ಅಯೋಗ್ಯನಿಗೆ ಹಾಡಿದ ಟಗರು ಅಂಥೋನಿ ದಾಸನ್

ನೀನಾಸಂ ಸತೀಶ್‌ ನಟನೆಯ ಅಯೋಗ್ಯ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ನ್ನು ದಕ್ಷಿಣದ ಖ್ಯಾತ ಗಾಯಕ ಅಂಥೋನಿ ದಾಸನ್‌ ಹಾಡಿದ್ದಾರೆ.

ಅಂಥೊನಿ ದಾಸನ್‌ ಈ ಹಿಂದೆ ಟಗರು ಸಿನಿಮಾದ ಟೈಟಲ್‌ ಹಾಡನ್ನು ಹಾಡಿದ್ದರು. ಆ ಹಾಡು ಸಿಕ್ಕಾಪಟ್ಟೆ ಹಿಟ್‌ ಆಗಿತ್ತು,ಈಗ ಅಯೋಗ್ಯ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ನ್ನು ಹಾಡಿದ್ದಾರೆ, ಆ ಹಾಡನ್ನು ಸದ್ಯದಲ್ಲೇ ಹಿರಿಯ ನಟ ಅಂಬರೀಷ್‌ ಬಿಡುಗಡೆ ಮಾಡಲಿದ್ದಾರೆ. 'ಅಂಥೋನಿ ದಾಸನ್‌, ತಮಿಳಿನ ಖ್ಯಾತ ಜಾನಪದ ಗಾಯಕ. ಅವರ ಧ್ವನಿ ಇತ್ತೀಚೆಗೆ ಟಗರು ಸಿನಿಮಾದ ಮೂಲಕ ಕನ್ನಡದ ಹಾಟ್‌ ಫೇವರಿಟ್‌ ಆಗಿತ್ತು,

ನಮ್ಮ ಸಿನಿಮಾದ ಟೈಟಲ್‌ ಟ್ರ್ಯಾಕ್‌ನ್ನು ಅವರಿಂದಲೇ ಹಾಡಿಸಬೇಕು ಎಂದು ತೀರ್ಮಾನಿಸಿ ಹಾಡಿಸಿದ್ದೇವೆ. ಹಾಡು ಬಹಳ ಚೆಂದವಾಗಿ ಬಂದಿದೆ. ಸದ್ಯಕ್ಕೆ ಯಾವುದೇ ಹಾಡನ್ನು ಹಾಡುವುದಿಲ್ಲ ಎಂದಿದ್ದ ಅವರು, ನಾನು ಕಂಪೋಸ್‌ ಮಾಡಿದ ಟ್ರ್ಯಾಕ್‌ ಕೇಳಿ ಹಾಡಲು ಖುಷಿಯಿಂದ ಒಪ್ಪಿಕೊಂಡರು. ಇದು ಸಹ ಟಗರು ಹಾಡಿನಂತೆ ದೊಡ್ಡ ಹಿಟ್‌ ಆಗುತ್ತದೆ,'ಎನ್ನುತ್ತಾರೆ ಸಂಗೀತ ನಿರ್ದೇಶಕ ಅರ್ಜುನ್‌ ಜನ್ಯ.

ಈ ಚಿತ್ರವನ್ನು ಮಹೇಶ್‌ಕುಮಾರ್‌ ನಿರ್ದೇಶನ ಮಾಡಿದ್ದು, ಕ್ರಿಸ್ಟಲ್‌ ಪಾರ್ಕ್‌ ಸಿನಿಮಾಸ್‌ ಬ್ಯಾನರ್‌ನಡಿ ಟಿ ಆರ್‌ ಚಂದ್ರಶೇಖರ್‌ ನಿರ್ಮಾಣ ಮಾಡಿದ್ದಾರೆ.