ನಟ ಚಿರಂಜೀವಿ ಕ್ಲಿಕ್ ಮಾಡಿದ 'ಸ್ಟಾರ್' ನಟರೊಬ್ಬರ ಬಾಲ್ಯದ ಫೋಟೋ ಇದು! ಯಾರೆಂದು ಗುರುತಿಸಿ?

'ಮೆಗಾ ಸ್ಟಾರ್‌' ಚಿರಂಜೀವಿ ಸೋಶಿಯಲ್ ಮೀಡಿಯಾಗೆ ಎಂಟ್ರಿ ಕೊಟ್ಟಿದ್ದೇ ಕೊಟ್ಟಿದ್ದು, ತಮಗನಿಸಿದ ವಿಚಾರಗಳನ್ನೆಲ್ಲ ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಾರೆ. ಕಳೆದ ಯುಗಾದಿ ಹಬ್ಬದಂದು ಅವರು ಸೋಶಿಯಲ್ ಮೀಡಿಯಾಗೆ ಗ್ರ್ಯಾಂಡ್ ಎಂಟ್ರಿ ನೀಡಿದ್ದರು. ಅಂದಿನಿಂದ ಇಂದಿನವರೆಗೂ ಏನಾದರೊಂದು ಉತ್ತಮವಾದುದನ್ನು ಫ್ಯಾನ್ಸ್ ಜೊತೆ ಶೇರ್ ಮಾಡುತ್ತಾರೆ. ಆಗಸ್ಟ್ 19ರಂದು ವಿಶ್ವ ಫೋಟೋಗ್ರಫಿ ದಿನ ಇತ್ತು ಆ ಸಲುವಾಗಿ ಚಿರು ಕೂಡ ತಾವು ಮೊದಲ ಬಾರಿಗೆ ತೆಗೆದುಕೊಂಡ ಕ್ಯಾಮರಾದ ಫೋಟೋವನ್ನು ಹಂಚಿಕೊಂಡಿದ್ದರು. ಜೊತೆಗೆ ತಾವು ಮೊದಲು ತೆಗೆದ ಫೋಟೋವನ್ನೂ ಅವರು ಹಂಚಿಕೊಂಡಿದ್ದರು.

ಚಿರು ಕ್ಲಿಕ್ ಮಾಡಿದ್ದ ಆ ಮೊದಲ ಫೋಟೋದಲ್ಲಿ ಐದು ಬಾಲಕರು ಒಟ್ಟಿಗೆ ನಿಂತಿದ್ದಾರೆ. ಅದರಲ್ಲಿ ಒಬ್ಬಾತ ಈಗ ಟಾಲಿವುಡ್‌ನ ಸ್ಟಾರ್ ನಟ ಆಗಿದ್ದಾರೆ ಅನ್ನೋದು ವಿಶೇಷ. ಆ ಫೋಟೋವನ್ನು ಹಂಚಿಕೊಂಡಿರುವ ಚಿರು, 'ನಾನು ಕ್ಲಿಕ್ ಮಾಡಿದ ಮೊದಲ ಫೋಟೋ ಇದು. ಇದರಲ್ಲಿರುವ ಐದು ಜನರಲ್ಲಿ ಒಬ್ಬ ಹುಡುಗ ನಿಮಗೆ ಚೆನ್ನಾಗಿ ಗೊತ್ತು' ಎಂದು ಕ್ಯಾಪ್ಷನ್ ಹಾಕಿದ್ದಾರೆ. ಅಂದಹಾಗೆ, ಆ ಹುಡುಗ ಯಾರು? 'ಪವರ್ ಸ್ಟಾರ್' ಪವನ್‌ ಕಲ್ಯಾಣ್‌.

ಕೊನೆಯ ಸಹೋದರ ಪವನ್‌ ಕಲ್ಯಾಣ್‌ ಅವರ ಬಾಲ್ಯದ ಫೋಟೋವನ್ನೇ ಚಿರಂಜೀವಿ ಸೆರೆಹಿಡಿದಿರುವುದು. ಆನಂತರ ಚಿರು ಇನ್ನೊಂದು ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅದು ಅವರ ತಂದೆಯ ಫೋಟೋ. ಹೀಗೆ ವಿಶ್ವ ಫೋಟೋಗ್ರಫಿ ದಿನದಂದು ತಮ್ಮ ಹಾಗೂ ಪವನ್‌ ಕಲ್ಯಾಣ್ ಫ್ಯಾನ್ಸ್‌ಗೆ ಅಚ್ಚರಿ ನೀಡಿದ್ದಾರೆ ಚಿರು. ಅಂದಹಾಗೆ, ಸೆಲೆಬ್ರಿಟಿಗಳ ಸೋಶಿಯಲ್ ಮೀಡಿಯಾವನ್ನು ಹ್ಯಾಂಡಲ್‌ ಮಾಡೋಕಂತಲೇ ಮ್ಯಾನೇಜರ್‌ಗಳು ಇರುತ್ತಾರೆ. ಆದರೆ, ಚಿರು ಮಾತ್ರ ಆ ರೀತಿ ಯಾವುದೇ ಮ್ಯಾನೇಜರ್‌ಗಳನ್ನು ಇಟ್ಟುಕೊಂಡಿಲ್ಲವಂತೆ. ಎಲ್ಲ ಪೋಸ್ಟ್‌ಗಳನ್ನು ಅವರೇ ಹಾಕುತ್ತಾರಂತೆ.

ಪೊಲೀಸ್ ಅಧಿಕಾರಿಯ ಮಗನ ಜೊತೆ ನಿಕ್ಕಿಯಾಯ್ತು ಚಿರಂಜೀವಿ ಕುಟುಂಬದ ಏಕೈಕ ನಟಿ ನಿಹಾರಿಕಾ ಮದುವೆ!

ಆಗಸ್ಟ್‌ 22ರಂದು ಅವರ ಜನ್ಮದಿನವಿದ್ದು, ಅಂದೇ ಅವರ ಹೊಸ ಚಿತ್ರದ ಫಸ್ಟ್‌ ಲುಕ್ ಪೋಸ್ಟರ್ ಲಾಂಚ್ ಮಾಡೋಕೆ ನಿರ್ಧರಿಸಲಾಗಿದೆ. ಇದು ಅವರ 152ನೇ ಸಿನಿಮಾವಾಗಿದ್ದು, ಕೊರಟಾಲ ಶಿವ ಇದರ ನಿರ್ದೇಶನ ಮಾಡುತ್ತಿದ್ದಾರೆ. ರಾಮ್ ಚರಣ್ ಮತ್ತು ನಿರಂಜನ್ ರೆಡ್ಡಿ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಸರಳವಾಗಿ ನಡೆದ ಚಿರಂಜೀವಿ ಕುಟುಂಬದ ಏಕೈಕ ನಟಿ ನಿಹಾರಿಕಾ ಕೊನಿಡೆಲ ನಿಶ್ಚಿತಾರ್ಥ!