ಫೇಸ್‌ 2 ಫೇಸ್‌ ಚಿತ್ರದಲ್ಲಿ ತ್ರಿಕೋನ ಲವ್‌ ಸ್ಟೋರಿ

ಫೇಸ್‌ 2 ಫೇಸ್‌ ಚಿತ್ರದಲ್ಲಿ ಲವ್‌ ಸ್ಟೋರಿ ಜತೆ ಥ್ರಿಲ್ಲರ್‌ ಸ್ಟೋರಿ ಹೇಳುತ್ತಿದ್ದಾರೆ ನಿರ್ದೇಶಕ ಸಂದೀಪ್‌ ಜನಾರ್ಧನ್‌. ರೋಹಿತ್‌ ಬಾನು ಪ್ರಕಾಶ್‌ ಚಿತ್ರದ ಹೀರೊ. ದೃಶ್ಯ ಚಿತ್ರದಲ್ಲಿ ಚಿಕ್ಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ರೋಹಿತ್‌ ಈಗ ಹೀರೊ ಆಗಿ ನಟಿಸಿದ್ದಾರೆ. ಚಿತ್ರದಲ್ಲಿ ಇಬ್ಬರು ನಾಯಕಿಯರಿದ್ದಾರೆ. ದಿವ್ಯಾ ಉರುಡುಗ, ಪೂರ್ವಿ ಜೋಶಿ ಈ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಮನುಷ್ಯನಲ್ಲಿರುವ 2 ಮುಖಗಳ ಪರಿಚಯ ಈ ಚಿತ್ರದಲ್ಲಾಗಲಿದೆ. ಆ್ಯಕ್ಷನ್‌ ಮತ್ತು ರೋಮಾನ್ಸ್‌ ಜತೆಗೆ ಸಸ್ಪೆನ್ಸ್‌ ಕೂಡಾ ಇದೆ ಎನ್ನಲಾಗಿದೆ. ರೋಹಿತ್‌ ಈ ಮೊದಲು ಪ್ರೊ ಕಬಡ್ಡಿ ಪಂದ್ಯಕ್ಕೆ ಕಾಮೆಂಟೇಟರ್‌ ಆಗಿ ಕೆಲಸ ಮಾಡಿದ್ದಾರೆ. ಬಿಝಿನೆಸ್‌ ಜತೆ ನಟನೆಯನ್ನೂ ಮಾಡುತ್ತಾ ಬಂದಿದ್ದಾರೆ. ಈ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ನಲ್ಲಿ ತಮ್ಮ ಹೆಜ್ಜೆ ಗುರುತು ಮೂಡಿಸುವ ಪ್ರಯತ್ನ ಮಾಡುತ್ತಿದ್ದಾರೆ.

ಚಿತ್ರದ ಹಾಡುಗಳೂ ಈಗಾಗಲೇ ಆನ್‌ಲೈನ್‌ನಲ್ಲಿ ಸದ್ದು ಮಾಡಿವೆ. ಟ್ರೇಲರ್‌ಗೂ ಉತ್ತಮ ಪ್ರತಿಕ್ರಿಯೆ ಮೂಡಿಬಂದಿದೆ. ಕುತೂಹಲ ಕೆರಳಿಸಿದ್ದು, ನಾನಾ ವಿಷಯಗಳನ್ನು ಚಿತ್ರದಲ್ಲಿ ಹೇಳಿರುವ ಸೂಚನೆ ನೀಡಿದೆ.