ಮಧ್ಯರಾತ್ರಿ ಐ ಲವ್‌ ಯೂ ಶೂಟಿಂಗ್‌

ಉಪೇಂದ್ರ ಅಭಿನಯದ ಹೊಸ ಚಿತ್ರ ಐ ಲವ್‌ ಯೂನಲ್ಲಿ ರಚಿತಾ ರಾಮ್‌ ನಾಯಕಿಯಾಗಿ ನಟಿಸುತ್ತಿರುವುದು ಎಲ್ಲರಿಗೆ ಗೊತ್ತಿರುವ ವಿಷಯ. ಈಗ ಸೋನು ಗೌಡ ಎಂಟ್ರಿ ಕೊಟ್ಟಿದ್ದಾರೆ. ಉಪೇಂದ್ರ ಜತೆ ಮೊದಲ ಬಾರಿಗೆ ನಟಿಸುತ್ತಿದ್ದಾರೆ ಸೋನು. ಉಪೇಂದ್ರರ ಪತ್ನಿಯಾಗಿ ಅವರು ಕಾಣಿಸಿಕೊಳ್ಳುತ್ತಿರುವುದು ವಿಶೇಷ.

ಈಗಾಗಲೇ ಚಿತ್ರೀಕರಣ ಪ್ರಾರಂಭವಾಗಿದೆ. ಮಧ್ಯಾಹ್ನ 2ರಿಂದ ಮಧ್ಯರಾತ್ರಿ 2ಗಂಟೆಯವರೆಗೆ ಚಿತ್ರೀಕರಣ ಮಾಡಲಾಗುತ್ತಿರುವುದು ಚಿತ್ರದ ಬಗ್ಗೆ ಕುತೂಹಲ ಕೆರಳಿಸಿದೆ. ಚಿತ್ರೀಕರಣದಲ್ಲಿ ಭಾಗಿಯಾಗಿರುವ ಸೋನು ಗೌಡ ಎಕ್ಸೈಟ್‌ ಆಗಿದ್ದಾರೆ. 'ಉಪೇಂದ್ರ ಅವರದು ಭಿನ್ನವಾದ ದೃಷ್ಟಿಕೋನ. ಹಾಗಾಗಿ ನನಗೆ ಕುತೂಹಲವಿದೆ. ಪ್ರೀತಿ ಪ್ರೇಮದ ಬಗ್ಗೆ ಅವರದೇ ಅದ ನಿಲುವುಗಳನ್ನು ಚಿತ್ರದಲ್ಲಿ ಹೇಳಲಿದ್ದಾರೆ. ಮೊದಲ ಬಾರಿ ಅವರ ಜತೆ ನಟಿಸುತ್ತಿರುವುದರಿಂದ ಎಕ್ಸೈಟ್‌ಮೆಂಟ್‌ ಇದೆ' ಎಂದಿದ್ದಾರೆ ಸೋನು ಗೌಡ. ಚಿತ್ರದಲ್ಲಿ ಲವ್‌ ಮತ್ತು ಸೆಕ್ಸ್‌ ಕಾನ್ಸೆಪ್ಟ್‌ ಇದೆ. ಆರ್‌. ಚಂದ್ರ ನಿರ್ದೇಶನದ ಚಿತ್ರ ಇದು.

ಚಿತ್ರದಲ್ಲಿ ಸೋನು ಉಪೇಂದ್ರರ ಪತ್ನಿಯಾಗಿ ನಟಿಸುತ್ತಿದ್ದಾರೆ. ಗುಳ್ಟು ಚಿತ್ರದಲ್ಲಿ ಇನ್‌ವೆಸ್ಟಿಗೇಟಿಂಗ್‌ ಅಫೀಸರ್‌ ಆಗಿ ಗಮನ ಸೆಳೆದಿದ್ದ ಸೋನು ಗೌಡ ಈ ಚಿತ್ರದಲ್ಲಿ ಸಂಪ್ರದಾಯಸ್ಥ ಗೃಹಿಣಿಯಾಗಿ ಕಾಣಿಸಿಕೊಂಡಿದ್ದಾರೆ. 'ನನ್ನ ದೃಷ್ಟಿಕೋನಕ್ಕಿಂತ ಅವರದು ಬಹಳ ಭಿನ್ನ. ಹಾಗಾಗಿ ನನ್ನ ನಟನೆ ಬಗ್ಗೆ ಅವರೇನು ಯೋಚಿಸುತ್ತಾರೆ ಎನ್ನುವುದನ್ನು ತಿಳಿದುಕೊಳ್ಳುವ ಕುತೂಹಲ ಕೂಡಾ ಇದೆ' ಎಂದಿದ್ದಾರೆ ಸೋನು.