ಇದೇ ಮೊದಲ ಬಾರಿಗೆ ಸೇನಾಧಿಕಾರಿಯಾಗಿ ತಿಲಕ್‌

ನಟ ತಿಲಕ್‌ ಸೇನಾಧಿಕಾರಿಯಾಗಿ ನಟಿಸುತ್ತಿದ್ದಾರೆ. ಬೆಕ್ಕಿಗೊಂದು ಮೂಗುತಿ ಹೆಸರಿನ ಸಿನಿಮಾದಲ್ಲಿ ಇವರು ಇಂಥದ್ದೊಂದು ಪಾತ್ರ ಮಾಡಿದ್ದು, ಏಲಿಯನ್‌ ಗುಣವನ್ನೇ ಬದಲಿಸುವಂಥ ಪವರ್‌ಫುಲ್‌ ಆಗಿರುವ ಪಾತ್ರ ಇದಾಗಿದೆಯಂತೆ.

'ಸಿನಿಮಾದ ಶೀರ್ಷಿಕೆಯೇ ವಿಶೇಷವಾಗಿದೆ. ಸೇನಾಧಿಕಾರಿ ಪಾತ್ರ ಅದಾಗಿದ್ದರೂ, ಆ ಪಾತ್ರಕ್ಕೆ ಹಲವು ಆಯಾಮಗಳನ್ನು ನೀಡಿದ್ದಾರೆ ನಿರ್ದೇಶಕ ಲೆಸ್ಲೀ. ಪ್ರಾಣಿ ರೂಪದಲ್ಲಿ ಬಂದು ಮನುಷ್ಯಳಾಗಿ ನಾಯಕಿಯ ಬದಲಾವಣೆಗೆ ನಾಯಕ ಹೇಗೆಲ್ಲ ಕಾರಣ ಆಗುತ್ತಾನೆ ಎನ್ನುವ ರೋಚಕ ಕಥೆ ಕೂಡ ಈ ಸಿನಿಮಾದಲ್ಲಿ ಇರುವುದು ವಿಶೇಷ' ಎಂದರು ತಿಲಕ್‌.

ಈಗಾಗಲೇ ನಾನಾ ರೀತಿಯ ಪಾತ್ರಗಳನ್ನು ಮಾಡುತ್ತಾ ಬಂದಿರುವ ತಿಲಕ್‌, ಇದೇ ಮೊದಲ ಬಾರಿಗೆ ಸೇನಾಧಿಕಾರಿಯಾಗಿದ್ದಾರಂತೆ. ಈ ಪಾತ್ರಕ್ಕಾಗಿ ಸೇನೆಯ ಹಲವು ವಿಷಯಗಳನ್ನೂ ತಿಳಿದುಕೊಂಡಿದ್ದಾರಂತೆ. ತಿಲಕ್‌ ನಾಯಕನಾದರೆ, ಶಿವಮೊಗ್ಗ ಮೂಲಕ ಸುಷ್ಮಾರಾಜ್‌ ನಾಯಕಿ. ಭಾವನೆಗಳೇ ಇಲ್ಲದ ಹುಡುಗಿಯಾಗಿ ಇವರು ನಟಿಸಿದ್ದಾರಂತೆ.

ಇತ್ತೀಚೆಗಷ್ಟೇ ಬೆಕ್ಕಿಗೊಂದು ಮೂಗುತಿ ಸಿನಿಮಾದ ಹಾಡುಗಳು ರಿಲೀಸ್ ಆಗಿವೆ. ಕತೆ,ಚಿತ್ರಕತೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿರುವ ಲೆಸ್ಲೀ ಚಿತ್ರೀಕರಣ ಮುಗಿಸಿದ ಬೆನ್ನಲ್ಲೆ ಆರೋಗ್ಯದಲ್ಲಿ ವ್ಯತ್ಯಯ ಕಂಡು ಬಂದಿದೆ. ತರುವಾಯ ಮುಂದಿನ ಕೆಲಸವನ್ನು ಖುದ್ದು ಜವಬ್ದಾರಿ ತೆಗೆದುಕೊಂಡು ಬಿಡುಗಡೆ ಹಂತಕ್ಕೆ ತರಲಾಗಿದೆ.

ಐವತ್ತು ವರ್ಷಗಳಿಂದ ನಿರ್ಮಾಣ ಮಾಡುವ ಬಯಕೆ ಇತ್ತು. ಅದು ಈಗ ಈಡೇರಿದೆ. ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಯು ಪ್ರಮಾಣ ಪತ್ರ ಪಡೆದುಕೊಂಡಿರುವ ಚಿತ್ರವನ್ನು ಮಾರಾಟ ಮಾಡಲು ಚಿಂತನೆ ನಡೆಸಲಾಗಿದೆ. ಆಗದಿದ್ದ ಪಕ್ಷದಲ್ಲಿ ಜನರಿಗೆ ತೋರಿಸಲು ಯೋಜನೆ ರೂಪಿಸಲಾಗುವುದು ಅಂತ ಏರ್ ಕ್ರಾಫ್ಟ್ ಇಂಜನಿಯರ್ ಆಗಿರುವ ನಿರ್ಮಾಪಕಿಯ ಪತಿ ಉಮೇಶ್‌ಗುರ್‌ಪುರ್ ಮಾಹಿತಿ ನೀಡಿದರು.

ತಂಡದೊಂದಿಗೆ ಸೇರಿಕೊಂಡು ನಾಲ್ಕು ಹಾಡುಗಳಿಗೆ ಸಾಹಿತ್ಯ, ಮೂರಕ್ಕೆ ಕಂಠದಾನ ಮಾಡಿ, ರಾಗ ಒದಗಿಸಿರುವ ವಿಕಾಸ್‌ವಸಿಷ್ಟ ಅವರಿಗೆ ಎರಡನೆ ಪ್ರಯತ್ನ. ಈ ಪೈಕಿ ಒಂದು ಡಾಬಾ ಹಾಡು ಇದೆಯಂತೆ.ನಿರ್ಮಾಪಕಿ ಬಿ.ಕೆ.ಮಾಧುರಿಉಮೇಶ್ ಪತಿಯ ಮಾತಿಗೆ ದಸ್‌ಕತ್ ಹಾಕಿದರು. ಇದಕ್ಕೂ ಮುನ್ನ ಚಿತ್ರದ ಎರಡು ಹಾಡುಗಳು, ಟ್ರೈಲರ್ ಪ್ರದರ್ಶನಗೊಂಡಿತು.