ನಟ ಕೋಮಲ್‌ ಮದುವೆ ಹಿಂದಿನ ಕಥೆಯನ್ನು ಹಂಚಿಕೊಂಡ 'ನವರಸ ನಾಯಕ' ಜಗ್ಗೇಶ್‌!

ಕನ್ನಡ ಚಿತ್ರರಂಗದಲ್ಲಿ ಕೆಲಸ ಮಾಡುತ್ತಿರುವ ಸಹೋದರರಲ್ಲಿ 'ನವರಸ ನಾಯಕ' ಜಗ್ಗೇಶ್‌ ಮತ್ತು ಕೋಮಲ್‌ ಜೋಡಿಯೂ ಒಂದು. ಜಗ್ಗೇಶ್‌ ಹೀರೋ ಆಗಿ ನಟಿಸುತ್ತಿದ್ದ ಸಮಯದಲ್ಲಿ ಕೋಮಲ್ ಕೂಡ ಸಣ್ಣ ಪುಟ್ಟ ಪಾತ್ರಗಳಲ್ಲಿ ನಟಿಸುತ್ತಿದ್ದರು. ಆನಂತರ ಕೋಮಲ್ ಪೋಷಕ ಪಾತ್ರ, ಹಾಸ್ಯ ಪಾತ್ರಗಳಲ್ಲಿ ಮಿಂಚಿದರು. ನಂತರದ ದಿನಗಳಲ್ಲಿ ತಾವೇ ಹೀರೋ ಆದರು. ನಿರ್ಮಾಪಕರೂ ಆದರು. ಅಂದಹಾಗೆ, ಕೋಮಲ್‌ ಮದುವೆ ನಡೆದಿದ್ದು 1993ರಲ್ಲಿ. ಆಗಿನ್ನು ಅವರಿಗೆ 20 ವರ್ಷ ವಯಸ್ಸು! ಅಷ್ಟು ಬೇಗನೇ ಕೋಮಲ್ ಆಗಲು ಕಾರಣವೇನು? ಆ ಬಗ್ಗೆ ಜಗ್ಗೇಶ್ ಬಿಚ್ಚಿಟ್ಟ ಸತ್ಯ ಇಲ್ಲಿದೆ.

ಆರಂಭದಲ್ಲಿ ಪೋಷಕ ಪಾತ್ರಗಳನ್ನು ಮಾಡಿಕೊಂಡು ಬಂದಿದ್ದ ಜಗ್ಗೇಶ್, 1992ರಲ್ಲಿ ಹೀರೋ ಆದರು. ಆ ವರ್ಷ ನಟಿಸಿದ 'ಭಂಡ ನನ್ನ ಗಂಡ' ಮತ್ತು 'ತರ್ಲೆ ನನ್ಮಗ' ಸಿನಿಮಾಗಳು ಮೆಗಾ ಹಿಟ್ ಆದರು. ಬಳಿಕ ಜಗ್ಗೇಶ್‌ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸಿದರು. ಆನಂತರ 1993ರಲ್ಲಿ ಕೋಮಲ್‌ಗೆ ಮದುವೆ ಮಾಡಿಸಬೇಕೆಂಬ ಆಸೆ ಅವರ ತಾಯಿ ಬರುತ್ತದೆ. ಆ ಕುರಿತು ಜಗ್ಗೇಶ್ ಹೀಗೆ ಬರೆದುಕೊಂಡಿದ್ದಾರೆ.

'ಅಮ್ಮ, ಬೇಗ ಕೋಮಲ್ ಮದುವೆ ಮಾಡು ಈಶ (ಜಗ್ಗೇಶ್‌) ಯಾಕೋ ಶಿವ ಕರೆದಂತೆ ಆಗುತ್ತಿದೆ ಎಂದು ಹಿಂಸೆಕೊಟ್ಟಳು! ವಾರದಲ್ಲೇ ಸ್ನೇಹಿತನ ತಂಗಿಯನ್ನು ಒಪ್ಪಿಸಿ 20 ವರ್ಷದ ಕೋಮಲ್‌ಗೆ ಮದುವೆ ಮಾಡಿಸಿಬಿಟ್ಟೆ! ಕೂತು ಚಪ್ಪಾಳೆ ತಟ್ಟಿ ಆನಂದಿಸಿ, ಅವನು ಮದುವೆಯಾದ 20 ದಿನಕ್ಕೆ ದೇಹತ್ಯಾಗ ಮಾಡಿಬಿಟ್ಟಳು ಅಮ್ಮ' ಎಂದು ಜಗ್ಗೇಶ್ 27 ವರ್ಷದ ಹಿಂದಿನ ಘಟನೆಯನ್ನು ನೆನೆಯುತ್ತಾರೆ ಜಗ್ಗೇಶ್‌.

World Mothers Day: 'ಅಮ್ಮನ ಹೆಸರಲ್ಲಿ ವಡೆ ಪಾಯಸದ ಪ್ರೀತಿ ಬೇಡ' ಎಂದ ಜಗ್ಗೇಶ್‌!

ಅಂದಹಾಗೆ, ಆಕಸ್ಮಿಕವಾಗಿ ಕೋಮಲ್ ಅವರ ಮದುವೆ ಪೋಟೋ ಆ ಕ್ಷಣಗಳನ್ನು ನೆನಪಾಗುವಂತೆ ಮಾಡಿ, ಅವರನ್ನು ಭಾವುಕರನ್ನಾಗಿ ಮಾಡಿತ್ತಂತೆ. ಅಲ್ಲದೆ, ವಿಶ್ವ ಅಮ್ಮಂದಿರ ದಿನವಾದ ಇಂದು (ಮೆ 10) ತಾಯಿ ಕುರಿತು ಹಲವು ಮಾತುಗಳನ್ನು ಜಗ್ಗೇಶ್‌ ಹೇಳಿದ್ದಾರೆ. ಕರುಣಾಮಯಿ ಎನಿಸಿಕೊಂಡ ತಾಯಿಯನ್ನು ಹೇಗೆ ನೋಡಿಕೊಳ್ಳಬೇಕು ಎಂದು ಮಕ್ಕಳಿಗೆ ಕಿವಿಮಾತು ಹೇಳಿದ್ದಾರೆ.

Happy Mothers Day: ಅಮ್ಮಂದಿರ ಜೊತೆ ಸ್ಯಾಂಡಲ್‌ವುಡ್‌ ಸೆಲೆಬ್ರಿಟಿಗಳ ಫೋಟೋಗಳು