ಕಾಜಲ್‌ ಅಗರವಾಲ್‌ರ ಟಾಪ್‌ಲೆಸ್‌ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಪಡ್ಡೆಗಳ ನಿದ್ದೆಗೆಡಿಸಿರುವ ಈ ಫೋಟೋ 'ಪ್ಯಾರಿಸ್‌ ಪ್ಯಾರಿಸ್‌' ಸಿನಿಮಾದ್ದಾಗಿದೆ.
ರಮೇಶ್‌ ಅರವಿಂದ್‌ ನಿರ್ದೇಶನದ 'ಪ್ಯಾರಿಸ್‌ ಪ್ಯಾರಿಸ್‌' ನಾಯಕಿ ಕಾಜಲ್‌ ಅಗರವಾಲ್‌ರ ಟಾಪ್‌ಲೆಸ್‌ ಆಗಿರುವ ಫೋಟೋ ಸಖತ್‌ ವೈರಲ್‌ ಆಗಿದೆ. ಈ ಸಿನಿಮಾಗಾಗಿ ಇತ್ತೀಚೆಗೆ ಹೊಸ ಫೋಟೋ ಶೂಟ್‌ ಮಾಡಲಾಗಿದ್ದು, ಪ್ರತಿ ಫೋಟೋದಲ್ಲೂ ಕಾಜಲ್‌ ಹಾಟ್‌ ಹಾಟ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಟಾಪ್‌ಲೆಸ್‌ ಜತೆಗೆ ಮಾದಕ ಭಂಗಿಯಲ್ಲಿ ಕಾಜಲ್‌ ಕಾಣಿಸಿಕೊಂಡಿದ್ದರಿಂದ ಈ ಫೋಟೋ ಬಗ್ಗೆ ಪರ ಮತ್ತು ವಿರೋಧದ ಕಾಮೆಂಟ್ಸ್‌ ಕೂಡ ಬಂದಿವೆ. ಅಂದಹಾಗೆ ಬಾಲಿವುಡ್‌ನ ಕ್ವೀನ್‌ ಸಿನಿಮಾ ತೆಲುಗು, ತಮಿಳು ಮತ್ತು ಕನ್ನಡಕ್ಕೆ ರೀಮೇಕ್‌ ಆಗುತ್ತಿದೆ. ಕನ್ನಡದಲ್ಲಿ ಪಾರೂಲ್‌ ಯಾದವ್‌ ನಾಯಕಿಯಾಗಿ ಕಾಣಿಸಿಕೊಂಡಿದ್ದರೆ, ತಮಿಳಿನಲ್ಲಿ ಕಾಜಲ್‌ ನಾಯಕಿ.
ಮಗಧೀರ ಸೇರಿದಂತೆ ಸೂಪರ್‌ ಹಿಟ್‌ ಚಿತ್ರಗಳ ನಾಯಕಿ ಕಾಜಲ್‌. ಅಸಂಖ್ಯಾತ ಅಭಿಮಾನಿಗಳನ್ನು ಹೊಂದಿದವರು. ಇದೇ ಮೊದಲ ಬಾರಿಗೆ ರಮೇಶ್‌ ಅರವಿಂದ್‌ ಜತೆ ಕೆಲಸ ಮಾಡುತ್ತಿದ್ದಾರೆ. ಈ ಎಲ್ಲ ಕಾರಣದಿಂದಾಗಿಯೇ ಕಾಜಲ್‌ ಫೋಟೋ ಫೇಸ್‌ಬುಕ್‌ ಮತ್ತು ಟ್ವಿಟರ್‌ನಲ್ಲಿ ವೈರಲ್‌ ಆಗಿದೆ.
ಈಗಾಗಲೇ ಸಿನಿಮಾದ ಬಹುತೇಕ ಶೂಟಿಂಗ್‌ ಮುಗಿದಿದೆ. ಏಕಕಾಲಕ್ಕೆ ಮೂರು ಭಾಷೆಗಳಲ್ಲೂ ಚಿತ್ರೀಕರಣ ನಡೆಸಲಾಗುತ್ತಿದೆ. ಬಹುತೇಕ ಸಿನಿಮಾವನ್ನು ವಿದೇಶದಲ್ಲಿ ಶೂಟ್‌ ಮಾಡುತ್ತಿದ್ದಾರೆ ನಿರ್ದೇಶಕರು.