'ಕೆಂಪೇಗೌಡ 2'ನಲ್ಲಿ ಕಿಚ್ಚನಿಗಿಲ್ಲ ಪೊಲೀಸ್‌ ಪಾತ್ರ?

ಕಿಚ್ಚ ಸುದೀಪ್‌ 'ಕೆಂಪೇಗೌಡ'ನಾಗಿ ಬಾಕ್ಸ್‌ ಅಫೀಸ್‌ ಕೊಳ್ಳೆ ಹೊಡೆದಿದ್ದು ಈಗ ಇತಿಹಾಸ. 'ಕೆಂಪೇಗೌಡ' ಚಿತ್ರದಲ್ಲಿ ಖಡಕ್‌ ಪೊಲೀಸ್‌ ಪಾತ್ರದಲ್ಲಿ ಮಿಂಚಿದ್ದ ಕಿಚ್ಚ, 'ಕೆಂಪೇಗೌಡ 2' ನಲ್ಲಿ ಕಾಣಿಸಿಕೊಳ್ಳುವುದೇ ಡೌಟ್‌ ಎನ್ನುತ್ತಿವೆ ಕೆಲ ಮೂಲಗಳು.

ನಿರ್ಮಾಪಕ ಶಂಕರೇಗೌಡ ನಿರ್ಮಿಸಲಿರುವ 'ಕೆಂಪೇಗೌಡ 2' ಚಿತ್ರದ ತಾರಾಗಣದಲ್ಲಿ ಒಂದಿಷ್ಟು ಬದಲಾವಣೆ ಮಾಡಲಾಗಿದೆಯಂತೆ. ಇಲ್ಲಿ ಸುದೀಪ್‌ ಪೊಲೀಸ್‌ ಪಾತ್ರ ನಿಭಾಯಿಸುವುದು ತುಸು ಅನುಮಾನವಾಗಿದೆ. ಹೊಸಬರೊಬ್ಬರು 'ಕೆಂಪೇಗೌಡ 2'ನಲ್ಲಿ ಖಾಕಿ ಧರಿಸಲಿದ್ದಾರೆ ಅನ್ನೋ ಮಾತುಗಳು ಗಾಂಧಿನಗರದ ಗಲ್ಲಿಗಳಲ್ಲಿ ಓಡಾಡುತ್ತಿದೆ.

ಆದರೆ, ಈ ಕುರಿತು ಚಿತ್ರ ತಂಡ ಮಾತ್ರ ತುಟಿ ಬಿಚ್ಚಿಲ್ಲ. ಇನ್ನೇನು ಕೆಲವೇ ದಿನಗಳಲ್ಲಿ 'ಕೆಂಪೇಗೌಡ 2' ಸೆಟ್ಟೇರಲಿದೆ. ಚಿತ್ರದ ನಾಯಕ ಯಾರು ಎಂಬ ಉತ್ತರ ಕೂಡ ಆಗಲೇ ಸಿಗಲಿದೆ. ಸದ್ಯಕ್ಕೆ ಕಿಚ್ಚ ಸುದೀಪ್‌ ಪ್ರೇಮ್‌ ನಿರ್ದೇಶನದ ದಿ ವಿಲನ್‌ ಚಿತ್ರದ ಶೂಟಿಂಗ್‌ನಲ್ಲಿ ಬಿಝಿಯಾಗಿದ್ದಾರೆ.