'ಲವ್ ಮಾಕ್ಟೇಲ್ 2' ಸಿನಿಮಾದ ನಾಯಕಿ ಹೆಸರು ಬಹಿರಂಗಪಡಿಸಿದ ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್!

ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್ ಅಭಿನಯದ 'ಲವ್ ಮಾಕ್ಟೇಲ್' ಸಿನಿಮಾ ಈಗಾಗಲೇ ಚಿತ್ರ ರಸಿಕರ ಮನಸ್ಸು ಗೆದ್ದಿದೆ. ಲಾಕ್‌ಡೌನ್ ನಂತರದಲ್ಲಿ ಈ ಸಿನಿಮಾ ಮತ್ತೆ ತೆರೆಗೆ ಬಂದಿದೆ. ಈ ನಡುವೆ 'ಲವ್ ಮಾಕ್ಟೇಲ್ 2' ಕೂಡ ತಯಾರಾಗುತ್ತಿದೆ. ಇದಕ್ಕೆ ನಾಯಕಿ ಯಾರಾಗಲಿದ್ದಾರೆ ಎಂಬ ಕುತೂಹಲ ಕೆಲವರಿಗೆ ಇತ್ತು. ಇದಕ್ಕೀಗ ತೆರೆ ಬಿದ್ದಿದೆ.

ಯಾರು ಈ ರಾಚೆಲ್ ಡೇವಿಡ್ ?
ರಾಚೆಲ್ ಡೇವಿಡ್ ಎಂಬುವವರನ್ನು ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನಾ ನಾಗರಾಜ್ ಫೈನಲ್ ಮಾಡಿದ್ದಾರೆ. ಈ ಬಗ್ಗೆ ಅವರು ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿದ್ದು. ಆಡಿಶನ್‌ಗೆ ಬಂದು ಸಹಕರಿಸಿದವರಿಗೆ ಧನ್ಯವಾದ ತಿಳಿಸಿದ್ದಾರೆ. ಮಿಲನಾ ಹಾಗೂ ಕೃಷ್ಣ ಸೋಶಿಯಲ್ ಮೀಡಿಯಾದಲ್ಲಿ ಈ ಸುದ್ದಿ ಹೇಳುತ್ತಿದ್ದಂತೆ ಅನೇಕರು ರಾಚೆಲ್‌ಗೆ ಶುಭಾಶಯಗಳು ಹರಿದು ಬಂದಿವೆ. ಅದಕ್ಕೆಲ್ಲ ರಾಚೆಲ್ ಧನ್ಯವಾದ ತಿಳಿಸಿದ್ದಾರೆ. ಮೂಲತಃ ಬೆಂಗಳೂರಿನ ಹುಡುಗಿ ರಾಚೆಲ್ ಡೇವಿಡ್ ಬಿಬಿಎಂ ಪದವೀಧರೆ. ಕಾಲೇಜಿನಲ್ಲಿದ್ದಾಗಲೇ ಮಾಡೆಲಿಂಗ್ ಜಗತ್ತಿಗೆ ಕಾಲಿಟ್ಟ ಇವರು ಈಗ 'ಲವ್ ಮಾಕ್ಟೇಲ್' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶ ಮಾಡುತ್ತಿದ್ದಾರೆ.

ರಾಚೆಲ್ ನಟಿಸಿದ ಸಿನಿಮಾಗಳು ಯಾವುವು?
ಮಲಯಾಳ ನಟ ಮೋಹನ್‌ ಲಾಲ್ ಪುತ್ರ ಪ್ರಣವ್ ಮೋಹನ್‌ ಲಾಲ್ ಅವರ 'ಇರುಪತಿಯೊನ್ನಮ್ ನೂಟ್ರಾಂಡು' ಸಿನಿಮಾದಲ್ಲಿ ನಟಿಸಿದ್ದ ರಾಚೆಲ್, 'ಒರೊನ್ನನರ ಪ್ರಣಯಕದಾ', 'ಕಬೀರಿಂದೆ ದಿವಸಂಗಳ್' ಸಿನಿಮಾದಲ್ಲಿಯೂ ಅಭಿನಯಿಸಿದ್ದರು. ಇದರ ಜೊತೆಗೆ ರಾಚೆಲ್ ಬಣ್ಣ ಹಚ್ಚಿರುವ 'ಕಾವಲ್' ಸಿನಿಮಾ ಇನ್ನೂ ರಿಲೀಸ್ ಆಗಬೇಕಿದೆ. ಇನ್ನು ಲವ್ ಮಾಕ್ಟೇಲ್ 2 ಸಿನಿಮಾಗೆ ಸುಷ್ಮಿತಾ ಎನ್ನುವವರು ಆಯ್ಕೆ ಆಗಿದ್ದಾರೆ. ಈ ಸಿನಿಮಾ ಕೆಲಸಗಳು ಭರ್ಜರಿಯಾಗಿ ನಡೆಯುತ್ತಿದೆ. ಆದಷ್ಟು ಬೇಗ ಈ ಸಿನಿಮಾ ರಿಲೀಸ್ ಮಾಡುವ ನಿರೀಕ್ಷೆಯಲ್ಲಿ ಈ ಚಿತ್ರತಂಡವಿದೆ.

Also Read-'ಲವ್ ಮಾಕ್ಟೇಲ್- 2' ಸಿನಿಮಾ ಬರೋದು ಒಂದೇ ಅಲ್ಲ, ಇನ್ನೊಂದು ಖುಷಿ ಸುದ್ದಿ ಕೊಟ್ಟ ಆದಿ, ನಿಧಿಮಾ!

'ಲವ್ ಮಾಕ್ಟೇಲ್ 2' ಕಾಯುತ್ತಿರುವ ಸಿನಿರಸಿಕರು!
'ಲವ್ ಮಾಕ್ಟೇಲ್ 2'ನಲ್ಲಿ ಮಿಲನಾ ನಾಗರಾಜ್ ಇರುತ್ತಾರಾ? ಇಲ್ಲವಾ? ಎಂಬ ಬಗ್ಗೆ ಇನ್ನೂ ಮಾಹಿತಿ ಹೊರಬಿದ್ದಿಲ್ಲ. ಇದು ಲವ್ ಮಾಕ್ಟೇಲ್ ಸಿನಿಮಾದ ಮುಂದುವರಿದ ಭಾಗವೇ? ಅಥವಾ ಬೇರೆಯದೇ ಕಥೆ ಇಟ್ಟುಕೊಂಡು ಸಿನಿಮಾ ಮಾಡುತ್ತಾರಾ ಎಂಬ ಚೆರ್ಚೆ ಶುರುವಾಗಿದೆ. ಆದರೆ ಈ ಚಿತ್ರದ ಫಸ್ಟ್‌ಲುಕ್ ಹೊರಬಿದ್ದಿದೆ. ಲವ್ ಮಾಕ್ಟೇಲ್ ಇಷ್ಟಪಟ್ಟವರು ಇದರ ಸೀಕ್ವೆಲ್ ನೋಡಲು ಕಾಯುತ್ತಿದ್ದಾರೆ. ರಘು ದೀಕ್ಷಿತ್ ಅವರು 'ಲವ್ ಮಾಕ್ಟೇಲ್ 2' ಚಿತ್ರದ ಕಥೆ ಕೇಳಿ ತುಂಬ ಚೆನ್ನಾಗಿದೆ ಎಂದು ಈ ಹಿಂದೆಯೇ ಹೇಳಿದ್ದರು.
Also read-'ಲವ್ ಮಾಕ್‌ಟೇಲ್‌ 2' ಬಗ್ಗೆ ಹೊರಬಿತ್ತು ಹೊಸ ಮಾಹಿತಿ! ನಟಿ ಮಿಲನಾ ನಾಗರಾಜ್ ಹೇಳಿದ್ದೇನು?