'ಸೈ ರಾ ನರಸಿಂಹ ರೆಡ್ಡಿ'ಯಲ್ಲಿ ಸುದೀಪ್‌ ಜತೆಗೆ ಮಿಂಚಿದ್ದಾರೆ ಇನ್ನೂ ಇಬ್ಬರು ಕನ್ನಡದ ಕಲಾವಿದರು!

ಚಿರಂಜೀವಿ ನಟಿಸಿರುವ 'ಸೈ ರಾ ನರಸಿಂಹ ರೆಡ್ಡಿ' ಚಿತ್ರವು ತೆರೆಕಂಡು ಎಲ್ಲರಿಂದ ಮೆಚ್ಚುಗೆ ಪಡೆಯುತ್ತಿದೆ. ವಿಶೇಷವೆಂದರೆ, ಈ ಸಿನಿಮಾದಲ್ಲಿ ಕಲಾವಿದರ ದೊಡ್ಡ ಬಳಗವೇ ಇದೆ. ವಿಜಯ್ ಸೇತುಪತಿ, ಸುದೀಪ್‌, ಅಮಿತಾಭ್ ಬಚ್ಚನ್, ನಯನತಾರಾ, ತಮನ್ನಾ, ಜಗಪತಿ ಬಾಬು, ನಿಹಾರಿಕಾ ಕೊನಿಡೆಲಾ, ರವಿಕಿಶನ್ ಸೇರಿದಂತೆ ಅನೇಕ ಕಲಾವಿದರಿದ್ದಾರೆ. ಇದುವರೆಗೂ ಕನ್ನಡದ ಸುದೀಪ್‌ ಮಾತ್ರ ಈ ಸಿನಿಮಾದಲ್ಲಿ ನಟಿಸಿದ್ದಾರೆ ಎಂಬ ಮಾಹಿತಿ ಇತ್ತು. ಆದರೆ, ಆ ಸಿನಿಮಾದಲ್ಲಿ ಇನ್ನೂ ಇಬ್ಬರು ಕನ್ನಡ ಖ್ಯಾತ ಕಲಾವಿದರು ಬಣ್ಣ ಹಚ್ಚಿದ್ದಾರೆ.

'ಸೈ ರಾ ನರಸಿಂಹ ರೆಡ್ಡಿ' ಚಿತ್ರದಲ್ಲಿ ಸುದೀಪ್ ಅಭಿನಯ ಕಂಡು ಪ್ರೇಕ್ಷಕರು ಶಾಕ್‌!

ಈಗಾಗಲೇ ಪರಭಾಷೆಯಲ್ಲಿ ಪೋಷಕ ಪಾತ್ರಗಳ ಮೂಲಕ ಮನೆಮಾತಾಗಿರುವ ಕನ್ನಡದ ನಟಿ ಪವಿತ್ರಾ ಲೋಕೇಶ್‌, 'ಸೈ ರಾ'ದಲ್ಲಿ ಚಿರಂಜೀವಿಯ ದೊಡ್ಡಮ್ಮನ ಪಾತ್ರದಲ್ಲಿ ಮಿಂಚಿದ್ದಾರೆ. ಅವರು ತೆಲುಗಿನಲ್ಲಿ 'ಎವರು', 'ಸನ್‌ ಆಫ್ ಸತ್ಯಮೂರ್ತಿ', 'ಲೋಫರ್', 'ಜೈ ಸಿಂಹ', 'ಮಿ. ಮಜ್ನು' ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಪೋಷಕ ಪಾತ್ರಗಳ ಮೂಲಕ ಗಮನಸೆಳೆದಿದ್ದಾರೆ. 'ಸೈ ರಾ'ದಲ್ಲೂ ಅವರಿಗೆ ಮಹತ್ವದ ಪಾತ್ರವೇ ಸಿಕ್ಕಿದೆ.

ಸ್ವಾತಂತ್ರ್ಯ ಹೋರಾಟದ ಅಖಾಡದಲ್ಲಿ ರೇನಾಡು ಸೂರ್ಯ: ಸೈರಾ ನರಸಿಂಹ ರೆಡ್ಡಿ

ಇನ್ನೂ, ಚಿರಂಜೀವಿ ತಾಯಿ ಪಾತ್ರ ಮಾಡಿರುವುದು ಕನ್ನಡದ ಮತ್ತೋರ್ವ ಖ್ಯಾತ ನಟಿ ಲಕ್ಷ್ಮೀ ಗೋಪಾಲಸ್ವಾಮಿ. ಮೂಲತಃ ಕರ್ನಾಟಕದವರೇ ಆಗಿರುವ ಲಕ್ಷ್ಮೀ ಕನ್ನಡಕ್ಕಿಂತಲೂ ಮಲಯಾಳಂ ಚಿತ್ರರಂಗದಲ್ಲಿ ಹೆಚ್ಚು ಚಿರಪರಿಚಿತರು. ನಟನೆಯ ಜತೆಗೆ ನೃತ್ಯದಲ್ಲೂ ಅವರು ಜನಪ್ರಿಯರು. 'ಸೈ ರಾ'ದಲ್ಲಿ ನರಸಿಂಹ ರೆಡ್ಡಿ ತಾಯಿ ಆಗಿ ಅವರ ನಟನೆ ಅಮೋಘವಾಗಿದೆ. ಅದರಲ್ಲೂ ಚಿತ್ರದ ಕೊನೆಯಲ್ಲಿ ಅವರ ಅಭಿನಯಕ್ಕೆ ಪ್ರೇಕ್ಷಕರಿಂದ ಪೂರ್ಣ ಅಂಕ ಸಿಕ್ಕಿದೆ.

'ಸೈ ರಾ'ದಲ್ಲಿನ 'ಕಿಚ್ಚ' ಸುದೀಪ್‌ ನಟನೆ ಬಗ್ಗೆ 'ಮೆಗಾ ಸ್ಟಾರ್' ಚಿರಂಜೀವಿ ಹೇಳಿದ್ದೇನು?

ಬ್ರಿಟಿಷರ ವಿರುದ್ಧ ದಂಗೆ ಎದ್ದು ಹೋರಾಡಿದ ಉಯ್ಯಾಲವಾಡ ನರಸಿಂಹ ರೆಡ್ಡಿ ಅವರ ಜೀವನವನ್ನಾಧರಿಸಿ 'ಸೈ ರಾ ನರಸಿಂಹ ರೆಡ್ಡಿ' ಚಿತ್ರವನ್ನು ರಾಮ್‌ ಚರಣ್ ನಿರ್ಮಾಣ ಮಾಡಿದ್ದಾರೆ. ಬಾಲಿವುಡ್‌ನ ಅಮಿತ್‌ ತ್ರಿವೇದಿ ಸಂಗೀತ ನಿರ್ದೇಶನ ಮಾಡಿದ್ದು, ಸುರೇಂದರ್ ರೆಡ್ಡಿ ನಿರ್ದೇಶನ ಚಿತ್ರಕ್ಕಿದೆ.