ಮದುವೆಯಾಗಲು ಹುಡುಗಿ ಬೇಕೆಂದು FB ಪೋಸ್ಟ್‌ ಮಾಡಿದ ರಾಜರಥ ನಟ ಆರ್ಯ

ರಂಗಿತರಂಗದ ನಿರ್ಮಾಪಕ ಅನೂಪ್ ಭಂಡಾರಿಯವರ ಎರಡನೇ ಚಿತ್ರ ರಾಜರಥದ ಶೂಟಿಂಗ್‌ ಪ್ರಾರಂಭವಾಗಿದೆ. ಈ ಚಿತ್ರದಲ್ಲಿ ತಮಿಳು ನಟ ಆರ್ಯ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸುತ್ತಿದ್ದಾರೆ.

ಆರ್ಯ ಕಾಲಿವುಡ್‌ನ ಹಾಟ್ ಬಾಯ್. ಅವರ ಆಕರ್ಷಕ ಮೈಕಟ್ಟು ಹಾಗೂ ಲುಕ್‌ಗೆ ಹುಡುಗಿಯರು ಕ್ಲೀನ್‌ ಬೋಲ್ಡ್‌. ವಿಷಯ ಏನಪ್ಪಾ ಅಂದರೆ ಈ ಹಾಟ್ ಬಾಯ್‌ ಫೇಸ್‌ಬುಕ್‌ನಲ್ಲಿ ಮದುವೆಯಾಗಲು ಹುಡುಗಿ ಬೇಕೆಂಬ ವೀಡಿಯೋ ಹಾಕಿದ್ದು, ಆ ವೀಡಿಯೋ ವೈರಲ್ ಆಗಿದೆ.

'ನಾನೇನು ತಮಾಷೆ ಮಾಡುತ್ತಿಲ್ಲ, ನಿಜವಾಗಲೂ ಮದುವೆಯಾಗಲು ಹುಡುಗಿ ಹುಡುಕುತ್ತಿದ್ದೇನೆ. ನನಗೆ ಯಾವುದೇ ಡಿಮ್ಯಾಂಡ್‌, ಕಂಡೀಷನ್‌ ಇಲ್ಲ, ನಿಮಗೆ ನನ್ನ ಇಷ್ಟವಾದರೆ ಕರೆ ಮಾಡಿ' ಎಂದು ನಂಬರ್‌ ಕೂಡ ಕೊಟ್ಟಿದ್ದಾರೆ.

ಆರ್ಯ ಜಿಮ್‌ನಲ್ಲಿ ಫ್ರೆಂಡ್ಸ್‌ ಜತೆ ತನ್ನ ಮದುವೆ ಬಗ್ಗೆ ಮಾತನಾಡುತ್ತಿದ್ದಾಗ ಅದನ್ನು ಅವರ ಫ್ರೆಂಡ್ಸ್ ವೀಡಿಯೋ ಮಾಡಿ ಫೇಸ್‌ಬುಕ್‌ ಹಾಕಿದ್ದರು. ಆ ವೀಡಿಯೋ ವೈರಲ್‌ ಆಗಿತ್ತು. ಇದೀಗ ಸ್ವತಃ ಆರ್ಯಾನೇ ವೀಡಿಯೋ ಮಾಡಿ ತಾನು ಮದುವೆಗೆ ಹುಡುಗಿ ಹುಡುಕುತ್ತಿದ್ದು ನನ್ನ ಇಷ್ಟವಾದರೆ ನೀವು ಕರೆ ಮಾಡಬಹುದು ಎಂದಿದ್ದಾರೆ.

ಆರ್ಯ ಅಭಿನಯದ ರಾಜರಥ ತೆಲುಗಿನಲ್ಲಿ ರಾಜರಥಮ್‌ ಎಂಬ ಹೆಸರಿನಲ್ಲಿ ಬಿಡುಗಡೆಯಾಗಲಿದೆ.