ಶಿವಣ್ಣ ಮುಂದಿನ ಚಿತ್ರದ ಶೂಟಿಂಗ್‌ ಶುರು

ಶಿವರಾಜ್‌ ಕುಮಾರ್‌ ಮತ್ತು ಪಿ. ವಾಸು ಕಾಂಬಿನೇಷನ್‌ನ ಶಿವಲಿಂಗ ಚಿತ್ರ ಹಿಟ್‌ ಆಗಿತ್ತು. ಈಗ ಮತ್ತೆ ಈ ಜೋಡಿ ಹೊಸ ಚಿತ್ರ ಮಾಡುತ್ತಿದೆ. ಈ ಚಿತ್ರದಲ್ಲಿ ಹಲವು ವಿಶೇಷಗಳಿವೆ. ಅವು ಹೀಗಿವೆ. ದ್ವಾರಕೀಶ್‌ ಚಿತ್ರ ನಿರ್ಮಾಣ ಸಂಸ್ಥೆ ನಿರ್ಮಾಣ ಮಾಡುತ್ತಿರುವ ಚಿತ್ರ ಇದು. ಇದು ಇವರ 13ನೇ ಚಿತ್ರ. ಮೊದಲ ಬಾರಿಗೆ ರಚಿತಾ ರಾಮ್‌ ಶಿವರಾಜ್‌ ಕುಮಾರ್‌ ಜತೆ ನಟಿಸುತ್ತಿದ್ದಾರೆ. ಇನ್ನೊಂದು ವಿಶೇಷ ಏನೆಂದರೆ ಶಿವಣ್ಣ ನಟನೆಯ ಮೊದಲ ಚಿತ್ರದ ಹೆಸರಾದ 'ಆನಂದ' ಈ ಚಿತ್ರದ ಟೈಟಲ್‌ ಕೂಡಾ ಆಗಿರುವುದು. ಇನ್ನೊಂದು ವಿಶೇಷ ಎಂದರೆ ಶಿವರಾಜ್‌ ಕುಮಾರ್‌ ಕ್ಯಾರೆಕ್ಟರ್‌ಗೂ ಚಿತ್ರದ ಟೈಟಲ್‌ಗೂ ಕನೆಕ್ಷನ್‌ ಇದೆ.

ಇದು ಸೈಕಲಾಜಿಕಲ್‌ ಥ್ರಿಲ್ಲರ್‌ ಚಿತ್ರವಾಗಿದೆ. ರಚಿತಾ ರಾಮ್‌ ಈಗ ಕನ್ನಡದ ಅತ್ಯಂತ ಬಿಝಿ ನಟಿ. ಉಪೇಂದ್ರ, ಪುನೀತ್‌, ನಿಖಿಲ್‌ ಮತ್ತಿತರ ನಟರ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಅವರ ನಟನೆಯ ಚಿತ್ರಗಳು ಸಾಲಾಗಿ ರಿಲೀಸ್‌ಗೆ ರೆಡಿಯಾಗುತ್ತಿವೆ. ಶಿವರಾಜ್‌ ಕುಮಾರ್‌ ನಟನೆಯ ಕವಚ ಚಿತ್ರ ರಿಲೀಸ್‌ ಆಗುತ್ತಿದೆ. ಇದು ಮಲಯಾಳಂ ಚಿತ್ರದ ರಿಮೇಕ್‌ ಆಗಿದ್ದು, ಶಿವಣ್ಣ ದೃಷ್ಟಿ ವಿಶೇಷಚೇತನರಾಗಿ ನಟಿಸಿದ್ದಾರೆ.