ರಶ್ಮಿಕಾ ಜತೆ ತನ್ನ ಸಂಬಂಧವೇನು ಎಂದು ಹೇಳಿದ ವಿಜಯ್‌ ದೇವರಕೊಂಡ

ಕ್ಯೂಟ್‌ ಜೋಡಿ ಎನಿಸಿಕೊಂಡಿದ್ದ ರಕ್ಷಿತ್‌ ಶೆಟ್ಟಿ-ರಶ್ಮಿಕಾ ಮಂದಣ್ಣ ಬ್ರೇಕಪ್‌ ಸುದ್ದಿ ಸ್ಯಾಂಡಲ್‌ವುಡ್‌ನಲ್ಲಿ ಸಂಚಲನವನ್ನೇ ಮೂಡಿಸಿತು. ಬ್ರೇಕಪ್‌ಗೆ ಕಾರಣವೇನು ಎಂಬುವುದರ ಬಗ್ಗೆ ಹಲವಾರು ರೂಮರ್‌ ಕೇಳಿ ಬಂದೆವು. ಅದರಲ್ಲೂ 'ಗೀತಾ ಗೋವಿಂದಂ' ಚಿತ್ರದಲ್ಲಿ ರಶ್ಮಿಕಾ ಮತ್ತು ವಿಜಯ್‌ ದೇವರಕೊಂಡ ನಡುವಿನ ಕಿಸ್ಸಿಂಗ್ ಸೀನ್ ಬ್ರೇಕಪ್‌ಗೆ ಪ್ರಮುಖ ಕಾರಣ ಎಂಬ ಗುಸು-ಗುಸು ಕೂಡ ಕೇಳಿ ಬಂತು.

'ನೋಟ' ಸಿನಿಮಾದ ಪ್ರಚಾರಕ್ಕಾಗಿ ಬೆಂಗಳೂರಿಗೆ ಬಂದಿದ್ದ ವಿಜಯ್‌ ದೇವರಕೊಂಡ ಅವರಿಗೆ ಸುದ್ದಿಗೋಷ್ಠಿಯಲ್ಲಿ ರಶ್ಮಿಕಾ ಜತೆ ಅವರ ಸಂಬಂಧ, ಲೀಕ್‌ ಆದ ಕಿಸ್ಸಿಂಗ್‌ ಸೀನ್ ಬ್ರೇಕಪ್‌ಗೆ ಎಂಬ ಕಾರಣ ಎಂಬ ರೂಮರ್‌ಗಳ ಬಗ್ಗೆ ನೇರವಾಗಿ ಕೇಳಲಾಯಿತು.

ಈ ಪ್ರಶ್ನೆಗಳಿಗೆ ಉತ್ತರಿಸುತ್ತಾ ' ರಶ್ಮಿಕಾ ಒಬ್ಬ ಅಮೇಜಿಂಗ್‌ ಸ್ಟಾರ್‌, 'ಗೀತಾ ಗೋವಿಂದಂ' ಚಿತ್ರದಲ್ಲಿ ನಟನಷ್ಟೇ ಪ್ರಾಮುಖ್ಯತೆ ನಟಿಗಿತ್ತು, ಸಾಮಾನ್ಯವಾಗಿ ಚಿತ್ರದ ಟೈಟಲ್ ಜತೆ ನಾಯಕ ಹೆಸರು ಮಾತ್ರ ಪೋಸ್ಟರ್‌ನಲ್ಲಿ ಹಾಕುತ್ತಾರೆ, ಆದರೆ ಇಲ್ಲಿ ನಾಯಕಿಗೂ ನಾಯಕನಷ್ಟೇ ಮಹತ್ವವನ್ನು ನೀಡಲಾಯಿತು' ಎಂದರು.

ರಶ್ಮಿಕಾ ಬ್ರೇಕ್ಅಪ್ ಬಗ್ಗೆ ಹೇಳುತ್ತಾ 'ಇದನ್ನು ಕೇಳಿ ನನಗೂ ಬೇಸರವಾಯಿತು. I Love Rakshit works and I love Rashmika as a co-star, ಆ ಘಟನೆಯ ಬಗ್ಗೆ ಮಾತನಾಡಲು ನಾನು ಮೂರನೇಯವ. ಅವರಿಗೆ ಆ ಘಟನೆಯಿಂದ ಎಷ್ಟು ಬೇಸರವಾಗಿದೆ ಎಂಬ ಅರಿವು ನನಗಿದೆ. ಅವರ ನೋವು ಮತ್ತು ಭಾವನೆಗಳು ಬೇರೆಯವರಿಗೆ ಮನರಂಜನೆಯಾಗಬಾರದು, ಅವರನ್ನು ಅವರ ಪಾಡಿಗೆ ಬಿಟ್ಟುಬಿಡಿ' ಎಂದರು.

ಇತ್ತೀಚೆಗೆ ವಿಜಯ್‌ದೇವರಕೊಂಡ ಜತೆ ಒಂದು ಹುಡುಗಿಯ ಫೋಟೋ ವೈರಲ್ ಆಗಿತ್ತು, ಆ ಸ್ಪೆಷಲ್‌ ವ್ಯಕ್ತಿ ಯಾರು? ಎಂದು ಕೇಳಿದ ಪ್ರಶ್ನೆಗೆ ಉತ್ತರ ಹೇಳದೆ ಸ್ಮಾರ್ಟ್ ಆಗಿ ನುಣುಚಿಕೊಂಡರು.