ನಟಿ ಅಮಲಾ ಪೌಲ್‌ ಮನದಲ್ಲಿರುವ ಈ ನೋವಿನ ಕಥೆ ಬಗ್ಗೆ ಬಹುತೇಕ ಅಭಿಮಾನಿಗಳಿಗೆ ಗೊತ್ತಿಲ್ಲ!

ಇತ್ತೀಚಿನ ದಿನಗಳಲ್ಲಿ ನಟಿ ಅಮಲಾ ಪೌಲ್‌ ಸುದ್ದಿಯಾಗಿದ್ದೇ ಬೇರೆ ವಿಚಾರಗಳಿಗೆ. 'ಆಡೈ' ಸಿನಿಮಾ ಸಂದರ್ಭದಲ್ಲಿ ಅವರ ನಗ್ನ ಪೋಸ್ಟರ್‌ ಬಗ್ಗೆ ಸಾಕಷ್ಟು ಚರ್ಚೆ ಆಯಿತು. ನಂತರ ಅವರ ಮದುವೆ ಮತ್ತು ವಿಚ್ಛೇದನದ ಬಗ್ಗೆ ಅನೇಕ ಗಾಸಿಪ್‌ಗಳು ಹರಿದಾಡಿದವು. ಕೆಲವೇ ದಿನಗಳ ಹಿಂದೆ ಅವರು ಮರು ಮದುವೆ ಆಗಿದ್ದಾರೆ ಎಂಬಂತಹ ಫೋಟೋಶೂಟ್‌ ಕೂಡ ವೈರಲ್‌ ಆಯಿತು. ಇದೆಲ್ಲದರ ನಡುವೆ ಅಮಲಾ ಮನದಲ್ಲಿ ದೊಡ್ಡ ನೋವು ಕಾಡುತ್ತಿದೆ ಎಂಬುದು ಅಭಿಮಾನಿಗಳಿಗೆ ತಿಳಿದಿಲ್ಲ.

2020ರ ಆರಂಭದಲ್ಲಿ ಅಮಲಾ ಪೌಲ್‌ ಬದುಕಿನಲ್ಲಿ ಒಂದು ಆಘಾತ ಬಂದೆರಗಿತು. ಕ್ಯಾನ್ಸರ್‌ನಿಂದ ಬಳಲುತ್ತಿದ್ದ ಅವರ ತಂದೆ ಕೊಚ್ಚಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ ಚಿಕಿತ್ಸೆ ಫಲಕಾರಿ ಆಗಿದೆ ಅವರು ಜ.22ರಂದು ಕೊನೆಯುಸಿರೆಳೆದರು. ಆ ನೋವನ್ನು ತಮ್ಮ ಮನಸ್ಸಿನಲ್ಲೇ ಇಟ್ಟುಕೊಂಡು ಮರುಗಿದ ಅಮಲಾ ಪೌಲ್ ಇಷ್ಟು ದಿನಗಳ ಬಳಿಕ ಸೋಶಿಯಲ್‌ ಮೀಡಿಯಾದಲ್ಲಿ ಆ ಬಗ್ಗೆ ಹೇಳಿಕೊಂಡಿದ್ದಾರೆ.

ದೀರ್ಘವಾದ ಬರಹದ ಮೂಲಕ ತಮ್ಮ ನೋವನ್ನು ಅಮಲಾ ಹೇಳಿಕೊಂಡಿದ್ದಾರೆ. 'ತಂದೆ-ತಾಯಿಯನ್ನು ಕಳೆದುಕೊಂಡರೆ ಎಷ್ಟು ನೋವಾಗುತ್ತದೆ ಎಂಬುದನ್ನು ವಿವರಿಸಲು ಸಾಧ್ಯವಿಲ್ಲ. ಅಪರಿಚಿತವಾದ ಕತ್ತಲೆಯ ಕೂಪಕ್ಕೆ ನಿಮ್ಮ ಬದುಕು ತಳ್ಳಲ್ಪಡುತ್ತದೆ. ವಿಚಿತ್ರ ಅನುಭವಗಳು ನಿಮಗೆ ಆಗುತ್ತವೆ. ಕ್ಯಾನ್ಸರ್‌ನಿಂದ ಅಪ್ಪನನ್ನು ಕಳೆದುಕೊಂಡ ಬಳಿಕ ನನ್ನ ಬದುಕಿನ ದಿಕ್ಕು ಬದಲಾಯಿತು. ಅನೇಕ ವಿಚಾರಗಳು ಅರ್ಥ ಆದವು' ಎಂದು ಅಮಲಾ ವಿವರಿಸಿದ್ದಾರೆ.

'ಹೆಬ್ಬುಲಿ' ಹೀರೋಯಿನ್ ಅಮಲಾ ಪೌಲ್ ಮನೆಯಲ್ಲಿ ತೀವ್ರ ವಿಷಾದ

'ತಂದೆಯ ಸಾವಿನ ಬಳಿಕ ನನ್ನನ್ನೇ ನಾನು ಕಳೆದುಕೊಂಡೆ. ಅಮ್ಮ ಬಹುತೇಕ ಖಿನ್ನತೆಗೆ ಒಳಗಾಗಿದ್ದರು. ಈಗ ನಾವು ಮತ್ತೆ ಎದ್ದು ನಿಲ್ಲುತ್ತಿದ್ದೇವೆ. ಈ ಸಂದರ್ಭದಲ್ಲಿ ಬೆಂಬಲವಾಗಿ ಜೊತೆಗಿದ್ದ ಸಹೋದರನಿಗೆ ಧನ್ಯವಾದಗಳು' ಎಂದ ಅಮಲಾ ಬರೆದುಕೊಂಡಿದ್ದಾರೆ. ಈ ಕಥೆ ಕೇಳಿದ ಬಳಿಕ ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಗೆ ಧೈರ್ಯ ತುಂಬುವಂತಹ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ.

ಲಿಪ್-ಲಾಕ್ ಫೋಟೋ ಬಳಿಕ ನಟಿ ಅಮಲಾ ಪೌಲ್ ಕ್ವಾರಂಟೈನ್ ವಿಡಿಯೋ ವೈರಲ್
--------------------------------------
ಈ ಪ್ರಶ್ನೆಗೆ ಕಾಮೆಂಟ್‌ ಬಾಕ್ಸ್‌ನಲ್ಲಿ ಉತ್ತರಿಸಿ
1. ಕಿಚ್ಚ ಸುದೀಪ್‌ ಜೊತೆಗೆ ಅಮಲಾ ಪೌಲ್‌ ಅಭಿನಯಿಸಿದ ಸಿನಿಮಾ ಯಾವುದು?

ಅಮಲಾ ಪೌಲ್ ಬೆತ್ತಲೆ ದೃಶ್ಯಕ್ಕಾಗಿ ಇಪ್ಪತ್ತು ದಿನ ಶೂಟಿಂಗ್‌!