ಡಾ ರಾಜ್‌ಕುಮಾರ್‌ ಸ್ಮರಿಸಿದ ತಮಿಳು ನಟ ಪ್ರಭು

ತಮಿಳು ಚಿತ್ರರಂಗದ ಫೇಮಸ್‌ ನಟ ಹಾಗೂ ನಿರ್ಮಾಪಕ ಪ್ರಭು ರಾಜ್‌ಕುಮಾರ್‌ ಅವರನ್ನು ಸ್ಮರಿಸಿದ್ದಾರೆ. ಬೆಂಗಳೂರಿನಲ್ಲಿ ಅವರು ರಾಜ್‌ ಸ್ಮಾರಕಕ್ಕೆ ಪೂಜೆ ಸಲ್ಲಿಸಿರುವ ಫೋಟೋ ಲವಲವಿಕೆಗೆ ಲಭ್ಯವಾಗಿದೆ.

ಇತ್ತೀಚೆಗೆ ಸಿನಿಮಾ ಒಂದರ ಶೂಟಿಂಗ್‌ ಸಲುವಾಗಿ ಬೆಂಗಳೂರಿಗೆ ಬಂದಿದ್ದ ನಟ ಪ್ರಭು, ಬಿಡುವು ಮಾಡಿಕೊಂಡು ಡಾ.ರಾಜ್‌ ಕುಮಾರ್‌ ಸಮಾಧಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಅಣ್ಣಾವ್ರ ಪೋಟೋಗೆ ಕೈಮಗಿದು, ಪೂಜೆ ಮಾಡಿ ಕೆಲಸ ಸಮಯ ಅಲ್ಲಿಯೇ ಕಳೆದಿದ್ದಾರೆ. ಈ ಸಂದರ್ಭದಲ್ಲಿ ಅಲ್ಲಿಗೆ ಬಂದಿದ್ದ ರಾಜ್‌ ಅಭಿಮಾನಿಗಳೊಂದಿಗೆ ಮಾತನಾಡಿದ್ದಾರೆ. ಡಾ.ರಾಜ್‌ರೊಂದಿಗಿನ ನೆನಪನ್ನು ಅಲ್ಲಿರುವವರೊಂದಿಗೆ ಹಂಚಿಕೊಂಡಿದ್ದಾರೆ.

'ಪ್ರತಿಬಾರಿಯೂ ಬೆಂಗಳೂರಿಗೆ ಬಂದಾಗ ಎಷ್ಟೇ ಬಿಜಿ ಇದ್ದರೂ ಬಿಡುವು ಮಾಡಿಕೊಂಡು ರಾಜ್‌ ಸಮಾಧಿಯ ಬಳಿ ಹೋಗಿ ಕೆಲ ಸಮಯ ಕಳೆಯುತ್ತೇನೆ. ಇದು ಮನಸ್ಸಿಗೆ ಖುಷಿ ನೀಡುತ್ತದೆ. ನಾವು ಒಟ್ಟಿಗೆ ಕಳೆದ ದಿನಗಳು ನೆನಪಾಗುತ್ತವೆ. ನನಗೂ ಕನ್ನಡ ಚಿತ್ರರಂಗಕ್ಕೂ ಹಲವಾರು ವರ್ಷಗಳ ನಂಟು. ರಾಜ್‌ರಿಂದಲೇ ಸ್ಯಾಂಡಲ್‌ವುಡ್‌ ಇಷ್ಟರ ಮಟ್ಟಿಗೆ ಬೆಳೆದಿದೆ' ಎಂದಿದ್ದು, ಎಲ್ಲರ ಜತೆ ಹಲವು ಸಂಗತಿಗಳನ್ನು ನಟ ಪ್ರಭು ಹಂಚಿಕೊಂಡಿದ್ದಾರೆ.