ಮಾಲ್ಗುಡಿ ಡೇಸ್‌ನಲ್ಲಿ ವಿಜಯರಾಘವೇಂದ್ರ

ಖ್ಯಾತ ಕಾದಂಬರಿಕಾರ ಆರ್‌.ಕೆ ನಾರಾಯಣ್‌ ಅವರು ಕಥೆಗಳು ಮಾಲ್ಗುಡಿ ಡೇಸ್‌ ಹೆಸರಿನಲ್ಲಿ ಸೀರಿಯಲ್‌ ಆಗಿ ಯಶಸ್ವಿಯಾಗಿದೆ. ಈಗ ಮಾಲ್ಗುಡಿ ಡೇಸ್‌ ಹೆಸರಿನಲ್ಲಿ ಸಿನಿಮಾವೊಂದು ಆರಂಭವಾಗಿದ್ದು, ಅದಕ್ಕೆ ವಿಜಯ್‌ರಾಘವೇಂದ್ರ ನಾಯಕರಾಗಿದ್ದಾರೆ.

ತುಳು ಚಿತ್ರರಂಗದಲ್ಲಿ ಭರ್ಜರಿ ಹಿಟ್‌ ಆಗಿದ್ದ ಅಪ್ಪೆ ಟೀಚರ್‌ ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಕಿಶೋರ್‌ ಮೂಡಬಿದ್ರೆ ಮಾಲ್ಗುಡಿ ಡೇಸ್‌ಗೆ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಈ ಸಿನಿಮಾದ ಟೈಟಲ್‌ನ್ನು ಇತ್ತೀಚೆಗೆ ಪುನೀತ್‌ರಾಜ್‌ಕುಮಾರ್‌ ಬಿಡುಗಡೆ ಮಾಡಿದ್ದಾರೆ. ವಿಶೇಷ ಎಂದರೆ ಮಾಲ್ಗುಡಿ ಡೇಸ್‌ ಕಥೆಯನ್ನೇ ಸಿನಿಮಾ ಮಾಡುತ್ತಿದ್ದಾರೆ. ಈ ಸಿನಿಮಾವನ್ನು ನಿರ್ಮಾಪಕ ಕೆ.ರತ್ನಾಕರ್‌ ಕಾಮತ್‌ ನಿರ್ಮಾಣ ಮಾಡುತ್ತಿದ್ದಾರೆ.

ಮಾಲ್ಗುಡಿ ಡೇಸ್‌ ಸಿರೀಯಲ್‌ ಶಂಕರ್‌ನಾಗ್‌ಗೆ ರಾಷ್ಟ್ರಮಟ್ಟದಲ್ಲಿ ಜನಪ್ರಿಯತೆ ತಂದುಕೊಟ್ಟಿತು. ಅದೇ ಹೆಸರಿನ ಈ ಸಿನಿಮಾ ಕೂಡಾ ಯಸಸ್ವಿಯಾಗುತ್ತದೆ ಎಂಬುದು ಚಿತ್ರತಂಡದ ಅಭಿಪ್ರಾಯ.