ಮತದಾನ ಮಾಡದಿದ್ದರೆ ದೂರಿ ಪ್ರಯೋಜನವಿಲ್ಲ

ಪ್ರಜಾಪ್ರಭುತ್ವದಲ್ಲಿ ಮತದಾನ ಮಾಡುವುದು ಪ್ರತಿಯೊಬ್ಬ ನಾಗರಿಕನ ಕರ್ತವ್ಯಎನ್ನುತ್ತಾರೆ ಕಿರಿಕ್‌ ಪಾರ್ಟಿ ಖ್ಯಾತಿಯ ರಶ್ಮಿಕಾ ಮಂದಣ್ಣ.

'ಪ್ರತಿಯೊಬ್ಬರು ಮತದಾನ ಮಾಡಬೇಕು. ಆ ಮತದಾನವನ್ನು ನಮ್ಮನ್ನು ಯಾರು ಸುಕ್ಷಿತವಾಗಿಡುತ್ತಾರೋ ಅಂತಹ ಅಭ್ಯರ್ಥಿಗಳಿಗೆ ಮಾತ್ರ ಮಾಡಬೇಕು. ಅಲ್ಲದೆ ಮತದಾನ ಮಾಡುವುದು ನಮ್ಮ ಜೀವನ ಶೈಲಿಯನ್ನು ಉತ್ತಮಗೊಳಿಸಲು. ಇದರ ಜತೆಗೆ ನಾವು ಈಗ ಮತದಾನ ಮಾಡುವುದು ನಮ್ಮ ಮುಂದಿನ ಐದು ವರ್ಷಗಳ ನಗರವನ್ನು ಸುರಕ್ಷಿತವಾಗಿಡಲು. ದೇಶದ ಭವಿಷ್ಯವನ್ನು ಭದ್ರಪಡಿಸುವ ಏಕೈಕ ಮಾರ್ಗವೆಂದರೆ ಹೆಚ್ಚಿನ ಸಂಖ್ಯೆಯಲ್ಲಿ ಮತ ಚಲಾಯಿಸುವುದು. ಬೆಂಗಳೂರಿನಂತಹ ದೊಡ್ಡ ದೊಡ್ಡ ನಗರಗಳಲ್ಲಿ ಸಾಕಷ್ಟು ಜನ ಮತದಾನ ಮಾಡುವುದಿಲ್ಲ. ಆಮೇಲೆ ಚುನಾಯಿತರಾದವರು ಸರಿಯಾಗಿ ಕೆಲಸ ಮಾಡುತ್ತಿಲ್ಲ ಎಂದು ದೂರಿದರೆ ಪ್ರಯೋಜನವಿಲ್ಲ. ಹಾಗಾಗಿ ಮೊದಲು ಮತದಾನ ಮಾಡಿ ಆಮೇಲೆ ಅಭ್ಯರ್ಥಿಗಳನ್ನು ಆರಿಸಿ ಎನ್ನುತ್ತಾರೆ ರಶ್ಮಿಕಾ ಮಂದಣ್ಣ.

ಇನ್ನು ಚುನಾವಣೆಯಲ್ಲಿ ಆರಿಸಿ ಬಂದ ವ್ಯಕ್ತಿಗಳು ಸರಿಯಾಗಿ ಕೆಲಸ ಮಾಡದೇ, ಅವರ ಮತದಾರರನ್ನು ಸುರಕ್ಷಿತವಾಗಿಟ್ಟಿಲ್ಲ ಎಂಬ ಕಾರಣದಿಂದ ಸಾಕಷ್ಟು ಮಂದಿ ವೋಟ್‌ ಮಾಡುವುದು ಬೇಡ ಎಂದು ತೀರ್ಮಾನಿಸಿರುತ್ತಾರೆ. ಹಾಗಾಗಿ ಚುನಾಯಿತರಾದ ಅಭ್ಯರ್ಥಿಗಳು ಸರಿಯಾದ ಕೆಲಸ ಮಾಡಿದರೆ ಮತದಾನವೂ ಆಗುತ್ತದೆ. ಎಲ್ಲರೂ ಮತದಾನ ಮಾಡಬೇಕು ಎಂಬುದು ನನ್ನ ಅಭಿಪ್ರಾಯ ಅಂತಾರೆ ರಶ್ಮಿಕಾ.