ನೋಟು ಬ್ಯಾನ್‌ ಹಗರಣದಲ್ಲಿ ಸಿಕ್ಕಿಕೊಂಡ ಮನೋಹರ್‌

ಎಸ್‌.ಡಿ. ಅರವಿಂದ್‌ ನಿರ್ದೇಶನದ ಚಿತ್ರ ಮಟಾಶ್‌ನಲ್ಲಿ ವಿ. ಮನೋಹರ್‌ ಬ್ಯಾಂಕ್‌ ಉದ್ಯೋಗಿ. ಬ್ಯಾಂಕ್‌ ಉದ್ಯೋಗಿಯಾಗಿ ನಟಿಸಿರುವ ಅವರು ಡಿಮಾನಟೈಸೇಷನ್‌ ಸಮಯದಲ್ಲಿ ಕಾಣದಂತೆ ಲಕ್ಷಾಂತರ ರೂಪಾಯಿ ಹಳೆಯ ನೋಟುಗಳನ್ನು ಬದಲಾಯಿಸುವ ಪ್ರಯತ್ನ ಮಾಡಿ ಪಜೀತಿಯಲ್ಲಿ ಸಿಕ್ಕಿಬೀಳುತ್ತಾರೆ.

'ಮನೋಹರ್‌ ಪಾತ್ರ ಬಹಳ ಫನ್ನಿಯಾಗಿದೆ. ಕೋ ಆಪರೇಟಿವ್‌ ಬ್ಯಾಂಕ್‌ ಮ್ಯಾನೇಜರ್‌ ಆಗಿರುತ್ತಾರೆ. ಡಿಮಾನಟೈಸೇಷನ್‌ ಸಮಯದಲ್ಲಿ ನೋಟು ಕನ್ವರ್ಟ್‌ ಮಾಡುತ್ತಾರೆ. ಹೀಗೆ ಮಾಡುವಾಗ ಅವರಂದುಕೊಂಡಂತೆ ಆಗುವುದಿಲ್ಲ. ಎಲ್ಲವೂ ಮೆಸಪ್‌ ಆಗಿಬಿಡುತ್ತೆ. ನೋಟಿನ ಬಂಡಲ್‌ಗಳು ಮಿಸ್‌ ಆಗುತ್ತೆ. ಅದನ್ನು ವಾಪಸ್‌ ಪಡೆಯಲು ಅವರು ಹೇಗೆ ಹೆಣಗಾಡುತ್ತಾರೆ ಎನ್ನುವುದು ಕಾಮಿಡಿಯಾಗಿದೆ' ಎಂದಿದ್ದಾರೆ ನಿರ್ದೇಶಕ ಅರವಿಂದ್‌.

ಇಂದು ಚಿತ್ರದಲ್ಲಿರುವ ಹಾಡು ಚಜ್ಜಿ ರೊಟ್ಟಿ.. ವಿಡಿಯೋ ರಿಲೀಸ್‌ ಆಗಲಿದೆ. ಪುನೀತ್‌ ರಾಜ್‌ಕುಮಾರ್‌ ಹಾಡಿರುವ ಈ ಹಾಡು ಈಗಾಗಲೇ ಜನಪ್ರಿಯವಾಗಿದೆ. ಇಂದಿನಿಂದ ಚಿತ್ರ ಉಳಿದ ಹಾಡುಗಳನ್ನೂ ಪ್ರತಿದಿನ ರಿಲೀಸ್‌ ಮಾಡಲು ನಿರ್ದೇಶಕರು ನಿರ್ಧರಿಸಿದ್ದಾರೆ.