ಕರ್ನಾಟಕದಲ್ಲಿ ಈವರೆಗೂ 33 ಪ್ರಕರಣಗಳು ಬೆಳಕಿಗೆ ಬಂದಿವೆ. ಸೋಂಕು ಪೀಡಿತರನ್ನು ಪ್ರತ್ಯೇಕವಾಗಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಯಾವುದೇ ಕಾರಣಕ್ಕೂ ಸಿಟಿಯಲ್ಲಿರುವ ಜನ ಹಳ್ಳಿಗಳತ್ತ ಮುಖ ಮಾಡಬೇಡಿ ಎಂದು ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಮನವಿ ಮಾಡಿದ್ದಾರೆ. ಸಿನಿ ತಾರೆಯರು ಕೂಡ ಜನರಲ್ಲಿ ಆದಷ್ಟು ಜಾಗೃತ ಮೂಡಿಸುವ ಪ್ರಯತ್ನ ಮಾಡುತ್ತಿದ್ದಾರೆ. ಈಗ 'ಡಾಲಿ' ಧನಂಜಯ ಕೂಡ ಅದೇ ಕೆಲಸ ಮಾಡುತ್ತಿದ್ದಾರೆ. ಮುಂಬರುವ ಯುಗಾದಿ ಹಬ್ಬಕ್ಕೆ ಬಹುತೇಕರು ತಮ್ಮ ಊರುಗಳಿಗೆ ಹೋಗುತ್ತಾರೆ. ಅದನ್ನು ಗಮನದಲ್ಲಿಟ್ಟುಕೊಂಡು ಒಂದು ಸಂದೇಶ ನೀಡಿದ್ದಾರೆ ಅವರು.
ಎಲ್ಲಿದ್ದಿರೋ ಅಲ್ಲೇ ಇರಿ!
'ದಯವಿಟ್ಟು ಹಬ್ಬ ಅನ್ನೋ ಕಾರಣಕ್ಕೆ ಹಳ್ಳಿಗಳಿಗೆ ಹೋಗಬೇಡಿ. ನೀವುಗಳು ಎಲ್ಲೆಲ್ಲಿ ಇದ್ದಿರೋ, ಅಲ್ಲೇ ಇದ್ದುಬಿಡಿ. ನಾನು ಕೂಡ ನನ್ನ ಹಬ್ಬಕ್ಕೆ ನನ್ನ ಹಳ್ಳಿಗೆ ಹೋಗುತ್ತಿಲ್ಲ. ಬೆಂಗಳೂರಿನಲ್ಲೇ ಉಳಿದುಕೊಂಡಿದ್ದೇನೆ. ನಮಗೆ ಕೊರೊನಾ ಲಕ್ಷಣ ಇದ್ದರೂ ಕೂಡ ನಮಗೆ ಗೊತ್ತಾಗುವುದಿಲ್ಲ. ಊರಲ್ಲಿ ನಮ್ಮ ತಂದೆ-ತಾಯಿ, ಅಜ್ಜ, ಅಜ್ಜಿ ಎಲ್ಲ ಇರುತ್ತಾರೆ. ವಯಸ್ಸಾದವರು ಇರುತ್ತಾರೆ. ನಾವು ಊರಿಗೆ ಹೋದ್ರೆ, ಅವರಿಗೆ ಯಾರಿಗು ತೊಂದರೆ ಆಗೋದು ಬೇಡ. ಸಂಪೂರ್ಣವಾಗಿ ಕೊರೊನಾ ಮುಕ್ತವಾಗುವ ತನಕ ಎಲ್ಲರು ಎಲ್ಲೆಲ್ಲಿ ಇದ್ದಿರೋ ಅಲ್ಲೇ ಇದ್ದುಬಿಡಿ. ಸರ್ಕಾರ ಮತ್ತು ಡಾಕ್ಟರ್ ಏನು ಹೇಳುತ್ತಿದ್ದಾರೋ, ಅದನ್ನು ಪಾಲಿಸಿ' ಎಂದಿದ್ದಾರೆ 'ಡಾಲಿ' ಧನಂಜಯ.
ಡಾನ್‌ ಜಯರಾಜ್‌ ಪಾತ್ರ ಮಾಡಲಿದ್ದಾರೆ 'ಡಾಲಿ' ಧನಂಜಯ! ಇಲ್ಲಿದೆ ಫುಲ್ ಡಿಟೇಲ್ಸ್‌!
ವದಂತಿಗಳಿಗೆ ಕವಿಗೊಡಬೇಡಿ!
ಕೊರೊನಾ ಸೋಂಕು ಹಬ್ಬಿದ ದಿನದಿಂದಲೂ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸುಳ್ಳು ವದಂತಿಗಳು ಹರಿದಾಡುತ್ತಿವೆ. ಅದನ್ನು ಯಾರು ನಂಬಬಾರದು ಎಂದು ಧನು ಮನವಿ ಮಾಡಿದ್ದಾರೆ. 'ವದಂತಿಗಳಿಗೆ ಮತ್ತು ಅವೈಜ್ಞಾನಿಕ ಮಾಹಿತಿಗಳ ಬಗ್ಗೆ ಗಮನ ನೀಡಬೇಡಿ. ಆದಷ್ಟು ಸುಶಿಕ್ಷಿತರಾಗಿರಿ. ಸೋಶಿಯಲ್‌ ಡಿಸ್ಟೆನ್ಸ್ ಪಾಲಿಸಿ. ದಯವಿಟ್ಟು ಗುಂಪುಗಳಲ್ಲಿ ಸೇರುವುದು ಮಾಡಬೇಡಿ. ದಯವಿಟ್ಟು ಈ ಕೊರೊನಾ ವಿರುದ್ಧ ನಾವೆಲ್ಲರೂ ದೂರ ದೂರವೇ ಇದ್ದು ಒಗ್ಗಟ್ಟಾಗಿ ಹೋರಾಟ ಮಾಡೋಣ. ಎಲ್ಲೆಲ್ಲಿ ಇದ್ದಿರೋ ಅಲ್ಲೇ ಇರಿ' ಎಂದು ಹೇಳುವ ಮೂಲಕ ಜನರಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ಮಾಡಿದ್ದಾರೆ.
10 ಕೋಟಿ ರೂ. ಕಮಾಯಿ ಮಾಡಿದೆಯೇ 'ಪಾಪ್‌ಕಾರ್ನ್‌ ಮಂಕಿ ಟೈಗರ್‌'?