ಮಗಳಿಗಾಗಿ ಮಿಸ್ಟರ್‌ ಲೂಸ್‌ ಆದ ಯೋಗೀಶ್‌

ಧೂಳ್‌ ಚಿತ್ರದಲ್ಲಿ ಅಪ್ಪ ಲೂಸಾ ಅಮ್ಮ ಲೂಸಾ ಎಂದು ಹಾಡಿಗೆ ಹೆಜ್ಜೆ ಹಾಕಿದ್ದ ನಟ ಲೂಸ್‌ ಮಾದ ಯೋಗೀಶ್‌ ಈಗ ತಾವೇ ಮಿಸ್ಟರ್‌ ಲೂಸ್‌ ಆಗಿದ್ದಾರೆ. ಮಗಳ ಪಾಲಿಗೆ ಯೋಗೀಶ್‌ ಮತ್ತು ಅವರ ಪತ್ನಿ ಸಾಹಿತ್ಯ ಮೇ ತಿಂಗಳಲ್ಲಿ ಹುಟ್ಟಿದ ತಮ್ಮ ಮುದ್ದಾದ ಮಗಳಿಗಾಗಿ ಮಿಸ್ಟರ್‌ ಲೂಸ್‌, ಮಿಸಸ್‌ ಲೂಸ್‌ ಆಗಿದ್ದಾರೆ.

ಬಿಳಿ ಟೀಶರ್ಟ್‌ ಮೇಲೆ ಮಿಸ್ಟರ್‌ ಲೂಸ್‌ ಮತ್ತು ಮಿಸಸ್‌ ಲೂಸ್‌ ಎಂದು ಪ್ರಿಂಟ್‌ ಹಾಕಿಸಿ, ಅದನ್ನು ಧರಿಸಿರುವ ದಂಪತಿ ಕ್ಯಾಮೆರಾಗೆ ಫೋಸ್‌ ನೀಡಿದ್ದಾರೆ. ಮಗಳ ಡ್ರೆಸ್‌ ಮೇಲೆ ಲಿಟ್ಲ್‌ ಲೂಸ್‌ ಎಂದು ಪ್ರಿಂಟ್‌ ಮಾಡಲಾಗಿದೆ. ಈ ಫೋಟೋಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಶೇರ್‌ ಮಾಡಿ ಸಂಭ್ರಮ ಹಂಚಿಕೊಂಡಿದ್ದಾರೆ.

ದುನಿಯಾ ಚಿತ್ರದಲ್ಲಿ ತಾವು ನಟಿಸಿದ ಪಾತ್ರದ ಹೆಸರು 'ಲೂಸ್‌ ಮಾದ' ಎಂಬ ಹೆಸರಿನಿಂದಲೇ ಗುರುತಿಸಲ್ಪಟ್ಟ ನಟ ಯೋಗೀಶ್‌. ಅವರ ನಟನೆಯ ಧೂಳ್‌ ಚಿತ್ರ 'ಅಪ್ಪ ಲೂಸಾ ಅಮ್ಮ ಲೂಸಾ' ಹಾಡು ಜನಪ್ರಿಯವಾಗಿತ್ತು.