ಸುದೀಪ್ ಪೈಲ್ವಾನ್‌ ರಿಲೀಸ್‌ಗೆ ಮುಹೂರ್ತ ಫಿಕ್ಸ್‌

* ಶರಣು ಹುಲ್ಲೂರು

Vijaya Karnataka Web

ಸುದೀಪ್‌ ನಟನೆಯ 'ಪೈಲ್ವಾನ್‌' ಸಿನಿಮಾದ ಬಿಡುಗಡೆ ದಿನಾಂಕ ಫಿಕ್ಸ್‌ ಆಗಿದ್ದು, ಆಗಸ್ಟ್‌ 29ರಂದು ದೇಶ ವಿದೇಶಗಳ ಸುಮಾರು ಎರಡೂವರೆ ಸಾವಿರ ಥಿಯೇಟರ್‌ಗಳಲ್ಲಿ ತಮ್ಮ ಚಿತ್ರವನ್ನು ರಿಲೀಸ್‌ ಮಾಡುವುದಾಗಿ ನಿರ್ದೇಶಕ ಕೃಷ್ಣ ಪ್ರಕಟಿಸಿದ್ದಾರೆ.

ಲವಲವಿಕೆ ಜತೆ ಮಾತನಾಡಿದ ಅವರು 'ಹಿಂದಿ, ತಮಿಳು, ತೆಲುಗು ಸೇರಿ ಒಟ್ಟು ಐದು ಭಾಷೆಗಳಲ್ಲಿ ಪೈಲ್ವಾನ್‌ ಸಿನಿಮಾ ರೆಡಿಯಾಗಿದೆ. ಏಕಕಾಲಕ್ಕೆ ಅಷ್ಟೂ ಭಾಷೆಗಳಲ್ಲೂ ರಿಲೀಸ್‌ ಮಾಡುವಂಥ ಪ್ಲಾನ್‌ ಮಾಡಿದ್ದೇವೆ' ಎನ್ನುತ್ತಾರೆ ಅವರು. [ಸ್ನೇಹ ಎನ್ನುವುದು ಒನ್ ವೇ ಅಲ್ಲ: ದಚ್ಚು ಸ್ನೇಹದ ಬಗ್ಗೆ ಕಿಚ್ಚನ ಮಾತು]

ಸದ್ಯ ಸಿನಿಮಾದ ಗ್ರಾಫಿಕ್ಸ್‌ ವರ್ಕ್‌ ನಡೆಯುತ್ತಿದೆ. ಈ ತಿಂಗಳಾಂತ್ಯಕ್ಕೆ ಬಹುತೇಕ ಕೆಲಸಗಳು ಮುಗಿಯುತ್ತವೆ. ಹಾಗಾಗಿ ಆಗಸ್ಟ್‌ ಕೊನೆಯ ವಾರದಲ್ಲಿ ಪೈಲ್ವಾನ್‌ ತೆರೆಗೆ ಬರುವುದು ಪಕ್ಕಾ ಆಗಿದೆ.

ಈಗಾಗಲೇ ಈ ಸಿನಿಮಾ ಭಾರೀ ಕುತೂಹಲ ಕೆರಳಿಸಿದೆ. ಇದೇ ಮೊದಲ ಬಾರಿಗೆ ಸುದೀಪ್‌ ಕ್ರೀಡೆಯನ್ನು ಆಧರಿಸಿದ ಸಿನಿಮಾದಲ್ಲಿ ನಟಿಸಿದ್ದು, ಈ ಪಾತ್ರಕ್ಕಾಗಿ ಅವರು ದೇಹ ದಂಡಿಸಿದ್ದಾರೆ. ಅಖಾಡಕ್ಕೆ ಇಳಿಯಲು ನಾನಾ ರೀತಿಯ ಕಸರತ್ತುಗಳನ್ನೂ ಮಾಡಿರುವುದು ವಿಶೇಷ.

ನಿರ್ದೇಶಕ ಕೃಷ್ಣ ಮತ್ತು ಸುದೀಪ್‌ ಕಾಂಬಿನೇಷನ್‌ನ ಎರಡನೇ ಸಿನಿಮಾವಿದು. ಈಗಾಗಲೇ ಹೆಬ್ಬುಲಿ ಸಿನಿಮಾದ ಮೂಲಕ ಒಂದೊಳ್ಳೆ ಸಿನಿಮಾ ನೀಡಿದ್ದ ಈ ಜೋಡಿ, ಪೈಲ್ವಾನ್‌ ಮೂಲಕ ಮತ್ತೆ ಕ್ರೇಜ್‌ ಕ್ರಿಯೇಟ್‌ ಮಾಡಿದೆ. ಹಾಗಾಗಿ ದೇಶದಲ್ಲಿ ಮಾತ್ರವಲ್ಲ, ವಿದೇಶದಲ್ಲಿ ನೆಲೆಸಿರುವ ಅಭಿಮಾನಿಗಳು ಕೂಡ ಪೈಲ್ವಾನ್‌ ಸಿನಿಮಾವನ್ನು ರಿಲೀಸ್‌ ದಿನವೇ ವೀಕ್ಷಿಸಬಹುದಾಗಿದೆ. [ಪೈಲ್ವಾನ್‌, ಶ್ರೀಮನ್ನಾರಾಯಣ ಎಫೆಕ್ಟ್: 200 ಕೋಟಿ ಬಜೆಟ್‌ನ 25 ಚಿತ್ರಗಳು ಅತಂತ್ರ]

ತಾರಾಗಣದಿಂದಾಗಿಯೇ ಈ ಸಿನಿಮಾ ವಿಶೇಷ ಅನಿಸಿದೆ. ಬಾಲಿವುಡ್‌ನ ಖ್ಯಾತ ನಟ ಸುನೀಲ್‌ ಶೆಟ್ಟಿ, ಖಳನಟ ಕಬೀರ್‌ಸಿಂಗ್‌ ದುಹಾನ್‌ ಸೇರಿ ಹೆಸರಾಂತ ಕಲಾವಿದರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಆಕಾಂಕ್ಷಾ ಸಿಂಗ್‌ ನಾಯಕಿಯಾಗಿ ನಟಿಸಿದ್ದಾರೆ.

ಬುಧವಾರ ರೊಮ್ಯಾಂಟಿಕ್‌ ಸಾಂಗ್‌ ರಿಲೀಸ್‌
ಪೈಲ್ವಾನ್‌ ಸಿನಿಮಾದ ಹಾಡೊಂದು ಈಗಾಗಲೇ ರಿಲೀಸ್‌ ಆಗಿದ್ದು, ಅದಕ್ಕೆ ಭಾರೀ ರೆಸ್ಪಾನ್ಸ್‌ ಸಿಕ್ಕಿದೆ. ಈಗ 'ಕಣ್ಮಣಿ' ಎಂಬ ಮತ್ತೊಂದು ರೊಮ್ಯಾಂಟಿಕ್‌ ಗೀತೆ ರಿಲೀಸ್‌ ಆಗಿದ್ದು, ಈ ಹಾಡಿನಲ್ಲಿ ಸುದೀಪ್‌ ಮತ್ತು ಆಕಾಂಕ್ಷಾ ಕಲರ್‌ಫುಲ್‌ ಆಗಿ ಕಂಡಿದ್ದಾರಂತೆ. ಈ ಲಿರಿಕಲ್‌ ಗೀತೆಯು ಐದು ಭಾಷೆಗಳಲ್ಲೂ ಬಿಡುಗಡೆ ಆಗಿರುವುದು ವಿಶೇಷ. ಈ ಹಾಡಿಗೆ ನಾಗೇಂದ್ರ ಪ್ರಸಾದ್‌ ಸಾಹಿತ್ಯ ಬರೆದಿದ್ದಾರೆ.