The Villain Teaser: 'ದಿ ವಿಲನ್' ಟೀಸರ್: ಟ್ರೆಂಡಿಂಗ್‌ನಲ್ಲಿ ಶಿವಣ್ಣ, ಕ್ಲಿಕ್ಸ್‌ನಲ್ಲಿ ಸುದೀಪ್ ಮುಂದು

ಸ್ಯಾಂಡಲ್‍ವುಡ್‌ನ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ’ದಿ ವಿಲನ್’ ಸಿನಿಮಾ ಕೂಡ ಒಂದು. ಕಿಚ್ಚ ಸುದೀಪ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಎರಡು ಟೀಸರ್‌‌ಗಳು ಬಿಡುಗಡೆಯಾಗಿವೆ. ಶಿವಣ್ಣ ಹಾಗೂ ಸುದೀಪ್ ಇಬ್ಬರ ಟೀಸರ್‌ಗೂ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಗುರುವಾರ (ಜೂ.28) ಬಿಡುಗಡೆಯಾದ ಟೀಸರ್‌ಗಳಲ್ಲಿ ಇದುವರೆಗೆ ಶಿವಣ್ಣನ ಟೀಸರ್‌ಗೆ 1,402,203 ವ್ಯೂಸ್ ಸಿಕ್ಕಿದ್ದು 2,586 ಕಾಮೆಂಟ್ಸ್ ಹರಿದುಬಂದಿವೆ. ಅದೇ ರೀತಿ ಸುದೀಪ್ ಟೀಸರ್‌ಗೆ 2,004,151 ವ್ಯೂಸ್ ಲಭಿಸಿದ್ದು 4,770 ಕಾಮೆಂಟ್ಸ್ ಪೋಸ್ಟ್ ಆಗಿವೆ.

ವಿಶೇಷ ಎಂದರೆ ಯೂಟ್ಯೂಬಲ್ಲಿ ಸುದೀಪ್ ಟೀಸರ್‌ಗೆ ಹೆಚ್ಚು ವ್ಯೂಸ್ ಹಾಗೂ ಕಾಮೆಂಟ್ಸ್ ಹರಿದುಬಂದಿದ್ದರೂ ಟ್ರೆಂಡಿಂಗ್‌ನಲ್ಲಿ ಮಾತ್ರ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಟೀಸರ್ ಇದೆ. ಹೀಗ್ಯಾಕೆ ಆಯ್ತು ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡುವುದು ಸಹಜ. ಇದಕ್ಕೆ ವಿಶೇಷ ಅರ್ಥವನ್ನೂ ಕಲ್ಪಿಸಬೇಕಾಗಿಲ್ಲ.


ಯೂಟ್ಯೂಬ್ ಟ್ರೆಂಡಿಂಗ್ ಎಂದರೆ "ನಾವಿರುವ ಪ್ರದೇಶದಲ್ಲಿರುವ ಜನ ಆ ವೀಡಿಯೋವನ್ನು ನೋಡಲು ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ" ಎಂದರ್ಥ. ಹಾಗಾಗಿ ಶಿವರಾಜ್ ಕುಮಾರ್ ಟೀಸರ್‌ಗೆ ವ್ಯೂಸ್ ಸ್ವಲ್ಪ ಕಡಿಮೆ ಇದ್ದರೂ ಟ್ರೆಂಡಿಂಗ್‌ನಲ್ಲಿ ಟಾಪ್‌ನಲ್ಲಿದೆ.

ಅಂದರೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಟೀಸರನ್ನು ನೋಡಲು ಜನ ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ ಎಂಬ ಆಧಾರದ ಮೇಲೆ ಯೂಟ್ಯೂಬ್ ಅದನ್ನು ಟ್ರೆಂಡಿಂಗ್‌ನಲ್ಲಿ ತೋರಿಸುತ್ತಿದೆ ಎಂದರ್ಥ. ಶಿವಣ್ಣ ಟೀಸರ್ ಟ್ರೆಂಡಿಂಗ್ ಇರುವುದನ್ನು ಚಿತ್ರದ ನಿರ್ದೇಶಕ ಪ್ರೇಮ್ ಸಹ ಟ್ವೀಟ್ ಮಾಡಿದ್ದಾರೆ.