​ನಟಿಯ ಜತೆ ದರ್ಶನ್‌ 'ಪವಿತ್ರ' ಬಂಧನ: ಗಾಂಧಿನಗರದಲ್ಲಿ ಗುಸುಗುಸು

ಒಂದೆರಡು ವರ್ಷದ ಹಿಂದೆ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಬಗ್ಗೆ ಒಂದು ಗುಸುಗುಸು ಹರಿದಾಡಿತ್ತು. ಅದೇನೆಂದರೆ ನಟಿ ಹಾಗೂ ಮಾಡೆಲ್‌ ಪವಿತ್ರಾ ಗೌಡ ಜತೆ ದರ್ಶನ್‌ ಸಂಬಂಧ ಹೊಂದಿದ್ದಾರೆ ಎಂಬ ಗಾಳಿಮಾತು ಗಾಂಧಿನಗರದ ಗಲ್ಲಿಗಳಲ್ಲಿ ಹರಿದಾಡಿತ್ತು. ಇದೀಗ ಮತ್ತೆ ಪವಿತ್ರಾ ಗೌಡ ಸುದ್ದಿಯಲ್ಲಿದ್ದಾರೆ.

ಹೌದು, ಪವಿತ್ರಾ ಗೌಡ ತಮ್ಮ ಫೇಸ್‌ಬುಕ್‌ ಪೇಜ್‌ ಮತ್ತು ಟ್ವಿಟರ್‌ನಲ್ಲಿ ದರ್ಶನ್‌ ಜತೆಗಿರುವ ಫೋಟೋವನ್ನು ಅಪ್ಲೋಡ್‌ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಇದೀಗ ದರ್ಶನ್‌-ಪವಿತ್ರಾ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದು, ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಪವಿತ್ರಾ ಫೋಟೋ ಅಪ್ಲೋಡ್‌ ಮಾಡುತ್ತಿದ್ದಂತೆ ದರ್ಶನ್‌ ಅಭಿಮಾನಿಗಳಿಂದ ವ್ಯಾಪಕ ವಿರೋಧ ವ್ಯಕ್ತವಾಗಿರುವುದಂತೂ ನಿಜ.

#NewProfilePic pic.twitter.com/UYBi9Wzmgy — Pavitra Gowda (@pavithragowda77) September 8, 2017 ಅಷ್ಟೇ ಅಲ್ಲದೆ ಫೋಟೋವನ್ನು ಡಿಲೀಟ್‌ ಮಾಡುವಂತೆ ದರ್ಶನ್‌ ಅಭಿಮಾನಿಗಳು ಒತ್ತಾಯಿಸಿದ್ದಾರೆ. ಇದಷ್ಟೇ ಅಲ್ಲದೆ ದರ್ಶನ್‌ ಅಭಿನಯದ 'ಕುರುಕ್ಷೇತ್ರ' ಸೆಟ್‌ನಲ್ಲೂ ಪವಿತ್ರ ಕಾಣಿಸಿಕೊಂಡಿದ್ದಾರೆ. ಚಿತ್ರೀಕರಣದ ವೇಳೆ ದರ್ಶನ್‌ ಜತೆಗಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಹರಿದಾಡುತ್ತಿವೆ.

ಈ ಕುರಿತಂತೆ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಯಾವುದೇ ರೀತಿಯ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಪವಿತ್ರಾ ಗೌಡ ತಮ್ಮ ಫೋಟೋಗೆ ಬಂದಿರುವ ಕಾಮೆಂಟ್‌ಗಳಿಗೆ ಪ್ರತಿಕ್ರಿಯಿಸುತ್ತ, 'ನಿಮ್ಮ ಧನಾತ್ಮಕ ಹಾಗೂ ಋಣಾತ್ಮಕ ಕಾಮೆಂಟ್‌ಗಳಿಗೆ ಧನ್ಯವಾದಗಳು. ನಾನು ಮಾತ್ರ ಉತ್ತಮ ಪ್ರತಿಕ್ರಿಯೆಗಳನ್ನು ಆರಿಸಿಕೊಂಡಿದ್ದೇನೆ. ದೇವರು ನಿಮಗೆ ಒಳ್ಳೆದು ಮಾಡಲಿ' ಎಂದು ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ. ಒಟ್ಟಾರೆ ಈ ಅಂತೆ ಕಂತೆಗಳಿಗೆ ದರ್ಶನ್‌ ಅವರಿಂದ ಸ್ಪಷ್ಟ ಉತ್ತರ ಸಿಗಬೇಕಿದೆ.



ದರ್ಶನ್‌ ಅಭಿನಯದ 'ತಾರಕ್‌' ಚಿತ್ರ ಬಿಡುಗಡೆಗೆ ಸಿದ್ಧವಾಗಿರುವ ಈ ಹೊತ್ತಲ್ಲಿ ಈ ರೀತಿಯ ವಿವಾದ ಹುಟ್ಟಿರುವುದು ಅನೇಕ ಚರ್ಚೆಗಳಿಗೆ ಗ್ರಾಸವಾಗಿದೆ. ನಟಿ ಪವಿತ್ರ ಗೌಡ 'ಛತ್ರಿಗಳು ಸಾರ್ ಛತ್ರಿಗಳು' ಮತ್ತು 'ಭತ್ತಾಸ್' ಎಂಬ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.