ರಶ್ಮಿಕಾಗೆ ನೂರು ಕೋಟಿ ಗಳಿಸಿದ ಕ್ರೆಡಿಟ್‌

ರಶ್ಮಿಕಾಗೆ ನೂರು ಕೋಟಿ ಗಳಿಸಿದ ಕ್ರೆಡಿಟ್‌

Vijaya Karnataka Web

ಕನ್ನಡದ ನಟಿ ರಶ್ಮಿಕಾ ಮಂದಣ್ಣ ಈಗ ಟಾಲಿವುಡ್‌ ಟಾಕ್‌ ಆಗಿದ್ದಾರೆ. ಗೀತ ಗೋವಿಂದಂ ಚಿತ್ರ ನೂರು ಕೋಟಿ ಗಳಿಸಿದೆ ಎನ್ನಲಾಗಿದ್ದು, ನಾಯಕ ನಟ ವಿಜಯ ದೇವರಕೊಂಡ ಇದರ ಕ್ರೆಡಿಟ್‌ ಅನ್ನು ರಶ್ಮಿಕಾಗೆ ಅರ್ಪಿಸಿದ್ದಾರೆ.

--

ವಿಜಯ್‌ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ನಟನೆಯ ತೆಲುಗು ಚಿತ್ರ ಗೀತ ಗೋವಿದಂ. ಚಲೋ ಚಿತ್ರದಲ್ಲಿ ಮೊದಲು ನಟಿಸಿದ ರಶ್ಮಿಕಾ ಮಂದಣ್ಣ ತಮ್ಮ ಎರಡನೇ ತೆಲುಗು ಚಿತ್ರದಿಂದ ಈಗ ಟಾಲಿವುಡ್‌ನ ಮನೆ ಮಾತಾಗಿದ್ದಾರೆ. ಚಿತ್ರ ಜಯಭೇರಿ ಬಾರಿಸಿದ್ದು, ನೂರು ಕೋಟಿ ಗಳಿಸಿದೆ ಎನ್ನಲಾಗುತ್ತಿದೆ. ವಿಜಯ್‌ ದೇವರ ಕೊಂಡ ಇದಕ್ಕಾಗಿ ಸಂತಸ ವ್ಯಕ್ತಪಡಿಸಿದ್ದು, ಎಲ್ಲಾ ಕ್ರೆಡಿಟ್‌ ಅನ್ನು ನಟಿ ರಶ್ಮಿಕಾ ಮಂದಣ್ಣರಿಗೆ ಅರ್ಪಿಸಿದ್ದಾರೆ. 'ನನ್ನ ಮೊದಲ ನೂರು ಕೋಟಿಯನ್ನು ನನ್ನ ಕೋಚಿಂಗ್‌ ಸ್ಟಾಫ್‌-ಗೀತಾ ಆರ್ಟ್ಸ್, ನನ್ನ ಕ್ಯಾಪ್ಟನ್‌ ಬುಜ್ಜಿ ಮತ್ತು ನನ್ನ ಲವ್ಲೀ ಪಾರ್ಟನರ್‌ ರಶ್ಮಿಕಾ ಮಂದಣ್ಣ ಅವರಿಗೆ ಅರ್ಪಿಸುತ್ತೇನೆ. ತಮಿಳು, ಕನ್ನಡ, ಮಲೆಯಾಳಿ ಪ್ರೇಕ್ಷಕರಿಗೆ ಅರ್ಪಿಸುತ್ತೇನೆ. ಅಮೇಜಿಂಗ್‌' ಎಂದು ಟ್ವೀಟ್‌ ಮಾಡಿದ್ದಾರೆ. ಇದರ ಜತೆ ರಶ್ಮಿಕಾ ಜತೆ ಇರುವ ಪೋಟೋ ಕೂಡಾ ಅಪ್‌ಲೋಡ್‌ ಮಾಡಿದ್ದಾರೆ.

ರಶ್ಮಿಕಾಗೆ ತೆಲುಗಿನಲ್ಲಿ ಇದು ಎರಡನೇ ಸಿನಿಮಾ. ಈಗಾಗಲೇ ವಿಜಯ ದೇವರಕೊಂಡ ನಟನೆಯ ಇನ್ನೊಂದು ಚಿತ್ರದಲ್ಲಿ ಅವರು ನಟಿಸುತ್ತಿದ್ದಾರೆ. 2 ಸಿನಿಮಾಗಳಿಂದಲೇ ಟಾಲಿವುಡ್‌ನಲ್ಲಿ ಸಿಕ್ಕಾಪಟ್ಟೆ ಫೇಮಸ್‌ ಆಗಿದ್ದಾರೆ. ಕನ್ನಡದಲ್ಲಿ ದರ್ಶನ್‌ ನಟನೆಯ ಯಜಮಾನ ಚಿತ್ರ ಹೊರತುಪಡಿಸಿ ಬೇರೆ ಸಿನಿಮಾಗೆ ಸಹಿ ಮಾಡಿಲ್ಲ.