ವಿವಾದಿತ ಸಾಂಪ್ರದಾಯಿಕ ಕ್ರೀಡೆ 'ಜಲ್ಲಿಕಲ್ಲು' ಹೆಸರಿನಲ್ಲಿ ಕನ್ನಡದಲ್ಲಿ ಸಿನಿಮಾ

ವಿವಾದಿತ ಸಾಂಪ್ರದಾಯಿಕ ಕ್ರೀಡೆ ಜಲ್ಲಿಕಲ್ಲು ಹೆಸರಿನಲ್ಲಿ ಕನ್ನಡದಲ್ಲಿ ಸಿನಿಮಾವಾಗುತ್ತಿದೆ. ಆಲ್ವಿನ್‌ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಈ ಸಿನಿಮಾದಲ್ಲಿ ಶೋಭರಾಜ್‌ ಪ್ರಮುಖ ಪಾತ್ರವನ್ನು ಮಾಡುತ್ತಿದ್ದಾರೆ. ಈ ಚಿತ್ರಕ್ಕಾಗಿ 'ಸೂಪರ್‌ ಮಗಾ ನಮ್ಮ ಅಣ್ಣಾ ಸೂಪರೂ' ಎಂಬ ಹಾಡಿನ ಚಿತ್ರೀಕರಣ ನಡೆದಿದ್ದು, ಈ ಹಾಡಿಗಾಗಿಯೇ ವಿಶೇಷ ಸೆಟ್‌ ಅನ್ನು ಬೆಂಗಳೂರಿನಲ್ಲಿ ಹಾಕಲಾಗಿದೆ. ಶೋಭರಾಜ್‌ ಜತೆ ಕಿರಿಕ್‌ ಕೀರ್ತಿ, ಪ್ರಭುಸೂರ್ಯ, ಭರತ್‌, ನಿತೀಶ್‌ ಮುಂತಾದವರು ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ.

'ಇದೊಂದು ಮಾಸ್‌ ರೀತಿಯ ಸಾಂಗ್‌ ಆಗಿದ್ದು, ಅದೇ ಫೀಲ್‌ ಕೊಡುವಂಥ ಕೊರಿಯೋಗ್ರಫಿ ಮಾಡಲಾಗಿದೆ. ನಮ್ಮ ಸಂಸ್ಕೃತಿಯನ್ನು ಬಿಂಬಿಸುವಂತಹ ಸಿನಿಮಾ ಇದಾಗಿದೆ. ಈ ಚಿತ್ರಕ್ಕೆ ಜಲ್ಲಿಕಟ್ಟು ಎಂಬ ಹೆಸರನ್ನು ಯಾಕೆ ಇಟ್ಟಿದ್ದೇವೆ ಎನ್ನುವುದನ್ನು ಸಿನಿಮಾದಲ್ಲಿಯೇ ನೋಡಿ' ಎನ್ನುತ್ತಾರೆ ನಿರ್ದೇಶಕರು.

ಶೀರ್ಷಿಕೆಯಿಂದಲೇ ಗಮನ ಸೆಳೆದಿರುವ ಈ ಚಿತ್ರದಲ್ಲಿ ನಾಲಕ್ಕು ಹಾಡುಗಳಿರುತ್ತವಂತೆ. ಬೆಂಗಳೂರು, ಮಂಡ್ಯ ಮತ್ತು ಮಂಗಳೂರು ಸುತ್ತಮುತ್ತಲ ಪ್ರದೇಶಗಳಲ್ಲಿ ಚಿತ್ರೀಕರಣ ನಡೆಯಲಿದೆ. 'ರಾಜ್ ಬಹದ್ದೂರ್' ನಂತರ ತಯಾರಾಗಿರುವ ನಿರ್ದೇಶಕರ ಎರಡನೇ ಚಿತ್ರ ಇದಾಗಿದೆ.