ರಕ್ಷಿತ್‌-ರಶ್ಮಿಕಾ ಬ್ರೇಕ್‌ಅಪ್ ಕುರಿತು ಸುದೀಪ್‌ ಹೇಳಿದ್ದೇನು?

ಸ್ಯಾಂಡಲ್‌ವುಡ್‌ನ ಕ್ಯೂಟ್‌ ಜೋಡಿ ಎನಿಸಿಕೊಂಡಿದ್ದ ರಕ್ಷಿತ್‌ ಶೆಟ್ಟಿ- ರಕ್ಷಿಕಾ ಮಂದಣ್ಣ ಸಂಬಂಧದಲ್ಲಿ ಬಿರುಕು ಮೂಡಿ, ಇವರ ಬ್ರೇಕ್‌ಅಪ್‌ ನ್ಯೂಸ್‌ ಹೊರ ಬೀಳುತ್ತಿದ್ದಂತೆ ಇವರಿಬ್ಬರ ಬ್ರೇಕ್‌ಅಪ್‌ ಕುರಿತು ಹಲವಾರು ಊಹಾ-ಪೋಹಗಳು ಹುಟ್ಟಿಕೊಂಡಿದ್ದೆವು.

ಸೋಷಿಯಲ್‌ ಮೀಡಿಯಾದಿಂದ ಸ್ವಲ್ಪ ದಿನಗಳವರೆಗೆ ದೂರ ಸರಿಯುತ್ತೇನೆ ಎಂದು ಸಾಮಾಜಿಕ ತಾಣದಿಂದ ಹೊರನಡೆದಿದ್ದ ರಕ್ಷಿತ್‌ ಶೆಟ್ಟಿ ಬ್ರೇಕ್‌ಅಪ್‌ ಸುದ್ದಿ ಬಗ್ಗೆ ರಕ್ಷಿತ್‌ ಶೆಟ್ಟಿಯೇ ಕಾರಣ ಎಂಬ ರೀತಿಯ ರೂಮರ್‌ಗಳು ಹರಡಲಾರಂಭಿಸಿದಾಗ ಬ್ರೇಕಪ್‌ ಸುದ್ದಿಗೆ ಬ್ರೇಕ್‌ ಹಾಕುವ ರೀತಿಯಲ್ಲಿ ಉತ್ತರ ನೀಡಿದ್ದರು.

ಕಪೋಲಕಲ್ಪಿತ ಸುದ್ದಿಗಳಿಗೆ ಬ್ರೇಕ್ ಹಾಕುವ ಶೈಲಿಯಲ್ಲಿ ರಕ್ಷಿತ್ ಉತ್ತರ ನೀಡಿರುವುದನ್ನು ನೋಡಿ ಮೆಚ್ಚಿಕೊಂಡಿರುವ ಸುದೀಪ್ 'ಇದುವೇ ಘನತೆ ಹಾಗೂ ಪರಿಪಕ್ವತೆ ರಕ್ಷಿತ್, ನೀನು ಚೆನ್ನಾಗಿರು' ಎಂದು ಹೇಳುವ ಮೂಲಕ ರಕ್ಷಿತ್‌ಗೆ ತಮ್ಮ ನೈತಿಕ ಬೆಂಬಲ ಸೂಚಿಸಿದ್ದಾರೆ.

ಸೆಲೆಬ್ರಿಟಿ ಅಂದ ಮಾತ್ರಕ್ಕೆ ಅವರು ಭಾವನೆಗಳನ್ನೂ ಸಾರ್ವಜನಿಕವಾಗಿ ಹಂಚಿಕೊಳ್ಳಬೇಕೆ? ಪ್ರತಿಯೊಬ್ಬರಿಗೂ ಅವರದ್ದೇ ಆದ ಖಾಸಗಿತನ ಇದೆ, ಅದಕ್ಕೆ ಧಕ್ಕೆ ತರುವುದು ಸ್ವಲ್ಪ ಅತಿಯಾಗಿಲ್ವಾ? ಎಂದು ರೂಮರ್‌ ಸೃಷ್ಟಿಸುವವರ ವಿರುದ್ಧ ಕಿಡಿ ಕಾರಿದ್ದಾರೆ.