಿತ್ರಕ್ಕೆ ಶಶಾಂಕ್‌ ಆ್ಯಕ್ಷನ್‌ ಕಟ್‌

ನಿರ್ದೇಶನದ ಜತೆಗೆ ನಿರ್ಮಾಣಕ್ಕೂ ಮುಂದಾಗಿರುವ ಶಶಾಂಕ್‌, ತಮ್ಮ ಬ್ಯಾನರ್‌ನಿಂದ ಹೊಸ ಸಿನಿಮಾ ಘೋಷಣೆ ಮಾಡಿದ್ದಾರೆ. ಈ ಬಾರಿ ಅವರು ಉಪೇಂದ್ರ ನಟನೆಯ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ. ಚಿತ್ರಕ್ಕೆ ಇನ್ನೂ ಹೆಸರಿಡದಿದ್ದರೂ, ಮನರಂಜನೆಯ ಅಂಶಗಳನ್ನು ಬೆರೆಯಿಸಿಕೊಂಡು ಕಥೆ ಬರೆದಿದ್ದಾರಂತೆ.

ತಾಯಿಗೆ ತಕ್ಕ ಮಗ ಸಿನಿಮಾದ ಮೂಲಕ ನಿರ್ಮಾಪಕರಾಗಿರುವ ಶಶಾಂಕ್‌, ಎರಡನೇ ಚಿತ್ರಕ್ಕೀಗ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಅಂದುಕೊಂಡಂತೆ ಆದರೆ, ಈ ಸಿನಿಮಾ ಏಪ್ರಿಲ್‌ ನಂತರ ಸೆಟ್ಟೇರಲಿದೆ.

ಮೂರ್ನಾಲ್ಕು ತಿಂಗಳ ಹಿಂದೆಯೇ ಉಪೇಂದ್ರ ಅವರನ್ನು ಭೇಟಿ ಮಾಡಿದ್ದ ಶಶಾಂಕ್‌, ಸಿನಿಮಾ ಕುರಿತು ಸಣ್ಣದೊಂದು ಸುಳಿವು ನೀಡಿದ್ದರು. ಈಗ ಅದನ್ನು ಅಧಿಕೃತಗೊಳಿಸಿದ್ದಾರೆ.

'ಸದ್ಯ ಸ್ಕ್ರಿಪ್ಟ್‌ ವರ್ಕ ಕೆಲಸ ನಡೆಯುತ್ತಿದೆ. ಇದು ಪಕ್ಕಾ ನನ್ನ ಶೈಲಿಯ ಚಿತ್ರ. ವಿಡಂಬನಾತ್ಮಕ ವಿಷಯವನ್ನು ಎತ್ತಿಕೊಂಡಿದ್ದೇನೆ. ಹೊಸ ರೀತಿಯಲ್ಲಿ ಕಥೆಯನ್ನು ಹೇಳುವ ಪ್ರಯತ್ನ ಮಾಡುತ್ತಿದ್ದೇನೆ' ಎಂದರು ಶಶಾಂಕ್‌.