ಮಾರಮ್ಮನ್‌ ಡಿಸ್ಕೋದಲ್ಲಿ ಬಸಣ್ಣಿ ಖ್ಯಾತಿಯ ತಾನ್ಯ ಹೋಪ್

ಕನ್ನಡದ ರ‍್ಯಾಪರ್ ಅಲೋಕ್‌ ಬಾಬು ಈಗ ಮತ್ತೊಂದು ಸಾಹಸಕ್ಕೆ ಮುಂದಾಗಿದ್ದಾರೆ. ಹೊಸ ವರ್ಷಕ್ಕಾಗಿ ಅವರು ನೂತನ ಗೀತೆಯೊಂದನ್ನು ರೆಡಿ ಮಾಡಿದ್ದು ಅದಕ್ಕೆ 'ಎಂಡಿ' ಎಂದು ಹೆಸರಿಟ್ಟಿದ್ದಾರೆ. ಈ ಸಾಂಗ್‌ಗೆ 'ಬಸಣ್ಣಿ..' ಖ್ಯಾತಿಯ ತಾನ್ಯ ಹೋಪ್‌ ಹೆಜ್ಜೆ ಹಾಕಲಿದ್ದಾರೆ.

ಎಂಡಿ ಅಂದರೆ ಮಾರಮ್ಮನ್‌ ಡಿಸ್ಕೋ ಎನ್ನುತ್ತಾರೆ ಅಲೋಕ್‌. ಕನ್ನಡದಲ್ಲಿ ಮಾತ್ರವಲ್ಲ, ತಮಿಳು, ಹಿಂದಿ ಮತ್ತು ತೆಲುಗಿನಲ್ಲೂ ಈ ಹಾಡು ಮೂಡಿ ಬರಲಿದೆ. ಅಲೋಕ್‌ ಅವರೇ ಈ ಗೀತೆಯನ್ನು ಹಾಡಿದ್ದು, ಹಾಸ್ಯ ನಟ ಟೆನಿಸ್‌ ಕೃಷ್ಣ ಕೂಡ ಹಾಡಿನಲ್ಲಿ ಇದ್ದಾರಂತೆ.

ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಕನ್ನಡದ ಫೇಮಸ್ ರ‍್ಯಾಪರ್

ಇದೊಂದು ಪಾರ್ಟಿ ಸಾಂಗ್‌ ಆಗಿದ್ದು, ನ್ಯೂ ಇಯರ್‌ಗೆ ಹೇಳಿ ಮಾಡಿಸಿದ ಗೀತೆಯಾಗಿದೆ ಎಂದಿದ್ದಾರೆ ಅವರು. ಈಗಾಗಲೇ ಹಾಡಿನ ರಿಹರ್ಸಲ್‌ನಲ್ಲಿ ತಾನ್ಯ ಬಿಝಿ ಆಗಿದ್ದಾರೆ. ರೆಟ್ರೋ ಸ್ಟೈಲ್‌ನಲ್ಲಿ ಈ ಗೀತೆ ಇರಲಿದ್ದು, ಅದಕ್ಕಾಗಿ ವಿಶೇಷ ಕಾಸ್ಟ್ಯೂಮ್‌ ಕೂಡ ರೆಡಿ ಆಗುತ್ತಿದೆ.

ಇನ್ನು ಅಲೋಕ್ ಬಾಬು ವಿಚಾರಕ್ಕೆ ಬಂದರೆ ಈಗಾಗಲೆ ಅವರು ಹಲವಾರು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಮಂದಹಾಸ, ಗಜಕೇಸರಿ, ಪಟಾಕಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ತೆಲುಗು, ತಮಿಳು ಸಿನಿಮಾಗಳಲ್ಲೂ ನಟಿಸಿದ್ದಾರೆ.

ಗ್ಲಾಮರ್‌ ಜತೆಗೆ ಟ್ರೆಂಡಿ ಪಾತ್ರಗಳೂ ಇರಲಿ ಎಂದ ತಾನ್ಯಾ

ಈ ಹಿಂದೆ ತಿಥಿ ಖ್ಯಾತಿಯ ಗಡ್ಡಪ್ಪ ಜೊತೆಗೆ ಕೆಎ 01 ಹೆಸರಿನಲ್ಲಿ ಆಲ್ಬಂ ಮಾಡಿದ್ದರು. "ನಟಿಸುವುದರ ಜತೆಗೆ ಸಂಗೀತದಲ್ಲೂ ನಾನು ಕೆಲಸ ಮಾಡಿದ್ದೆ. ತಿಥಿ ಚಿತ್ರ ನೋಡಿದ ನಂತರ ಅವರ ತಾರಾಗಣದಲ್ಲಿ ಆಲ್ಬಂ ಮಾಡಬೇಕೆಂಬ ಯೋಚನೆ ಬಂತು. ಅಲ್ಲದೇ ಕನ್ನಡದಲ್ಲೂ ಈಗ ಆಲ್ಬಂ ಸಾಂಗ್‍ಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಇದೆಲ್ಲವನ್ನೂ ಗಮನಿಸಿ ಆಡಿಯೋ ಮತ್ತು ವೀಡಿಯೋ ಆಲ್ಬಂ ಹೊರತಂದಿದ್ದೇವೆ' ಅಂತಾರೆ ಅಲೋಕ್ ಬಾಬು.