ಬೆಂಗಳೂರಿಗೆ ಬಂದಿದ್ದ ರಜನಿಕಾಂತ್‌: ಶಸ್ತ್ರಚಿಕಿತ್ಸೆಗೊಳಗಾದ ಅಣ್ಣನ ಕುಶಲ ವಿಚಾರಿಸಿದ ಸೂಪರ್‌ಸ್ಟಾರ್

ಬೆಂಗಳೂರು: ಭಾರತೀಯ ಚಿತ್ರರಂಗದ ಸೂಪರ್‌ ಸ್ಟಾರ್ ರಜನಿಕಾಂತ್‌ ಬೆಂಗಳೂರಿಗೆ ಬಂದಿದ್ದರು.

ಇದಕ್ಕೆ ಕಾರಣವೂ ಇತ್ತು.

ಯಾವುದೇ ಚಿತ್ರದ ಶೂಟಿಂಗ್ ಅಥವಾ ಪ್ರಚಾರಕ್ಕೆ ರಜನಿಕಾಂತ್‌ ಬೆಂಗಳೂರಿಗೆ ಆಗಮಿಸಿರಲಿಲ್ಲ.

ಬದಲಿಗೆ ವೈಯಕ್ತಿಕ ಕೆಲಸದ ಮೇಲೆ ರಜನಿಕಾಂತ್‌ ಚೆನ್ನೈನಿಂದ ಸಿಲಿಕಾನ್‌ ಸಿಟಿಗೆ ಆಗಮಿಸಿದ್ದರು.

ರಜನಿಕಾಂತ್‌ ಸಹೋದರ ಸತ್ಯನಾರಾಯಣ ರಾವ್‌ ಗಾಯಕ್ವಾಡ್‌ (77) ಮೊಣಕಾಲು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು.

ಶೇಷಾದ್ರಿಪುರಂನಲ್ಲಿರುವ ಖಾಸಗಿ ಆಸ್ಪತ್ರೆಯಲ್ಲಿ ಮೊಣಕಾಲು ಜೋಡಣೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದ ಸತ್ಯನಾರಾಯಣ ರಾವ್‌ ನಡೆಸಲಾಗಿತ್ತು

ಅಣ್ಣನ ಆರೋಗ್ಯ ವಿಚಾರಿಸಿಕೊಂಡು ಹೋಗಲು ರಜನಿಕಾಂತ್‌ ಆಗಮಿಸಿದ್ದರು.

ಚೆನ್ನೈನಿಂದ ಬಂದದ್ದೇ ಶೇಷಾದ್ರಿಪುರಂನ ಖಾಸಗಿ ಆಸ್ಪತ್ರೆಗೆ ಭೇಟಿ ನೀಡಿ ಸಹೋದರನ ಕುಶಲ ವಿಚಾರಿಸಿದರು. ನಂತರ ವೈದ್ಯರೊಂದಿಗೆ ರಜನಿ ಮಾತುಕತೆ ನಡೆಸಿದರು.