ತಮಿಳಿನ ಸೂಪರ್ ಸ್ಟಾರ್ ಜೊತೆ ಮಹೇಶ್ ಬಾಬು ಮಗಳು ಸಿತಾರಾ ಸಿನಿಮಾ ಮಾಡ್ತಾರಾ?

ದಳಪತಿ ವಿಜಯ್ ಜೊತೆ ತೆಲುಗು ನಿರ್ದೇಶಕ ವಂಶಿ ಪೈಡಿಪಲ್ಲಿ ಸಿನಿಮಾ ಮಾಡುತ್ತಿರುವುದು ಗೊತ್ತೇ ಇದೆ. ಶೀಘ್ರದಲ್ಲಿಯೇ ಈ ಚಿತ್ರದ ಮುಹೂರ್ತ ನೆರವೇರಲಿದೆ. ಈ ಸಿನಿಮಾದಲ್ಲಿ ರೊಮ್ಯಾನ್ಸ್, ಕಾಮಿಡಿ, ಭಾವನೆಗಳೆಲ್ಲವೂ ಇರಲಿದೆಯಂತೆ. ದಳಪತಿ ವಿಜಯ್ ಹಾಗೂ ಮಹೇಶ್ ಬಾಬು ಒಟ್ಟಾಗಿ ಸಿನಿಮಾ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿತ್ತು, ಈಗ ದಳಪತಿ ವಿಜಯ್ ಜೊತೆ ಮಹೇಶ್ ಬಾಬು ಪುತ್ರಿ ನಟಿಸಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ.

ರಶ್ಮಿಕಾ ಸಂದರ್ಶನ ಮಾಡಿದ್ದ ಸಿತಾರಾ
ಸಿತಾರಾ ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋವನ್ನು, ವಿಭಿನ್ನವಾದ ಫೋಟೋಶೂಟ್‌ಗಳನ್ನು ಮಹೇಶ್ ಬಾಬು ಪತ್ನಿ ನಮ್ರತಾ ಶಿರೋಡ್ಕರ್ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. 'ಸರಿಲೇರು ನೀಕೆವ್ವರು' ಸಿನಿಮಾ ರಿಲೀಸ್ ವೇಳೆ ಸಿತಾರಾ ಅವರು ರಶ್ಮಿಕಾ ಮಂದಣ್ಣ ಸಂದರ್ಶನ ಮಾಡಿದ್ದರು. ಕಳೆದ ಜುಲೈ ತಿಂಗಳಲ್ಲಿ ಸಿತಾರಾ 9ನೇ ವರ್ಷಕ್ಕೆ ಕಾಲಿಟ್ಟಿದ್ದರು.

ಮಹೇಶ್ ಬಾಬು & ವಂಶಿ ದೋಸ್ತಿ
ಈಗಾಗಲೇ ನಿರ್ದೇಶಕರು ಮಹೇಶ್ ಬಾಬು ಜೊತೆ ಮಾತನಾಡಿದ್ದು, ಅವರು ಅನುಮತಿ ಕೊಡುತ್ತಾರೋ ಇಲ್ಲವೋ ಎಂದು ಕಾದು ನೋಡುತ್ತಿದ್ದಾರೆ. ನಿರ್ದೇಶಕ ವಿಜಯ್ ಹಾಗೂ ಮಹೇಶ್ ಬಾಬು ಅವರಿಗೆ ಒಳ್ಳೆಯ ಬಾಂಧವ್ಯವಿದೆ. ಮಹೇಶ್ ಬಾಬು ಹಾಗೂ ವಂಶಿ ಕಾಂಬಿನೇಶನ್‌ನಲ್ಲಿ ಮೂಡಿಬಂದ 'ಮಹರ್ಷಿ' ಸಿನಿಮಾಕ್ಕೆ ರಾಷ್ಟ್ರ ಪ್ರಶಸ್ತಿಯೂ ಸಿಕ್ಕಿತ್ತು.

ಆ ಒಂದು ಕಾರಣಕ್ಕೆ ಒಂದಾಗ್ತಾರಾ , ತೆಲುಗು, ತಮಿಳು ಸೂಪರ್ ಸ್ಟಾರ್ ಮಹೇಶ್ ಬಾಬು, ದಳಪತಿ ವಿಜಯ್?

GreenIndiaChallenge
ಕಳೆದ ವರ್ಷ ಮಹೇಶ್ ಬಾಬು ಅವರು ವಂಶಿಗೆ ಗ್ರೀನ್ ಇಂಡಿಯಾ ಚಾಲೆಂಜ್ ನೀಡಿದ್ದರು. ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳದ ವಂಶಿ ಅವರು ಮಹೇಶ್ ಬಾಬು ಮೇಲಿನ ಗೌರವಕ್ಕಾಗಿ ಗ್ರೀನ್ ಇಂಡಿಯಾ ಚಾಲೆಂಜ್ ಸ್ವೀಕರಿಸಿದ್ದರು. ಆ ಅಭಿಯಾನದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. #GreenIndiaChallenge ಅಭಿಯಾನದ ವೇಳೆ ವಿಜಯ್, ವಂಶಿ, ಮಹೇಶ್ ಒಟ್ಟಾಗಿ ಮಾತನಾಡುತ್ತಿರೋದು ಕಂಡು ಬಂದಿತ್ತು. ಹೀಗಾಗಿ ದಳಪತಿ ವಿಜಯ್, ಮಹೇಶ್ ಬಾಬು ಒಟ್ಟಿಗೆ ನಟಿಸಲಿದ್ದಾರಾ ಎಂದು ಕಾದು ನೋಡಬೇಕಿದೆ. ಮಹೇಶ್ ಬಾಬು ಅವರ ಸೂಪರ್ ಹಿಟ್ ತೆಲುಗು ಸಿನಿಮಾಗಳನ್ನು ವಂಶಿ ತಮಿಳಿಗೆ ಡಬ್ ಮಾಡಿದ್ದರು.

Thalapathy 66: ಹಿಟ್ ನಿರ್ದೇಶಕ ವಂಶಿ ಪೈಡಿಪಲ್ಲಿ ಜೊತೆ ಕೈ ಜೋಡಿಸಿದ ‘ದಳಪತಿ’ ವಿಜಯ್

Thalapathy 66
ವಂಶಿ ಪೈಡಿಪಲ್ಲಿ ಮತ್ತು ವಿಜಯ್ ಕಾಂಬಿನೇಶನ್‌ನಲ್ಲಿ ಮೂಡಿಬರುತ್ತಿರುವ ಈ ಚಿತ್ರವನ್ನು ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಅಡಿಯಲ್ಲಿ ದಿಲ್ ರಾಜು ಮತ್ತು ಶಿರೀಶ್ ಜಂಟಿಯಾಗಿ ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ಸದ್ಯ Thalapathy 66 ಎಂದು ಕರೆಯಲಾಗುತ್ತಿದೆ.

'ಬೀಸ್ಟ್' ಸಿನಿಮಾ
ಕೊಲಮಾವು ಕೋಕಿಲಾ', 'ಡಾಕ್ಟರ್' ಸಿನಿಮಾಗಳಿಗೆ ನಿರ್ದೇಶನ ಮಾಡಿದ್ದ ನೆಲ್ಸನ್‌ ದಿಲಿಪ್‌ಕುಮಾರ್ ಜೊತೆ ವಿಜಯ್ 'ಬೀಸ್ಟ್' ಸಿನಿಮಾ ಮಾಡುತ್ತಿದ್ದಾರೆ. ಬೀಸ್ಟ್ ಎಂದರೆ ಇಂಗ್ಲಿಷ್‌ನಲ್ಲಿ ಮೃಗ ಎಂಬರ್ಥವಿದೆ. 'ಮಾಸ್ಟರ್' ನಂತರ ವಿಜಯ್ 'ಬೀಸ್ಟ್' ಒಪ್ಪಿಕೊಂಡಿದ್ದಾರೆ. ಅನಿರುದ್ಧ್‌ ರವಿಚಂದರ್‌ ಸಂಗೀತ, ಮನೋಜ್ ಪರಮಹಂಸ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಈ ಸಿನಿಮಾ ನಂತರದಲ್ಲಿ ವಿಜಯ್ ಅವರು ವಂಶಿ ಸಿನಿಮಾ ಕೈಗೆತ್ತಿಕೊಳ್ಳಲಿದ್ದಾರೆ.