ಹುಟ್ಟಿದರೆ ಕನ್ನಡ ನಾಡಿನಲ್ಲಿ ಹುಟ್ಟಬೇಕು ಎಂದ ಶಿವಣ್ಣ

ನಟ ಶಿವರಾಜ್‌ ಕುಮಾರ್‌ ಸರ್ಜರಿ ನಂತರ ಸುಮ್ಮನೆ ಕೂತಿಲ್ಲ. ಬದಲಿಗೆ ಲಂಡನ್‌ ಸುತ್ತುತ್ತಿದ್ದಾರೆ. ಲಂಡನ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಅವರು ಪತ್ನಿ ಗೀತಾ ಜತೆ ಲಂಡನ್‌ ಬೀದಿಗಳಲ್ಲಿ ಓಡಾಡುತ್ತಿದ್ದಾರೆ. ಆದರೆ, ಕನ್ನಡ ನಾಡಿನಲ್ಲೇ ಹುಟ್ಟಬೇಕು ಎಂದಿದ್ದಾರೆ. ಅವರು ಕರ್ನಾಟಕವನ್ನು ಮಿಸ್‌ ಮಾಡುತ್ತಿರುವುದು ಇದರಿಂದ ವ್ಯಕ್ತವಾಗಿದೆ.

'ಹುಟ್ಟಿದರೆ ಕನ್ನಡ ನಾಡಿನಲ್ಲಿ ಹುಟ್ಟಬೇಕು.. ಲಂಡನ್‌ ಬಂದ್ಮೇಲೆ ಊರೆಲ್ಲಾ ಸುತ್ತಬೇಕು. ನಾನು ಮತ್ತು ನನ್ನ ಗೀತ' ಎಂದು ಟ್ವೀಟ್‌ ಮಾಡಿದ್ದಾರೆ. ಇದರ ಜತೆ ಪತ್ನಿ ಗೀತಾ ಜತೆ ಕುಳಿತಿರುವ ಫೋಟೋ ಶೇರ್‌ ಮಾಡಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿರುವ ಅವರ ಅಭಿಮಾನಿಗಳು, 'ಜನುಮದ ಜೋಡಿ', ಲವ್ಲೀ ಪೇರ್‌ ಎಂದೆಲ್ಲಾ ಕಾಮೆಂಟ್‌ ಮಾಡಿದ್ದಾರೆ.

ಇತ್ತೀಚೆಗೆ ಫೇಸ್‌ ಬುಕ್‌ಗೆ ಎಂಟ್ರಿಕೊಟ್ಟಿದ್ದ ಶಿವಣ್ಣ ಈಗ ಇನ್‌ಸ್ಟಾಗ್ರಾಂನಲ್ಲೂ ತಮ್ಮ ಖಾತೆ ತೆರೆದಿದ್ದಾರೆ. ಲಂಡನ್‌ನಲ್ಲಿ ಜುಲೈ 10ರಂದು ಅವರ ಭುಜದ ಸರ್ಜರಿ ಮಾಡಲಾಗಿದೆ.