ಗಣೇಶ ಹಬ್ಬಕ್ಕೆ 'The Villain' ರಿಲೀಸ್‌ ಡೇಟ್‌ ಅನೌನ್ಸ್‌

ಪ್ರೇಮ್‌ ನಿರ್ದೇಶನದ ದಿ ವಿಲನ್‌ ಚಿತ್ರ ಈಗಾಗಲೇ ನಿರೀಕ್ಷೆ ಹುಟ್ಟಿಸಿದ್ದು, ಅಭಿಮಾನಿಗಳು ಯಾವಾಗ ಬಿಡುಗಡೆ ಎಂದು ಕಾಯುತ್ತಿದ್ದಾರೆ. ಹಾಗಾಗಿ ಪ್ರೇಮ್‌ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ಗಣೇಶ ಹಬ್ಬದ ದಿನ ರಿವೀಲ್‌ ಮಾಡುತ್ತಾರಂತೆ.

ಹೌದು, ಇದೇ ಗೌರಿ ಗಣೇಶ ಹಬ್ಬಕ್ಕೆ ಸುದೀಪ್‌ ಮತ್ತು ಶಿವರಾಜ್‌ಕುಮಾರ್‌ ಅಭಿಮಾನಿಗಳಿಗಾಗಿ ರಿಲೀಸ್‌ ಡೇಟ್‌ನ್ನು ಅನೌನ್ಸ್‌ ಮಾಡುವುದಾಗಿ ನಿರ್ದೇಶಕ ಪ್ರೇಮ್‌ ಸೋಷಿಯಲ್‌ ಮೀಡಿಯಾದಲ್ಲಿ ಹಾಕಿಕೊಂಡಿದ್ದಾರೆ. ಸೆನ್ಸಾರ್‌ಗಾಗಿ ರಿವೈಸಿಂಗ್‌ ಕಮಿಟಿಗೆ ಹೋಗಿದ್ದ ವಿಲನ್‌ಗೆ, ಯು/ಎ ಸರ್ಟಿಫಿಕೇಟ್‌ ದೊರೆತಿದೆ.

ಈ ಸಿನಿಮಾದಲ್ಲಿ ವಿಲನ್‌ ಯಾರು ಎಂದು ಅಭಿಮಾನಿಗಳು ಕೇಳುತ್ತಿದ್ದಾರೆ ಇದಕ್ಕೆಲ್ಲ ಸಿನಿಮಾದಲ್ಲಿಯೇ ಉತ್ತರ ನೀಡುತ್ತೇನೆ ಎಂದಿದ್ದಾರೆ ಪ್ರೇಮ್‌. ಯು/ಎ ಸರ್ಟಿಫಿಕೇಟ್‌ ನೀಡಿರುವುದಕ್ಕೆ ಟ್ವಿಟರ್‌ನಲ್ಲಿ ಸೆನ್ಸಾರ್‌ ಮಂಡಳಿ ಟೀಮ್‌ಗೆ ನಿರ್ದೇಶಕರು ಧನ್ಯವಾದ ಅರ್ಪಿಸಿದ್ದಾರೆ.