ನಟ ವಿಜಯ್ ದೇವರಕೊಂಡ ಮದುವೆ: ಸುಳ್ ಸುದ್ದಿಗೆ ಕಾರಣವೇನು?

ಟಾಲಿವುಡ್ ಸೆನ್ಸೇಷನಲ್ ಸ್ಟಾರ್ ನಟ ವಿಜಯ್ ದೇವರಕೊಂಡ ಅವರು ಮದುವೆಯಾಗುತ್ತಿದ್ದಾರೆ ಎಂಬ ನ್ಯೂಸ್ ಸಾಕಷ್ಟು ಕಡೆ ಹರಿದಾಡುತ್ತಿದೆ. ತಕ್ಷಣವೇ ವಿಜಯ್ ದೇವರಕೊಂಡ ಮದುವೆ ಆಗುತ್ತಿರುವುದು ರಶ್ಮಿಕಾ ಮಂದಣ್ಣ ಅವರನ್ನು ಎಂದು ದಯವಿಟ್ಟು ನಿರ್ಧರಿಸಿಕೊಳ್ಳಬೇಡಿ. ಇಲ್ಲಿ ರಶ್ಮಿಕಾ ಹೆಸರು ಕೇಳಿ ಬರುತ್ತಿಲ್ಲ. ಬದಲಿಗೆ, ಟಾಲಿವುಡ್‌ ನಟಿ ಐಶ್ವರ್ಯಾ ರಾಜೇಶ್ ಹೆಸರು ವಿಜಯ್ ಜೊತೆ ಸುತ್ತಿಕೊಂಡಿದೆ. ನಟಿ ಐಶ್ವರ್ಯಾ ಸ್ಪಷ್ಟೀಕರಣ ಕೊಟ್ಟಾದ ಮೇಲೂ ಈ ಸುಳ್ ಸುದ್ದಿ ನಿಂತೇ ಇಲ್ಲ.

ಹಾಗಿದ್ದರೆ ಈ ಸುದ್ದಿಗೆ ಮೂಲ ಮತ್ತು ಕಾರಣವೇನು? ಬಹಳಷ್ಟು ಜನರು ಹೇಳುವಂತೆ ಈ ಸುಳ್ ಸುದ್ದಿಗೆ ಮೂಲ ನಟ ವಿಜಯ್ ದೇವರಕೊಂಡ ಅವರ ವಿರೋಧಿಗಳು ಎನ್ನಲಾಗುತ್ತಿದೆ. ನಟ ವಿಜಯ್ ಟಾಲಿವುಡ್‌ನಲ್ಲಿ ಬಹಳ ದೊಡ್ಡ ಸ್ಟಾರ್ ನಟರಾಗಿ ಬೆಳೆಯುತ್ತಿದ್ದಾರೆ. ಅದನ್ನು ಸಹಿಸದ ಅವರ ಹಲವು ವಿರೋಧಿಗಳು ಪದೇ ಪದೆ ಅವರ ಮದುವೆ ಎಂಬ ಸುಳ್ ಸುದ್ದಿಯನ್ನು ಹರಿಯಬಿಡುತ್ತಿದ್ದಾರೆ ಎನ್ನಲಾಗುತ್ತಿದೆ.

ನಟ ವಿಜಯ್ ದೇವರಕೊಂಡ ಮತ್ತು ಕನ್ನಡದ ಹುಡುಗಿ ರಶ್ಮಿಕಾ ಜೋಡಿ ಟಾಲಿವುಡ್‌ನಲ್ಲಿ ತುಂಬಾ ಫೇಮಸ್. ರಕ್ಷಿತ್ ಶೆಟ್ಟಿ ಜೊತೆ ನಡೆದಿದ್ದ ಎಂಗೇಜ್‌ಮೆಂಟ್ ಮುರಿದುಕೊಂಡು ವೃತ್ತಿಜೀವನದಲ್ಲಿ ಮೇಲಕ್ಕೆ ಏರುತ್ತಿರುವ ನಟಿ ರಶ್ಮಿಕಾ ಹೆಸರು ನಟ ವಿಜಯ್ ದೇವರಕೊಂಡ ಜೊತೆಗೆ ತಳುಕು ಹಾಕಿಕೊಂಡಿದೆ. ಗೀತ ಗೋವಿಂದಂ ಚಿತ್ರದ ಯಶಸ್ಸಿನ ಬಳಿಕ ಬಹಳಷ್ಟು ಕಡೆ ರಶ್ಮಿಕಾ-ವಿಜಯ್ ಜೋಡಿ ನಿಜಜೀವನದಲ್ಲೂ ಜೋಡಿಯಾಗಲಿದ್ದಾರೆ ಎಂದೇ ಭಾವಿಸುತ್ತಿದ್ದಾರೆ. ಅದೂ ಕೂಡ ಪದೇ ಪದೇ ಸುದ್ದಿಯಾಗುತ್ತಲೇ ಇದೆ.

ಆದರೆ, ಇದೀಗ ಈ ಸ್ಟೋರಿಗೆ ಟ್ವಿಸ್ಟ್ ಎಂಬಂತೆ ನಟಿ ಐಶ್ವರ್ಯಾ ರಾಜೇಶ್ ಹೆಸರು ನಟ ವಿಜಯ್ ದೇವರಕೊಂಡ ಲವ್‌ ಸ್ಟೋರಿಗೆ ಸೇರಿಕೊಂಡಿದೆ. ಈ ಮಧ್ಯೆ, ತುಂಬಾ ಕಡೆ ವಿಜಯ್ ದೇವರಕೊಂಡ ಮದುವೆ ಸುದ್ದಿ ಹಾಗೂ ನಟಿ ಐಶ್ದರ್ಯಾ ರಾಜೇಶ್ ಜೊತೆ ಎಂಬ ಸುದ್ದಿ ಎರಡೂ ಟಾಲಿವುಡ್ ಅಂಗಳದಲ್ಲಿ ಜೋರಾಗಿಯೇ ಹರಿದಾಡುತ್ತಿದೆ. ಈ ಸುದ್ದಿ ನಟಿ ಐಶ್ವರ್ಯಾ ರಾಜೇಶ್ ಅವರಿಗೂ ತಲುಪಿದ್ದು, ಇದೊಂದು ಸುಳ್ಳು ಸುದ್ದಿ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.

ಅಷ್ಟೇ ಅಲ್ಲ, ತಮ್ಮ ಮದುವೆ ವಿಚಾರ ಕೇಳಿ ಐಶ್ವರ್ಯಾ ಶಾಕ್ ಆಗಿದ್ದಾರೆ. ಅವರಿಗೆ ಗೊತ್ತಿಲ್ಲದೆಯೇ ಅವರ ಮದುವೆ ನಡೆಯುತ್ತಿದೆ! ಈ ತಮ್ಮ ಮದುವೆ ವಿಚಾರಕ್ಕೆ ಐಶ್ವರ್ಯಾ ಸ್ಪಷ್ಟನೆ ಕೊಟ್ಟು "ನನ್ನ ಬಗ್ಗೆ ಲವ್ ಸ್ಟೋರಿ ಬಹಳ ದಿನಗಳಿಂದ ಕೇಳಿ ಬರುತ್ತಿದೆ. ಯಾರು ಆ ಹುಡುಗ ಎಂದು ತಿಳಿದುಕೊಳ್ಳುವ ಕುತೂಹಲ ನನಗೂ ಇದೆ, ತಿಳಿಸಿ... ದಯವಿಟ್ಟು ಇಂತಹ ಸುಳ್ ಸುದ್ದಿಗಳನ್ನು ಹರಡಬೇಡಿ. ನನ್ನ ಮದುವೆಯೇನಾದರೂ ಇದ್ದರೆ ನಾನೇ ಮೊದಲು ನಿಮಗೆ ತಿಳಿಸುತ್ತೇನೆ. ನಾನು ಸಿಂಗಲ್‌ ಆಗೇ ಖುಷಿಯಾಗಿದ್ದೇನೆ" ಎಂದು ಹೇಳಿದ್ದಾರೆ.

ಆದರೂ ಸಹ ವಿಜಯ್ ದೇವರಕೊಂಡ ವಿರೋಧಿಗಳು ಬಾಯಿ ಮುಚ್ಚುತ್ತಿಲ್ಲ. ಬದಲಿಗೆ ನಟ ವಿಜಯ್ ದೇವರಕೊಂಡ ಮದುವೆ ಎಂದು ಪದೇಪದೇ ಸುಳ್ ಸುದ್ದಿ ಹಬ್ಬಿಸುತ್ತಲೇ ಇದ್ದಾರೆ.