ಯೋಗರಾಜ ಭಟ್ಟರ ಹೊಸ ಚಿತ್ರಕ್ಕೆ ಪಂಚತಂತ್ರ ಎಂಬ ಟೈಟಲ್‌ ಫಿಕ್ಸ್‌ ಆಗಿದೆ. ವಿಹಾನ್‌ ನಾಯಕರಾಗಿರುವ ಈ ಚಿತ್ರದಲ್ಲಿ ಸೋನಲ್‌ ಮಾಂತೆರೋ ಮತ್ತು ಅಕ್ಷರಾ ಗೌಡ ಎಂಬ ಇಬ್ಬರು ಹಾಟ್‌ ಬ್ಯೂಟೀಸ್‌ ನಾಯಕರಾಗಿ ನಟಿಸುತ್ತಿದ್ದಾರೆ.
ಕಾಂತರಾಜ್‌ ಮತ್ತು ಮಾಸ್ತಿ ಬರೆದಿರುವ ಕತೆ ಇದಾಗಿದ್ದು, ಸಾಕಷ್ಟು ಫನ್‌ ಎಲಿಮೆಂಟ್‌ ಇದೆಯಂತೆ. ಮುಗುಳುನಗೆ ನಂತರ ಕೈಗೆತ್ತಿಕೊಂಡಿರುವ ಪ್ರಾಜೆಕ್ಟ್ ಇದಾಗಿದ್ದು, ಹೊಸ ಆಲೋಚನೆಯೊಂದಿಗೆ ಭಟ್ಟರು ಸಿನಿಮಾ ಮಾಡುತ್ತಿದ್ದಾರೆ. ಕಾಲ್‌ ಕೆಜಿ ಪ್ರೀತಿ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪ್ರವೇಶ ಮಾಡಿದ್ದ, ವಿಹಾನ್‌ ಈ ಚಿತ್ರದಲ್ಲಿ ಬೇರೆ ತರಹದ ಪಾತ್ರ ನಿರ್ವಹಿಸುತ್ತಿದ್ದಾರೆ.
ವಿಹಾನ್‌ಗೆ ನಾಯಕಿಯಾಗಿ ಸೋನಲ್‌ ಮಾಂತೆರೋ ಇದ್ದರೆ, ಇನ್ನೊಂದು ಮುಖ್ಯ ಅಕ್ಷರಗೌಡ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದರ ಜತೆಗೆ ಈ ಸಿನಿಮಾದಲ್ಲಿ ದೊಡ್ಡ ನಟರೇ ದಂಡೆ ಇದೆ ಎಂದು ಚಿತ್ರತಂಡ ಹೇಳಿದೆ. ಉಳಿದ ಪಾತ್ರಗಳ ಆಯ್ಕೆ ಪ್ರಕ್ರಿಯೆ ಸಾಗಿದ್ದು, ಇದೇ ತಿಂಗಳ 25ರಿಂದ ಚಿತ್ರೀಕರಣ ಪ್ರಾರಂಭವಾಗಲಿದೆ.