ಅಬ್ಬಬ್ಬಾ! ಐದೇ ದಿನಕ್ಕೆ ವಿಜಯ್ ನಟನೆಯ 'ಬಿಗಿಲ್‌' ಚಿತ್ರ ಕರ್ನಾಟಕದಲ್ಲಿ ಗಳಿಸಿದ್ದೆಷ್ಟು ಗೊತ್ತಾ?

'ಇಳಯದಳಪತಿ' ವಿಜಯ್ ಅಭಿನಯದ 'ಬಿಗಿಲ್' ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ಸಿಕ್ಕಿದ್ದರೂ, ಕಲೆಕ್ಷನ್ ಮಾತ್ರ ಸಖತ್ ಆಗಿಯೇ ಇದೆ. ಅದಕ್ಕೆ ಸಾಕ್ಷಿಈ ಸಿನಿಮಾದ ಬಾಕ್ಸ್ ಆಫೀಸ್‌ ಗಳಿಕೆ! ಐದೇ ದಿನಕ್ಕೆ ವಿಶ್ವಾದ್ಯಂತ ಈ ಸಿನಿಮಾ 200 ಕೋಟಿ ರೂ. ಗಳಿಕೆ ಮಾಡಿದೆ! ಕರ್ನಾಟಕದಲ್ಲೂ 'ಬಿಗಿಲ್‌' ಹವಾ ಕಮ್ಮಿಯೇನಿಲ್ಲ. ಹಾಗಾದರೆ, ಕರುನಾಡಿನಿಂದ ವಿಜಯ್ ಸಿನಿಮಾಕ್ಕೆ ಸಿಕ್ಕಿರುವ ಗಳಿಕೆ ಎಷ್ಟು? ಇಲ್ಲಿದೆ ಮಾಹಿತಿ.

ನಟ ವಿಜಯ್‌ ಮನೆಗೆ ಬಾಂಬ್‌ ಬೆದರಿಕೆ! ಪೊಲೀಸರಿಂದ ತೀವ್ರ ಶೋಧ, ಬಿಗಿ ಬಂದೋಬಸ್ತ್!!

ಅಟ್ಲೀ ಕುಮಾರ್ ನಿರ್ದೇಶನದ ಈ ಸಿನಿಮಾಗೆ ಅಂದಾಜು 180 ಕೋಟಿ ರೂ. ಬಜೆಟ್‌ ಎನ್ನಲಾಗಿದೆ. ಇದೀಗ ಸಿನಿಮಾ ಐದೇ ದಿನಕ್ಕೆ 202 ಕೋಟಿ ರೂ. ಗಳಿಸಿದೆ. ಕರ್ನಾಟಕದಲ್ಲಿ ಸುಮಾರು 300ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ತೆರೆಕಂಡಿತ್ತು. ಜತೆಗೆ ತೆರೆಕಂಡ ಮೊದಲೇ ದಿನವೇ ಬೆಂಗಳೂರಿನಲ್ಲಿ 500 ಶೋಗಳು ಆಗಿದ್ದವು. ಇದೀಗ ಆ ಸಿನಿಮಾಗೆ ಕರ್ನಾಟಕದಿಂದ ಸಿಕ್ಕಿರುವುದು ಬರೋಬ್ಬರಿ 14.25 ಕೋಟಿ ರೂ.!

ಅಂದಹಾಗೆ, ಈ ಸಿನಿಮಾ 'ವಿಜಿಲ್‌' ಹೆಸರಿನಲ್ಲಿ ತೆಲುಗಿಗೆ ಡಬ್ ಆಗಿತ್ತು. ಅಲ್ಲಿಂದ ಸಿಕ್ಕಿರುವುದು 14.40 ಕೋಟಿ ರೂ.ಗಳು. ಇನ್ನು, ತಮಿಳುನಾಡಿನಿಂದ 90 ಕೋಟಿ ರೂ. ಹರಿದುಬಂದರೆ, ಕೇರಳದಿಂದ 13.50 ಕೋಟಿ ರೂ. ಸಿಕ್ಕಿದೆ. ಉತ್ತರ ಭಾರತದಿಂದ ಕೇವಲ 3.50 ಕೋಟಿ ರೂ. ನಿರ್ಮಾಪಕರ ಕೈಸೇರಿದೆ. 'ಬಿಗಿಲ್‌'ಗೆ ವಿದೇಶದಲ್ಲಿ ಸಿಕ್ಕಾಪಟ್ಟೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದ್ದು, 65.95 ಕೋಟಿ ರೂ. ಗಳಿಕೆ ಆಗಿದೆ.

ಸಿನಿಮಾ ಪ್ರದರ್ಶಿಸಲ್ಲ ಎಂದಿದ್ದಕ್ಕೆ ಬೆಂಕಿನೇ ಹಚ್ಚೋದಾ? ವಿಜಯ್ ಅಭಿಮಾನಿಗಳ ವರ್ತನೆಗೆ ಖಂಡನೆ!!

ಕ್ರೀಡೆಯನ್ನು ಪ್ರಧಾನವಾಗಿಟ್ಟುಕೊಂಡು ಮಾಡಿರುವ ಸಿನಿಮಾ ಇದಾಗಿದ್ದು, ವಿಜಯ್‌ಗೆ ದ್ವಿಪಾತ್ರವಿದೆ. ತಂದೆ-ಮಗನಾಗಿ ಅವರ ಅಭಿನಯಕ್ಕೆ ಫುಲ್ ಮಾರ್ಕ್ಸ್ ಸಿಕ್ಕಿದೆ. 'ಥೆರಿ', 'ಮೆರ್ಸಲ್' ನಂತರ ವಿಜಯ್‌ಗೆ ಅಟ್ಲೀಕುಮಾರ್‌ ನಿರ್ದೇಶನ ಮಾಡಿರುವ ಮೂರನೇ ಸಿನಿಮಾ ಇದಾಗಿದೆ. ಚಿತ್ರದಲ್ಲಿ ನಾಯಕಿಯಾಗಿ ನಯನತಾರಾ, ಕದಿರ್, ಜಾಕಿಶ್ರಾಫ್‌, ವಿವೇಕ್‌, ಯೋಗಿ ಬಾಬು ಮುಂತಾದವರು ನಟಿಸಿದ್ದಾರೆ.