'ಮನೆ ಮಾರಟಕ್ಕಿದೆ' ಅಂತಿದ್ದಾರೆ ನಟಿ ಶ್ರುತಿ ಹರಿಹರನ್‌

'ನಾತಿಚರಾಮಿ' ಸಿನಿಮಾದ ನಂತರ ಮತ್ತೊಂದು ಹೊಸ ಬಗೆಯ ಚಿತ್ರ ಮಾಡಿದ್ದಾರೆ ಶ್ರುತಿ ಹರಿಹರನ್‌. ಸದ್ಯ ಅವರು ಮಂಜು ಸ್ವರಾಜ್‌ ನಿರ್ದೇಶನದಲ್ಲಿ ತಯಾರಾಗಿರುವ 'ಮನೆ ಮಾರಾಟಕ್ಕಿದೆ' ಹೆಸರಿನ ಚಿತ್ರದಲ್ಲಿ ನಟಿಸಿದ್ದಾರೆ. ಸದ್ಯ ಇವರ ಪಾತ್ರದ ಬಗ್ಗೆ ಯಾವುದೇ ಸುಳಿವು ಬಿಟ್ಟುಕೊಡದ ನಿರ್ದೇಶಕರು, ಅದೊಂದು ವಿಭಿನ್ನ ಪಾತ್ರ ಎಂದಷ್ಟೇ ಹೇಳಿದ್ದಾರೆ.

ಇದೊಂದು ಹಾರರ್‌ ಕಾಮಿಡಿ ಚಿತ್ರವಾಗಿದ್ದು, ಸಾಧು ಕೋಕಿಲಾ, ಚಿಕ್ಕಣ್ಣ ಸೇರಿದಂತೆ ಕಾಮಿಡಿ ಕಲಾವಿದರೇ ಈ ಸಿನಿಮಾದಲ್ಲಿ ತುಂಬಿದ್ದಾರೆ.

ನಾನಾ ಕಾರಣಗಳಿಂದ ಈ ಚಿತ್ರ ಕುತೂಹಲ ಮೂಡಿಸಿದೆ. ಸಿನಿಮಾದ ಶೀರ್ಷಿಕೆ ಕೆಳಗೆ 'ದೆವ್ವಗಳಿಗೆ ಎಚ್ಚರಿಕೆ' ಎಂಬ ಟ್ಯಾಗ್‌ಲೈನ್‌ ಕೊಟ್ಟಿರುವ ನಿರ್ದೇಶಕರು, ದೆವ್ವದ ಕಾರಣಕ್ಕಾಗಿ ಮನೆ ಮಾರಾಟ ಮಾಡುತ್ತಿದ್ದಾರಾ ಎಂಬ ಚರ್ಚೆ ಕೂಡ ಶುರುವಾಗಿದೆ.

ಅಂದಹಾಗೆ ಈ ಸಿನಿಮಾದಲ್ಲಿ ಇಬ್ಬರು ನಾಯಕಿರು ನಟಿಸಿದ್ದಾರೆ. ಶ್ರುತಿ ಹರಿಹರನ್‌ ಚಿತ್ರ ಕಾರುಣ್ಯ ರಾಮ್‌ ಕೂಡ ಪಾತ್ರ ಮಾಡಿದ್ದಾರೆ. ಸದ್ಯದಲ್ಲೇ ಈ ಸಿನಿಮಾದ ಟ್ರೇಲರ್‌ ಕೂಡ ರಿಲೀಸ್‌ ಆಗಲಿದೆ.