ಕಿಚ್ಚ ಸುದೀಪ್ ಫಿಟ್‌ನೆಸ್ ಚಾಲೆಂಜ್ ಹಾಕಿದ್ದು ಯಾರಿಗೆ?

ಫಿಟ್‌ನೆಸ್ ಚಾಲೆಂಜ್ ಅಭಿಯಾನ ಸ್ಯಾಂಡಲ್‌ವುಡ್‌ಗೂ ಅಡಿಯಿಟ್ಟಿದ್ದು ನಟ ಕಿಚ್ಚ ಸುದೀಪ್ ಅವರು ಜಿಮ್‌ನಲ್ಲಿ ಬೆವರಿಳಿಸುವ ಮೂಲಕ ಆ ಚಾಲೆಂಜ್ ಗೆದ್ದಿದ್ದಾರೆ. ಕ್ರಿಕೆಟಿಗ ವಿನಯ್ ಕುಮಾರ್ ಅವರು ಕಿಚ್ಚನಿಗೆ ಫಿಟ್‍ನೆಸ್ ಚಾಲೆಂಜ್ ಒಡ್ಡಿದ್ದರು.

ಅದನ್ನು ಸ್ವೀಕರಿಸಿದ ಕಿಚ್ಚ ಜಿಮ್‌ನಲ್ಲಿ ಕಸರತ್ತು ಮಾಡುತ್ತಿರುವ ವೀಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದೇ ರೀತಿಯ ಚಾಲೆಂಜನ್ನು ಯಶ್, ಶಿವರಾಜ್ ಕುಮಾರ್, ಪ್ರಿಯಾಮಣಿ, ರಿತೇಶ್ ದೇಶ್‌ಮುಖ್ ಮತ್ತು ಸೋಹೈಲ್ ಖಾನ್ ಅವರಿಗೆ ದಾಟಿಸಿದ್ದಾರೆ.

#HumFitTohIndiaFit ಭಾಗವಾಗಿ ಈ ಫಿಟ್‍ನೆಸ್ ಚಾಲೆಂಜನ್ನು ಕೇಂದ್ರ ಸಚಿವ ರಾಜ್ಯವರ್ಧನ್ ರಾಥೋಡ್ ಅವರು ಆರಂಭಿಸಿ ಈಗಾಗಲೆ ಹಲವಾರು ಬಾಲಿವುಡ್ ತಾರೆಗಳು, ಕ್ರೀಡಾಕಾರರು ಸ್ವೀಕರಿಸಿ ಗೆದ್ದಿದ್ದಾರೆ. ಇದೇ ಸವಾಲನ್ನು ಬೇರೆಯವರಿಗೆ ಟ್ಯಾಗ್ ಮಾಡುವ ಮೂಲಕ ವೈರಲ್ ಸ್ವರೂಪ ಪಡೆದುಕೊಂಡಿದೆ.