ನಟಿ ತಾಪ್ಸಿ ಪನ್ನು ಡೇಟಿಂಗ್‌ನಲ್ಲಿದ್ದಾರೆ ಎಂಬ ಗುಸುಗುಸು ಸುದೀರ್ಘ ಸಮಯದಿಂದ ಬಾಲಿವುಡ್‌ನಲ್ಲಿ ಗಿರಕಿ ಹೊಡೆಯುತ್ತಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಅವರು, ಹೌದು ನಿಜ ಒಬ್ಬರನ್ನು ಪ್ರೀತಿಸುತ್ತಿದ್ದೇನೆ ಎಂದಿದ್ದಾರೆ. ಆದರೆ ಆ ವ್ಯಕ್ತಿ ಯಾರು, ಕುಲಗೋತ್ರ ಏನು ಎಂಬುದನ್ನು ತಿಳಿಸಿಲ್ಲ. ಇತ್ತೀಚೆಗೆ ನಡೆದ ಫೋಟೋಶೂಟ್‌ನಲ್ಲಿ ತಮ್ಮ ಪ್ರೀತಿ, ಪ್ರೇಮದ ಬಗ್ಗೆ ಮೌನ ಮುರಿದಿದ್ದಾರೆ.

ಮಕ್ಕಳು ಬೇಕು ಅನ್ನಿಸಿದಾಗ ಮದುವೆಯಾಗುತ್ತೇನೆ. ಗಾಸಿಪ್ಸ್‌ಗಾಗಿ ಅಲ್ಲದೆ ನನ್ನ ವೈಯಕ್ತಿಕ ಜೀವನದ ಬಗ್ಗೆ ಪ್ರಾಮಾಣಿಕವಾಗಿ ತಿಳಿದುಕೊಳ್ಳಬೇಕು ಎಂದು ಬಯಸುತ್ತಿರುವವರಿಗಾಗಿ ಹೇಳುತ್ತಿದ್ದೇನೆ. ನನಗೆ ಇನ್ನೂ ಮದುವೆಯಾಗಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ಪುರುಷನ 'ಗುಪ್ತಾಂಗ' ಸ್ಪರ್ಶಿಸಿ ಟ್ರೋಲ್‌ಗೆ ಸಿಲುಕಿದ ತಾಪ್ಸಿ ಪನ್ನು!

"ನನ್ನ ಬದುಕಿಗೆ ಅಡಿಯಿಟ್ಟಿರುವ ವ್ಯಕ್ತಿ ಎಲ್ಲರೂ ಭಾವಿಸಿದಂತೆ ನಟ, ಕ್ರಿಕೆಟರ್ ಅಲ್ಲವೇ ಅಲ್ಲ. ಆತ ನನ್ನ ಸುತ್ತುಮುತ್ತಲಿನ ಪ್ರದೇಶಗಳಲ್ಲಿ ಎಲ್ಲೂ ಇಲ್ಲ. ನನಗೆ ಮಕ್ಕಳು ಬೇಕು ಅನ್ನಿಸಿದಾಗ ಮದುವೆಯಾಗುತ್ತೇನೆ" ಎಂದು ಹೇಳಿದ್ದಾರೆ.

ಬಳಿಕ ತಾಪ್ಸಿ ಸಹೋದರಿ ಶುಗುನ್ ಮಾತನಾಡುತ್ತಾ, "ಈ ವಿಚಾರದಲ್ಲಿ ತಾಪ್ಸಿ ನನಗೆ ಥ್ಯಾಂಕ್ಸ್ ಹೇಳಬೇಕು. ಯಾಕೆಂದರೆ ನನ್ನಿಂದಲೇ ಆ ವ್ಯಕ್ತಿಯ ಪರಿಚಯವಾಯಿತು" ಎಂದು ಹೇಳಿ ಇನ್ನಷ್ಟು ಕುತೂಹಲ ಮೂಡಿಸಿದ್ದಾರೆ. ಇಷ್ಟಕ್ಕೂ ಆ ವ್ಯಕ್ತಿ ಯಾರು ಎಂಬುದೇ ಯಕ್ಷಪ್ರಶ್ನೆಯಾಗಿ ಉಳಿದಿದೆ.

ದಕ್ಷಿಣದ ಸಿನಿಮಾಗಳಲ್ಲಿ ಒಂದಷ್ಟು ಹೆಸರು ಮಾಡಿದ್ದ ತಾಪ್ಸಿ ಈಗ ಬಾಲಿವುಡ್‌ನ 'ಮಿಷನ್ ಮಂಗಲ್' ಸಿನಿಮಾ ಮೂಲಕ ಭರ್ಜರಿ ಹಿಟ್ ದಾಖಲಿಸಿರುವ ತಾಪ್ಸಿ ಪ್ರಸ್ತುತ ತಡ್ಕಾ, ಶಾಂದ್‌ಕಿ ಆಂಖ್ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಇನ್ನೊಂದು ಕಡೆ ತಮಿಳು ನಟ ಜಯಂ ರವಿ ಜತೆಗಿನ ಸಿನಿಮಾಗೂ ಸಹಿ ಹಾಕಿದ್ದಾರೆ.