ಯೂಟ್ಯೂಬ್‌ನಲ್ಲಿ ಧೂಳೆಬ್ಬಿಸಿದ ಸುದೀಪ್ 'ಪೈಲ್ವಾನ್' ಹೊಸ ಸಾಂಗ್

ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾದ ಎರಡನೇ ಲಿರಿಕಲ್ ಸಾಂಗ್ ರಿಲೀಸ್ ಆಗಿದ್ದು ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಈ ಹಾಡು ಕನ್ನಡ, ಹಿಂದಿ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಗಳಲ್ಲಿ ರಿಲೀಸ್ ಆಗಿದೆ.

ಕನ್ನಡದಲ್ಲಿ ಬಾರೋ ಪೈಲ್ವಾನ ಎಂಬ ಸಾಹಿತ್ಯ ಇರುವ ಹಾಡನ್ನು ಗಾಯಕರಾದ ವಿಜಯ್ ಪ್ರಕಾಶ್, ಕೈಲಾಶ್ ಖೇರ್ ಹಾಗೂ ಚಂದನ್ ಶೆಟ್ಟಿ ಹಾಕಿದ್ದಾರೆ. ಮಾಸ್ ಆಗಿರುವ ಈ ಹಾಡಿನಲ್ಲಿ ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಸಹ ಹೆಜ್ಜೆ ಹಾಕಿರುವುದು ವಿಶೇಷ. [ಯಾವುದೇ ಹೀರೋಗೆ ನಾನು 'ಪ್ರತಿಸ್ಪರ್ಧಿ' ಅಲ್ಲವೇ ಅಲ್ಲ: ಕಿಚ್ಚ ಸುದೀಪ್]

ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ, ಅರ್ಜುನ್ ಜನ್ಯ ಸಂಗೀತ ಇರುವ ಹಾಡು ಅಭಿಮಾನಿಗಳನ್ನು ರಂಜಿಸುತ್ತಿದೆ. ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಮೂರೇ ಗಂಟೆಗಳಲ್ಲಿ ಹಾಡು 3 ಲಕ್ಷಕ್ಕೂ ಅಧಿಕ ಹೆಚ್ಚಿನ ಕ್ಲಿಕ್ಸ್ ಪಡೆದಿದೆ.

ಕೃಷ್ಣ ನಿರ್ದೇಶನದ ಈ ಚಿತ್ರದಲ್ಲಿ ಸುನೀಲ್ ಶೆಟ್ಟಿ, ಆಕಾಂಕ್ಷಾ ಸಿಂಗ್, ಸುಶಾಂತ್ ಸಿಂಗ್, ಕಬೀರ್ ದುಹಾನ್ ಸಿಂಗ್, ಶರತ್ ಲೋಹಿತಾಶ್ವ, ಅವಿನಾಶ್ ಮುಂತಾದವರಿದ್ದಾರೆ. "ಹಾಡು ಸೂಪರ್ ಆಗಿದೆ. ಸಿನಿಮಾದ ನಿರೀಕ್ಷೆಯಲ್ಲಿದ್ದೇವೆ. ಚಂದನ್ ಶೆಟ್ಟಿ ಎನರ್ಜಿಟಿಕ್ ವಾಯ್ಸ್ ಈ ಹಾಡಿನ ಹೈಲೈಟ್. ಸೂಪರ್ ಹಾಡು ಹಿನ್ನೆಲೆ ಸಂಗೀತ ಅದ್ಭುತ" ಎಂಬ ಕಾಮೆಂಟ್‌ಗಳು ಹರಿದುಬಂದಿವೆ. [ಸೆಪ್ಟೆಂಬರ್ 12ಕ್ಕೆ ಕಿಚ್ಚ ಸುದೀಪ್ 'ಪೈಲ್ವಾನ್' ರಿಲೀಸ್?]