ಸ್ಯಾಂಡಲ್‌ವುಡ್‌ ನಟಿ ಶುಭಾ ಪೂಂಜಾ ತಾನು ಮದುವೆ ಆಗುವ ಹುಡುಗ ರೈತನಾಗಿದ್ದರೆ ಬಹಳ ಒಳ್ಳೆಯದು, ಅಂತಹ ಹುಡುಗನಿಗೆ ಪ್ರಾಶಸ್ತ್ಯ ನೀಡುತ್ತೇನೆ ಎಂದಿದ್ದಾರೆ. ಇದರ ಜತೆಗೆ ತಮಗೆ ಬೇಕಾಗಿರು ಹುಡುಗನಲ್ಲಿರಬೇಕಾದ ಕ್ವಾಲಿಟಿಗಳೇನು ಎಂಬುದನ್ನು ಅವರು ಪಟ್ಟಿ ಮಾಡಿದ್ದಾರೆ.
ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಪತ್ರಕರ್ತರು ನಿಮ್ಮ ಮದುವೆ ಯಾವಾಗ ಎಂಬ ಪ್ರಶ್ನೆ ಮುಂದಿಟ್ಟಾಗ, ಶುಭಾ ನೀಡಿದ ಉತ್ತರ ಹೀಗಿತ್ತು. ಅವರು ಮದುವೆಯಾಗುವ ಹುಡುಗ ಪ್ರಾಣಿಗಳನ್ನು ಪ್ರೀತಿಸಬೇಕು, ಹಳ್ಳಿ ಜೀವನಕ್ಕೆ ಸಿದ್ಧನಾಗಿರಬೇಕು, ಮಹತ್ವಾಕಾಂಕ್ಷೆಗಳು ಇರಬಾರದು, ಕಪ್ಪು ಬಣ್ಣ ಇಷ್ಟ, ಒಳ್ಳೆ ಮನುಷ್ಯನಾಗಿರಬೇಕು ಎಂದು ಪಟ್ಟಿ ಬರೆದರು.
ಕೊನೆಯಲ್ಲಿ ತಮ್ಮ ಪಟ್ಟಿಗೆ ಶುಭಾ ಅವರು ಹುಡುಗ ರೈತನಾಗಿದ್ದರೆ ಆಗಿದ್ದರೆ ಅದಕ್ಕೆ ಹೆಚ್ಚಿನ ಪ್ರಾಶಸ್ತ್ಯ ನೀಡಲಾಗುವುದು ಎಂದು ಅವರು ಹೇಳಿದ್ದಾಋುಎ. ಒಟ್ಟಿನಲ್ಲಿ ಶುಭಾ ಪೂಂಜಾ ರೈತನನ್ನು ಮದುವೆಯಾಗಲು ಸಿದ್ಧವಾಗಿದ್ದಾರೆ ಎಂದಂತಾಯಿತು.