ಕಥೆ ಕೇಳದೇ ಸಿನಿಮಾ ಒಪ್ಪಿಕೊಂಡ ಸುದೀಪ್‌

ಸಾಮಾನ್ಯವಾಗಿ ಕಥೆ ಕೇಳದೇ ಯಾವ ನಟರೂ ಕೂಡ ಸಿನಿಮಾ ಒಪ್ಪಿಕೊಳ್ಳುವುದಿಲ್ಲ. ಆದರೆ, ರವಿಚಂದ್ರನ್‌ ವಿಷಯದಲ್ಲಿ ಸುದೀಪ್‌ ಈ ನಿಯಮ ಬದಲಿಸಿಕೊಂಡಿದ್ದಾರಂತೆ. ರವಿಚಂದ್ರನ್‌ ಕರೆ ಮಾಡಿ, 'ಇಂಥದ್ದೊಂದು ಸಿನಿಮಾದಲ್ಲಿ ನೀನು ನಟಿಸಬೇಕು' ಎಂದು ಸುದೀಪ್‌ಗೆ ಹೇಳಿದರೆ ಸಾಕು, ಯಾವುದೇ ಕಾರಣಕ್ಕೂ 'ಇಲ್ಲ' ಎನ್ನುವ ಮಾತೇ ಇಲ್ಲವಂತೆ ಕಿಚ್ಚನದ್ದು.

ಸದ್ಯ ರವಿಚಂದ್ರನ್‌ 'ರವಿ ಬೋಪಣ್ಣ' ಹೆಸರಿನ ಸಿನಿಮಾ ಮಾಡುತ್ತಿದ್ದು, ಈ ಚಿತ್ರದಲ್ಲಿ ಕಿಚ್ಚ ಅತಿಥಿ ಪಾತ್ರ ಮಾಡುತ್ತಿದ್ದಾರೆ. ಕಥೆ ಮತ್ತು ಪಾತ್ರದ ವಿವರ ಕೇಳಿದೇ ಒಪ್ಪಿಕೊಂಡಿದ್ದಾರಂತೆ ಸುದೀಪ್‌. [ಸಾರ್ಕ್‌ ದೇಶಗಳಲ್ಲಿ ರಿಲೀಸ್ ಆಗಲಿದೆ ಸುದೀಪ್ 'ಪೈಲ್ವಾನ್‌']

ಈ ಹಿಂದೆ ಮಾಣಿಕ್ಯ ಸಿನಿಮಾದಲ್ಲಿ ಈ ಜೋಡಿ ತಂದೆ ಮಗನ ಪಾತ್ರ ಮಾಡಿತ್ತು. ಸಿನಿಮಾ ಸೂಪರ್‌ ಹಿಟ್‌ ಕೂಡ ಆಗಿತ್ತು. ಈಗ ರವಿ ಬೋಪಣ್ಣ ಸಿನಿಮಾದಲ್ಲಿಯೂ ಕಿಚ್ಚನಿಗೆ ವಿಭಿನ್ನವಾಗಿರುವ ಪಾತ್ರ ಸಿಕ್ಕಿದೆಯಂತೆ. ಈ ಕುರಿತು ಸದ್ಯ ಏನೂ ಹೇಳುವುದಿಲ್ಲ ಎಂದಿದ್ದಾರೆ ಕ್ರೇಜಿಸ್ಟಾರ್‌. ಫಸ್ಟ್‌ಲುಕ್‌ ರಿಲೀಸ್‌ ಆದ ಮೇಲೆ ಎಲ್ಲವೂ ಗೊತ್ತಾಗಲಿದೆ ಎಂದು ಹೇಳುವ ಮೂಲಕ ಕುತೂಹಲ ಕ್ರಿಯೇಟ್‌ ಮಾಡಿದ್ದಾರೆ.