ಉದ್ಘರ್ಷ ಹಿರೋಯಿನ್‌ಗಳು

ನಂದಿನಿ ಕೆ.ಎಲ್‌

ರಶ್ಮಿಯಾದ ಧನ್ಸಿಕಾ

ಇಲ್ಲಿ ನಾನು ರಶ್ಮಿ ಎಂಬ ಪಾತ್ರ ಮಾಡುತ್ತಿದ್ದೇನೆ. ರೆಸಾರ್ಟ್‌ವೊಂದರಲ್ಲಿ ನ್ಯೂಯಿಯರ್‌ ಪಾರ್ಟಿಯಲ್ಲಿ ನಾಯಕನೊಂದಿಗೆ ಲವ್‌ ಆದ ಮೇಲೆ ಒಂದು ಘಟನೆ ನಡೆಯುತ್ತದೆ. ಸಿನಿಮಾದ ಆರಂಭ, ಮುಕ್ತಾಯದಲ್ಲಿ ಎರಡು ಸಲ ಮಾತ್ರ ನಾಯಕನನ್ನು ಭೇಟಿ ಮಾಡುತ್ತೇನೆ. ಅದಲ್ಲದೇ ಸಿನಿಮಾದಲ್ಲಿ ಕೇವಲ ಎರಡು ಡ್ರೆಸ್‌ಗಳಲ್ಲಿ ಕಾಣಿಸಿಕೊಂಡಿದ್ದೇನೆ. ಡ್ಯೂಪ್‌ ಇಲ್ಲದೆ ಸಾಹಸ ಸನ್ನಿವೇಶಗಳಲ್ಲಿ ನಟಿಸಿದ್ದೇನೆ. ಸಣ್ಣಪುಟ್ಟ ಗಾಯಗಳಾದರೂ ಖುಷಿಯಲ್ಲಿದ್ದೇನೆ ಎಂದಿದ್ದಾರೆ ಧನ್ಸಿಕಾ.

ಬೋಲ್ಡ್‌ ಲುಕ್‌ನಲ್ಲಿ ತಾನ್ಯ

ನಾನು ಕಾಲೇಜು ಹುಡುಗಿಯಾಗಿದ್ದು, ನಡುರಾತ್ರಿ, ನಡುರಸ್ತೆಯಲ್ಲಿ ಹುಟ್ಟು ಹಬ್ಬದ ಆಚರಣೆಯಲ್ಲಿರುವಾಗ ಅಚಾನಕ್‌ ಆಗಿ ನಾಯಕನ ಭೇಟಿಯಗುತ್ತಾನೆ. ಅಲ್ಲಿಂದ ನಡೆಯುವ ಕೆಲವು ಘಟನೆಗಳಿಂದ ನನಗೆ ಗೊತ್ತಿಲ್ಲದ ರೀತಿ ನಾನೇ ಆ ಸಮಸ್ಯೆಯ ಒಳಗೆ ಸಿಲುಕಿಕೊಳ್ಳುತ್ತೇನೆ. ಸಿಟಿ ಹುಡುಗಿಯರ ರೀತಿ ಸಖತ್‌ ಬೋಲ್ಡ್‌ ಮತ್ತು ಬಬ್ಲಿ ಆಗಿ ಕಾಣಿಸಿಕೊಂಡಿದ್ದಾರೆ ಎಂದು ತಾನ್ಯ ಹೋಪ್‌ ಹೇಳಿದ್ದಾರೆ.

ಅತಿಥಿಯಾದ ಹರ್ಷಿಕಾ

ನಟಿ ಹರ್ಷಿಕಾ ಪೂಣಚ್ಚ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಆರಂಭವಾಗುವುದೇ ಇವರ ಪಾತ್ರದ ಮೂಲಕವೇ. ಸಿನಿಮಾದಲ್ಲಿ ಕೆಲವೇ ಸಮಯ ಇದ್ದರೂ ಪಾತ್ರವೂ ತುಂಬಾ ಸಸ್ಪೆನ್ಸ್‌ ಆಗಿದೆ. ಕಥೆಯೂ ಆರಂಭದಲ್ಲಿದ್ದರೂ ಕ್ಲೈಮ್ಯಾಕ್ಸ್‌ ಸನ್ನಿವೇಶವಾಗಿದೆ. ಡ್ರೆಸ್‌ ಕೋಡ್‌ ಕೂಡ ಮಾರ್ಡನ್‌ ಹುಡುಗಿಯದ್ದೇ ಆಗಿರುತ್ತದೆಯಂತೆ.

ಚಿತ್ರೀಕರಣ ಆರಂಭವಾಗುವ ಮುನ್ನ ಯಾರಿಗೂ ತಮ್ಮ ಪಾತ್ರಗಳ ಬಗ್ಗೆ ಅರ್ಥವಾಗಿರಲಿಲ್ಲ. ನಂತರ ಎಲ್ಲರೂ ಉತ್ತಮವಾಗಿ ಪಾತ್ರಗಳನ್ನು ಅರ್ಥಮಾಡಿಕೊಂಡು ಅಭಿನಯಿಸಿದ್ದಾರೆ.

-ಸುನೀಲ್‌ ಕುಮಾರ್‌ ದೇಸಾಯಿ, ನಿರ್ದೇಶಕ