ಗುಂಡನ ಜತೆ ಬಂದ ಶಿವರಾಜ್‌ ಕೆ ಆರ್‌ ಪೇಟೆ

ಕಾಮಿಡಿ ಕಿಲಾಡಿಗಳು ಮೂಲಕ ಮುನ್ನೆಲೆಗೆ ಬಂದ ಶಿವರಾಜ್‌ ಕೆ ಆರ್‌ ಪೇಟೆ ತಮ್ಮ ವಿಶಿಷ್ಟವಾದ ಕಾಮಿಡಿಯಿಂದ ಗಮನ ಸೆಳೆದಿದ್ದರು. ಅವರು ನಾಯಕರಾಗಿರುವ ನಾನು ಮತ್ತು ಗುಂಡ ಸಿನಿಮಾದ ಟೀಸರ್‌ ಬಿಡುಗಡೆಯಾಗಿ ಸೋಷಿಯಲ್‌ ಮೀಡಿಯಾದಲ್ಲಿ ಮೆಚ್ಚುಗೆ ಗಳಿಸುತ್ತಿದೆ.

ಶ್ರೀನಿವಾಸ್‌ ತಮ್ಮಯ್ಯ ಆ್ಯಕ್ಷನ್‌ ಕಟ್‌ ಹೇಳಿರುವ ಈ ಸಿನಿಮಾದಲ್ಲಿ ಲ್ಯಾಬ್ರಾಡರ್‌ ನಾಯಿ ಕೂಡಾ ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದೆ. ಒಂದು ಕುಟುಂಬದಲ್ಲಿ ಸಾಕು ಪ್ರಾಣಿಗಳು ಎಂಥ ಪಾತ್ರವಹಿಸುತ್ತವೆ ಜತೆಗೆ ಹಾಗೆಯೇ ಇಂಥ ಪ್ರಾಣಿಗಳನ್ನೇ ಇಟ್ಟುಕೊಂಡು ಕೆಲವೊಂದು ದಂಧೆಗಳೂ ನಡೆಯುತ್ತವೆ ಎನ್ನುವುದನ್ನು ಸಿನಿಮಾದಲ್ಲಿ ಹೇಳಲಾಗಿದೆಯಂತೆ. ಈ ಕಥೆ ನಮ್ಮ ಅಕ್ಕ ಪಕ್ಕವೇ ನಡೆದಿರುತ್ತದೆ ಎನಿಸುವಂತೆ ಫೀಲ್‌ ಆಗುತ್ತದೆ'ಎನ್ನುತ್ತಾರೆ ಶಿವರಾಜ್‌ ಕೆ ಆರ್‌ ಪೇಟೆ.

ಈ ಚಿತ್ರದಲ್ಲಿ ಶಿವರಾಜ್‌ ಕೆ ಆರ್‌ ಪೇಟೆ ಬರೀ ಹಾಸ್ಯ ಮಾತ್ರ ಮಾಡಿಲ್ಲವಂತೆ ಜತೆಗೆ ಭಾವನಾತ್ಮಕವಾಗಿಯೂ ನಟಿಸಿದ್ದಾರಂತೆ. ಸಂಯುಕ್ತಾ ಹೊರನಾಡು ಶಿವರಾಜ್‌ ಹೆಂಡತಿಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇನ್ನು ಈ ಸಿನಿಮಾದಲ್ಲಿ ಹಾಸನದ ಕನ್ನಡವನ್ನು ಬಳಸಲಾಗಿದೆಯಂತೆ.ಚಂಬಲ್‌ ಚಿತ್ರಕ್ಕೆ ಸಂಭಾಷಣೆಕಾರ ಶರತ್‌ ಚಕ್ರವರ್ತಿ ಈ ಚಿತ್ರಕ್ಕೂ ಡೈಲಾಗ್‌ ಬರೆದಿದ್ದಾರೆ. ವಿಶೇಷ ಎಂದರೆ ಐರಾವತ ಸಿನಿಮಾದಲ್ಲಿ ದರ್ಶನ್‌ ಜತೆ ಕಾಣಿಸಿಕೊಂಡಿದ್ದ ನಾಯಿಯನ್ನು ಇಲ್ಲಿಯೂ ಬಳಸಿಕೊಳ್ಳಲಾಗಿದೆ.

---
ಈ ಸಿನಿಮಾದಲ್ಲಿ ನಾನು ಹೀರೋ ಅಲ್ಲ ಒಬ್ಬ ಪಾತ್ರಧಾರಿ. ಶಿವರಾಜ್‌ ಕೆ ಆರ್‌ ಪೇಟೆ ಇಂತಹದ್ದೊಂದು ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದಾ ಎಂದುಕೊಳ್ಳುವಷ್ಟು ಪಾತ್ರ ಚೆನ್ನಾಗಿದೆ.

-ಶಿವರಾಜ್‌ ಕೆ ಆರ್‌ ಪೇಟೆ, ನಟ