ತೆಲುಗು, ತಮಿಳಿಗೆ ಸುಮನಾ ರೇ

ಸುನೀಲ್‌ಕುಮಾರ್‌ ದೇಸಾಯಿ ನಿರ್ದೇಶನದ ರೇ ಸಿನಿಮಾದಲ್ಲಿ ರಮೇಶ್‌ ಅರವಿಂದ್‌ಗೆ ಜೋಡಿಯಾಗಿ ಸುಮನಾ ರೇ ನಟಿಸಿದ್ದರು, ಈಗ ಅವರಿಗೆ ತಮಿಳು, ತೆಲುಗು, ಮಲಯಾಳಂ ಚಿತ್ರಗಳಿಂದ ಆಫರ್‌ಗಳು ಬರುತ್ತಿವೆಯಂತೆ.

ಕೆಲ ದಿನಗಳಿಂದ ನಟನೆಯಿಂದ ದೂರ ಇದ್ದ, ಸುಮನಾ ಸದ್ಯ ತಮಿಳಿನ ಒಂದು ಸಿನಿಮಾವನ್ನು ಒಪ್ಪಿಕೊಂಡಿದ್ದಾರೆ. ತಮಿಳು ಸಿನಿಮಾದ ಕಥೆ ಏನು ಎಂಬುದನನು ಬಿಟ್ಟು ಕೊಡದ ಅವರು, ಇದರಲ್ಲಿ ಗ್ಲಾಮರ್‌ ಮತ್ತು ಡಿ ಗ್ಲಾಮ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ. ತಮಿಳಿನ ಜತೆಯಲ್ಲಿ ಕನ್ನಡದಲ್ಲಿಯೂ ಒಂದು ಸಿನಿಮಾದ ಮಾತುಕಥೆ ನಡೆಯುತ್ತಿದೆಯಂತೆ.

ನನಗೆ ಚಾಲೆಂಜಿಂಗ್‌ ಪಾತ್ರಗಳೆಂದರೆ ಇಷ್ಟವಾಗುತ್ತದೆ. ಅದಕ್ಕಾಗಿ ಕಾದು ನೋಡಿ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದೇನೆ. ಸದ್ಯ ಒಪ್ಪಿಕೊಂಡಿರುವ ಸಿನಿಮಾಗಳ ಬಗ್ಗೆ ಕೆಲವೇ ದಿನಗಳಲ್ಲಿ ಹೇಳುತ್ತೇನೆ ಅಂತಾರೆ ಸುಮನಾ.