ನಟಿ ಪವಿತ್ರಾ ಲೋಕೇಶ್ (Pavitra Lokesh) ಮತ್ತು ತೆಲುಗು ನಟ ನರೇಶ್ (Naresh) ಅವರ ಕುರಿತ ಸುದ್ದಿಗಳು ಸಾಕಷ್ಟು ಚರ್ಚೆ ಆಗುತ್ತಿವೆ. ಈಚೆಗಷ್ಟೇ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದ ಪವಿತ್ರಾ ಲೋಕೇಶ್, 'ನನ್ನೆಲ್ಲಾ ನೋವು-ಸುಖದಲ್ಲಿ ನರೇಶ್ ಭಾಗಿಯಾಗಿದ್ದಾರೆ. ಹೀಗಾಗಿ, ಈಗ ಅವರ ಸಂಕಷ್ಟದ ಸಮಯದಲ್ಲಿ ನಾನು ಅವರ ಜೊತೆಗೆ ಇರುತ್ತೇನೆ. ನಾಳೆ ಏನಾಗುತ್ತೆ ಅಂತ ಈಗಲೇ ನಾನು ಹೇಳೋಕೆ ಆಗಲ್ಲ. ಅಫ್ ಕೋರ್ಸ್ ನಾವು ಜೊತೆಗಿರ್ತೀವಿ. ನಾವು ಅಟ್ಯಾಚ್ ಆಗಿದ್ದೀವಿ. ಸ್ನೇಹಕ್ಕಿಂತ ಒಂದು ಹೆಜ್ಜೆ ಮುಂದೆನೇ ಇದೆ ಅಂದುಕೊಳ್ಳಿ. ಅದರಲ್ಲಿ ತಪ್ಪೇನು' ಎಂದು ಪ್ರಶ್ನಿಸಿದ್ದರು. ಇದೀಗ ಮೈಸೂರಿನಲ್ಲಿ (Mysuru) ಹೈಡ್ರಾಮಾವೊಂದು ನಡೆದಿದೆ. ಪವಿತ್ರಾ ಲೋಕೇಶ್ ಮತ್ತು ನರೇಶ್ ತಂಗಿದ್ದ ಹೋಟೆಲ್‌ ಬಳಿ ನರೇಶ್ ಮೂರನೇ ಪತ್ನಿ ರಮ್ಯಾ ರಘುಪತಿ (Ramya Raghupathi) ಗಲಾಟೆ ಮಾಡಿದ್ದಾರೆ. ಅವರ ಮೇಲೆ ಚಪ್ಪಲಿಯಿಂದ ಹಲ್ಲೆ ಮಾಡಲು ರಮ್ಯಾ ಪ್ರಯತ್ನಿಸಿದ್ದಾರೆ.
ಮೈಸೂರಿನ ಖಾಸಗಿ ಹೋಟೆಲ್‌ವೊಂದರ ರೂಮ್‌ನಿಂದ ಪವಿತ್ರಾ ಲೋಕೇಶ್ ಮತ್ತು ನರೇಶ್ ಒಟ್ಟಿಗೆ ಹೊರಗೆ ಬಂದಿದ್ದಾರೆ. ಅದಕ್ಕೂ ಮುನ್ನ ರಮ್ಯಾ ರಘುಪತಿ ಹೋಟೆಲ್‌ಗೆ ಪ್ರವೇಶಿಸಿ, ಅವರಿಬ್ಬರು ಒಟ್ಟಿಗೆ ಇದ್ದರು ಎನ್ನಲಾದ ರೂಮ್‌ನ ಬಳಿ ಧರಣಿ ನಡೆಸಿದ್ದಾರೆ. ತುಂಬ ಸಮಯ ಬಾಗಿಲು ಬಡಿಯುತ್ತ ಹೊರಗಡೆ ಕಾದಿದ್ದಾರೆ. ರೂಮ್‌ ಮುಂದೆಯೇ ಪಟ್ಟು ಹಿಡಿದು ಕುಳಿತಿದ್ದರು. ಆದರೆ ರೂಮ್‌ ಬಾಗಿಲು ತೆರೆದಿರಲಿಲ್ಲ.
ಸ್ಥಳಕ್ಕೆ ಬಂದ ಪೊಲೀಸರು
ನಂತರ ಅಲ್ಲಿಗೆ ಪೊಲೀಸರು ಆಗಮಿಸಿ, ಪರಿಸ್ಥಿತಿಯನ್ನು ತಿಳಿಗೊಳಿಸುವ ಪ್ರಯತ್ನ ಮಾಡಿದ್ದಾರೆ. ರಮ್ಯಾ ರಘುಪತಿ ಮಾತ್ರ ಕೂಗಾಡುತ್ತಲೇ ಇದ್ದರು. ಪೊಲೀಸರು ಬಂದ ಬಳಿಕ ರೂಮ್‌ನಿಂದ ನರೇಶ್ ಮತ್ತು ಪವಿತ್ರಾ ಹೊರಬಂದರು. ಈ ವೇಳೆ ರಮ್ಯಾ ರಘುಪತಿ ಚಪ್ಪಲಿಯಿಂದ ಇಬ್ಬರ ಮೇಲೂ ಅಲ್ಲೆ ಮಾಡುವ ಪ್ರಯತ್ನ ಮಾಡಿದ್ದಾರೆ. ಅವರ ಜೊತೆಗೆ ಬಂದವರು ಕೂಡ ನರೇಶ್ ಮತ್ತು ಪವಿತ್ರಾ ವಿರುದ್ಧ ಘೋಷಣೆ ಕೂಗಿದ್ದಾರೆ. ಪೊಲೀಸರ ರಕ್ಷಣೆಯಲ್ಲಿ ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಹೋಟೆಲ್‌ನಿಂದ ನಿರ್ಗಮಿಸಿದ್ದಾರೆ.
ನರೇಶ್ ಕೂಲ್ ರಿಯಾಕ್ಷನ್‌
ಇಷ್ಟೆಲ್ಲ ನಡೆದರೂ ಕೂಡ ನಟ ನರೇಶ್ ಮಾತ್ರ ತುಂಬ ಕೂಲ್ ಆಗಿದ್ದರು. ವಿಕ್ಟರಿ ಸಿಂಬಲ್ ತೋರಿಸುತ್ತ, ನಗುಮುಖದಿಂದಲೇ ಹೋಟೆಲ್‌ನಿಂದ ಹೊರನಡೆದರು. ಜೊತೆಗೆ ಶಿಳ್ಳೆ ಹೊಡೆಯುವ ಪ್ರಯತ್ನ ಮಾಡಿದರು.
ನಗುತ್ತ ಹೋದರಲ್ಲ, ಅದೇ ನನ್ನ ಜಯ..
ನಂತರ ಮಾಧ್ಯಮಗಳ ಜೊತೆಗೆ ಮಾತನಾಡಿದ ರಮ್ಯಾ ರಘುಪತಿ, 'ಇವರು ಇಲ್ಲಿದ್ದಾರೆ ಎಂದು ನನಗೆ ರಾತ್ರಿ 12 ಗಂಟೆಗೆ ಗೊತ್ತಾಯಿತು. 1 ಗಂಟೆಗೆ ಬೆಂಗಳೂರಿನಿಂದ ಹೊರಟೆ. ಇಲ್ಲಿಗೆ ಬಂದು ಡಿಸ್ಟರ್ಬ್ ಮಾಡುವುದು ಬೇಡ ಎಂದು ಬೆಳಗ್ಗೆವರೆಗೂ ಕಾದಿದ್ದೇನೆ. ಬೆಸ್ಟ್ ಫ್ರೆಂಡ್ಸ್.. ಬೆಸ್ಟ್ ಫ್ರೆಂಡ್ಸ್.. ಎಂದುಕೊಂಡು ರಾತ್ರಿಯೆಲ್ಲ ಒಂದು ರೂಮ್‌ನಲ್ಲಿದ್ದಾರೆ. ಅವರು ನಗುತ್ತ ಹೋದರಲ್ಲ, ಅದೇ ನನ್ನ ಜಯ.. ಕೆಳಗೆ ಬಿದ್ರು ಮೀಸೆ ಮಣ್ಣಾಗಲಿಲ್ಲ ಅಂತಾರಲ್ಲ ಹಾಗೇ ಇವರು. ಕಳೆದ 10 ವರ್ಷದಿಂದ ಇದೇ ಕರ್ಮ ಆಗಿದೆ. ಬಿರುಕು ಹೊರಗಿನವರಿಂದಲೇ ಬರಬೇಕು. ನಮ್ಮ ಅತ್ತೆ (ವಿಜಯ ನಿರ್ಮಲಾ) ಇಲ್ಲದಿರುವಾಗ ನನಗೆ ವಿಚ್ಛೇದನ ನೋಟಿಸ್ ನೀಡಿದ್ದಾರೆ. ನನ್ನ ಮಗ ಅಳುತ್ತಿದ್ದಾನೆ. ನರೇಶ್‌ಗೆ ಮೂರು ಮಕ್ಕಳಿದ್ದಾರೆ. ಮೂರು ಮದುವೆಯಿಂದಲೂ ಒಂದೊಂದು ಮಗು ಆಗಿದೆ..' ಎಂದು ಹೇಳಿದ್ದಾರೆ.
ಮೈಸೂರಿನ ಖಾಸಗಿ ಹೋಟೆಲ್‌ವೊಂದರ ರೂಮ್‌ನಿಂದ ಪವಿತ್ರಾ ಲೋಕೇಶ್ ಮತ್ತು ನರೇಶ್ ಒಟ್ಟಿಗೆ ಹೊರಗೆ ಬಂದಿದ್ದಾರೆ. ಅದಕ್ಕೂ ಮುನ್ನ ರಮ್ಯಾ ರಘುಪತಿ ಹೋಟೆಲ್‌ಗೆ ಪ್ರವೇಶಿಸಿ, ಅವರಿಬ್ಬರು ಒಟ್ಟಿಗೆ ಇದ್ದರು ಎನ್ನಲಾದ ರೂಮ್‌ನ ಬಳಿ ಧರಣಿ ನಡೆಸಿದ್ದಾರೆ. ತುಂಬ ಸಮಯ ಬಾಗಿಲು ಬಡಿಯುತ್ತ ಹೊರಗಡೆ ಕಾದಿದ್ದಾರೆ. ರೂಮ್‌ ಮುಂದೆಯೇ ಪಟ್ಟು ಹಿಡಿದು ಕುಳಿತಿದ್ದರು. ಆದರೆ ರೂಮ್‌ ಬಾಗಿಲು ತೆರೆದಿರಲಿಲ್ಲ.
ಸ್ಥಳಕ್ಕೆ ಬಂದ ಪೊಲೀಸರು
ನಂತರ ಅಲ್ಲಿಗೆ ಪೊಲೀಸರು ಆಗಮಿಸಿ, ಪರಿಸ್ಥಿತಿಯನ್ನು ತಿಳಿಗೊಳಿಸುವ ಪ್ರಯತ್ನ ಮಾಡಿದ್ದಾರೆ. ರಮ್ಯಾ ರಘುಪತಿ ಮಾತ್ರ ಕೂಗಾಡುತ್ತಲೇ ಇದ್ದರು. ಪೊಲೀಸರು ಬಂದ ಬಳಿಕ ರೂಮ್‌ನಿಂದ ನರೇಶ್ ಮತ್ತು ಪವಿತ್ರಾ ಹೊರಬಂದರು. ಈ ವೇಳೆ ರಮ್ಯಾ ರಘುಪತಿ ಚಪ್ಪಲಿಯಿಂದ ಇಬ್ಬರ ಮೇಲೂ ಅಲ್ಲೆ ಮಾಡುವ ಪ್ರಯತ್ನ ಮಾಡಿದ್ದಾರೆ. ಅವರ ಜೊತೆಗೆ ಬಂದವರು ಕೂಡ ನರೇಶ್ ಮತ್ತು ಪವಿತ್ರಾ ವಿರುದ್ಧ ಘೋಷಣೆ ಕೂಗಿದ್ದಾರೆ. ಪೊಲೀಸರ ರಕ್ಷಣೆಯಲ್ಲಿ ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಹೋಟೆಲ್‌ನಿಂದ ನಿರ್ಗಮಿಸಿದ್ದಾರೆ.
ನರೇಶ್ ಕೂಲ್ ರಿಯಾಕ್ಷನ್‌
ಇಷ್ಟೆಲ್ಲ ನಡೆದರೂ ಕೂಡ ನಟ ನರೇಶ್ ಮಾತ್ರ ತುಂಬ ಕೂಲ್ ಆಗಿದ್ದರು. ವಿಕ್ಟರಿ ಸಿಂಬಲ್ ತೋರಿಸುತ್ತ, ನಗುಮುಖದಿಂದಲೇ ಹೋಟೆಲ್‌ನಿಂದ ಹೊರನಡೆದರು. ಜೊತೆಗೆ ಶಿಳ್ಳೆ ಹೊಡೆಯುವ ಪ್ರಯತ್ನ ಮಾಡಿದರು.
ನಗುತ್ತ ಹೋದರಲ್ಲ, ಅದೇ ನನ್ನ ಜಯ..
ನಂತರ ಮಾಧ್ಯಮಗಳ ಜೊತೆಗೆ ಮಾತನಾಡಿದ ರಮ್ಯಾ ರಘುಪತಿ, 'ಇವರು ಇಲ್ಲಿದ್ದಾರೆ ಎಂದು ನನಗೆ ರಾತ್ರಿ 12 ಗಂಟೆಗೆ ಗೊತ್ತಾಯಿತು. 1 ಗಂಟೆಗೆ ಬೆಂಗಳೂರಿನಿಂದ ಹೊರಟೆ. ಇಲ್ಲಿಗೆ ಬಂದು ಡಿಸ್ಟರ್ಬ್ ಮಾಡುವುದು ಬೇಡ ಎಂದು ಬೆಳಗ್ಗೆವರೆಗೂ ಕಾದಿದ್ದೇನೆ. ಬೆಸ್ಟ್ ಫ್ರೆಂಡ್ಸ್.. ಬೆಸ್ಟ್ ಫ್ರೆಂಡ್ಸ್.. ಎಂದುಕೊಂಡು ರಾತ್ರಿಯೆಲ್ಲ ಒಂದು ರೂಮ್‌ನಲ್ಲಿದ್ದಾರೆ. ಅವರು ನಗುತ್ತ ಹೋದರಲ್ಲ, ಅದೇ ನನ್ನ ಜಯ.. ಕೆಳಗೆ ಬಿದ್ರು ಮೀಸೆ ಮಣ್ಣಾಗಲಿಲ್ಲ ಅಂತಾರಲ್ಲ ಹಾಗೇ ಇವರು. ಕಳೆದ 10 ವರ್ಷದಿಂದ ಇದೇ ಕರ್ಮ ಆಗಿದೆ. ಬಿರುಕು ಹೊರಗಿನವರಿಂದಲೇ ಬರಬೇಕು. ನಮ್ಮ ಅತ್ತೆ (ವಿಜಯ ನಿರ್ಮಲಾ) ಇಲ್ಲದಿರುವಾಗ ನನಗೆ ವಿಚ್ಛೇದನ ನೋಟಿಸ್ ನೀಡಿದ್ದಾರೆ. ನನ್ನ ಮಗ ಅಳುತ್ತಿದ್ದಾನೆ. ನರೇಶ್‌ಗೆ ಮೂರು ಮಕ್ಕಳಿದ್ದಾರೆ. ಮೂರು ಮದುವೆಯಿಂದಲೂ ಒಂದೊಂದು ಮಗು ಆಗಿದೆ..' ಎಂದು ಹೇಳಿದ್ದಾರೆ.