ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಐದು ಭಾಷೆಗಳಲ್ಲಿ ಸೆಪ್ಟೆಂಬರ್ 12ರಂದು ದೇಶದಾದ್ಯಂತ ರಿಲೀಸ್ ಆಗಿದೆ. ಮೊದಲ ದಿನ ಚಿತ್ರಕ್ಕೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು ಕನ್ನಡ ಬಾಕ್ಸ್ ಆಫೀಸ್‌ನಲ್ಲಿ ಅಂದಾಜು ₹ 10 ಕೋಟಿ ಗಳಿಸಿದೆ. ಶುಕ್ರವಾರದ ಕಲೆಕ್ಷನ್ ಹೇಗಿದೆ ಅಂತ ನೋಡೋಣ ಬನ್ನಿ.

ಸ್ಯಾಂಡಲ್‌ವುಡ್ ಬಾಕ್ಸ್ ಆಫೀಸ್‌ನಲ್ಲಿ ಎರಡನೇ ದಿನ ಪೈಲ್ವಾನ್ ಅಂದಾಜು ₹ 9 ಕೋಟಿ ಕಲೆಕ್ಷನ್ ಮಾಡಿದ್ದಾನೆ. ಶನಿವಾರ ಮತ್ತು ಭಾನುವಾರ ಕಲೆಕ್ಷನ್ ಹೆಚ್ಚಾಗುವ ಸಾಧ್ಯತೆಗಳಿವೆ. ಆದರೆ ತೆಲುಗು ಬಾಕ್ಸ್ ಆಫೀಸ್‌ನಲ್ಲಿ ಶುಕ್ರವಾರದ ಗಳಿಕೆ ಶೇ.50ರಷ್ಟು ಡೌನ್ ಆಗಿದೆ ಎಂದಿವೆ ಮೂಲಗಳು. ಇದಕ್ಕೆ ಕಾರಣ ನಾನಿ ಅಭಿನಯದ ಗ್ಯಾಂಗ್ ಲೀಡರ್ ರಿಲೀಸ್ ಆಗಿರುವುದು.

ದೇಸಿತನ ಮೆರೆದು, ಮೆರೆಸುವ ಅಪ್ಪಟ ಸಿನಿಮಾ: ಪೈಲ್ವಾನ್ ಚಿತ್ರ ವಿಮರ್ಶೆ

ತೆಲುಗಿನಲ್ಲಿ ಎರಡನೇ ದಿನ ಅಂದಾಜು ₹ 1 ಕೋಟಿ ಗಳಿಕೆ ಮಾಡಿದೆ. ತೆಲುಗಿಗೆ ಹೋಲಿಸಿದರೆ ಹಿಂದಿಯಲ್ಲಿ ಗಳಿಕೆ ಚೆನ್ನಾಗಿದೆ, ಹಿಂದಿ ಆವೃತ್ತಿ ಎರಡನೇ ದಿನ ₹ 3 ಕೋಟಿ ಕಲೆಕ್ಷನ್ ಮಾಡಿದೆಯಂತೆ. ಮೊದಲ ದಿನ ₹ 4 ಕೋಟಿ ಗಳಿಸಿತ್ತು. ಎರಡನೇ ದಿನದ ಹೊತ್ತಿಗೆ ಡ್ರೀಮ್ ಗರ್ಲ್ ಮತ್ತು ಸೆಕ್ಷನ್ 375 ರಿಲೀಸ್ ಆಗಿದ್ದು ಪೈಲ್ವಾನ್ ಗಳಿಕೆ ಮೇಲೆ ಪ್ರಭಾವ ಬೀರಿದೆ.

ತಮಿಳು ಮತ್ತು ಮಲಯಾಳಂನಲ್ಲಿ ಒಟ್ಟಾರೆ ₹ 1.5 ಕೋಟಿ ಗಳಿಸಿದೆ. ಯಾವುದೇ ಬಿಗ್ ಬಜೆಟ್ ಸಿನಿಮಾಗಳು ಈ ವಾರ ರಿಲೀಸ್ ಆಗದ ಕಾರಣ ಪೈಲ್ವಾನ್‌ಗೆ ಲಾಭ ಆಗುವ ನಿರೀಕ್ಷೆ ಇದೆ. ಇಲ್ಲಿ ನೀಡಿರುವ ಅಂಕೆಸಂಖ್ಯೆಗಳು ಒಂದು ಅಂದಾಜು ಲೆಕ್ಕಾಚಾರವಷ್ಟೇ. ಇದು ಅಧಿಕೃತವಾಗಿ ಚಿತ್ರತಂಡ ನೀಡಿರುವ ಲೆಕ್ಕಾಚಾರ ಅಲ್ಲ ಎಂಬುದನ್ನು ಗಮನಿಸತಕ್ಕದ್ದು. 'ಪೈಲ್ವಾನ್' ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಎಷ್ಟು?

ಪೈಲ್ವಾನ್ ಸಿನಿಮಾ ದೇಶದಾದ್ಯಂತ ಮೂರು ಸಾವಿರಕ್ಕೂ ಹೆಚ್ಚು ತೆರೆಗಳಲ್ಲಿ ರಿಲೀಸ್ ಆಗಿದೆ. ಈ ಸಿನಿಮಾದ ಮತ್ತೊಂದು ಹೆಚ್ಚುಗಾರಿಗೆ ಎಂದರೆ, ಇದೇ ಮೊದಲ ಬಾರಿಗೆ ದಕ್ಷಿಣ ಭಾರತ ಸಿನಿಮಾದಲ್ಲಿ ಬಾಲಿವುಡ್‌ ನಟ ಸುನೀಲ್‌ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ನಾನಾ ಭಾಷೆಯ ಕಲಾವಿದರ ಸಂಗಮವೇ ಈ ಸಿನಿಮಾದಲ್ಲಿದೆ. ಅದ್ಧೂರಿಯಾಗಿ ಮೂಡಿ ಬಂದ ಕನ್ನಡ ಸಿನಿಮಾವಿದು.