50 ನೇ ವರ್ಷಕ್ಕೆ ನಟಿ ನೀನಾ ಗುಪ್ತಾ ಮದುವೆಯಾಗ್ತೀನಿ ಎಂದಾಗ ಮಗಳು ಮಸಬಾ ಏನು ಹೇಳಿದಳು?

ಎಲ್ಲ ಕಾಲಕ್ಕೂ ಸ್ಫೂರ್ತಿ ನೀಡುವ ನಟಿ ನೀನಾ ಗುಪ್ತ ವೈಯಕ್ತಿಕ ವಿಚಾರಕ್ಕೆ ಸುದ್ದಿಯಾಗುತ್ತಿರುತ್ತಾರೆ. ಅವರ ಖಾಸಗಿ ಜೀವನದಲ್ಲಿ ಸೋಲು-ಗೆಲುವು ಇದ್ದೇ ಇದೆ. 50ನೇ ವರ್ಷಕ್ಕೆ ನೀನಾ ಮದುವೆಯಾಗಿದ್ದಾರೆ. ಇದಕ್ಕೆ ಕಾರಣವೇನು? ಈ ನಿರ್ಧಾರಕ್ಕೆ ಅವರ ಮಗಳು ಏನು ಹೇಳಿದ್ದಾರೆ? ಇಲ್ಲಿದೆ ಮಾಹಿತಿ

ನೀನಾ ಗುಪ್ತಾ ಅಫೇರ್, ಮದುವೆ ಒಂದೆರಡಲ್ಲ!
ನಟ ಅಲೋಕ್‌ ನಾಥ್ ಜೊತೆಗೆ ಅಫೇರ್ ಹೊಂದಿದ್ದ ನೀನಾ ಅವರು ಶಾರಂಗ್‌ದೇವ್ ಜೊತೆಗೆ ಮದುವೆಯಾಗಿದ್ದರು. ಇದು ಕೂಡ ಜಾಸ್ತಿ ದಿನ ಉಳಿಯಲಿಲ್ಲ. ಆಮೇಲೆ ಮದುವೆಯಾಗಿದ್ದ ಕ್ರಿಕೆಟರ್ ವಿವಿಯನ್ ರಿಚಾರ್ಡ್ಸ್ ಜೊತೆಗೆ ನೀನಾ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಇವರಿಬ್ಬರೂ ಒಟ್ಟಾರೆಯಾಗಿ ಬದುಕಲು ಸಾಧ್ಯವಿಲ್ಲ ಎಂದು ಗೊತ್ತಿದ್ದರೂ ಕೂಡ ಮಗಳು ಮಸಬಾ ಗುಪ್ತಾಗೆ ನೀನಾ ಜನ್ಮ ನೀಡಿದ್ದರು.

50ನೇ ವರ್ಷಕ್ಕೆ ಮದುವೆಯಾದ ನೀನಾ ಗುಪ್ತ
2008ರಲ್ಲಿ ನೀನಾ ಸಿಎ ಮಾಡಿದ್ದ ದೆಹಲಿ ಮೂಲಕ ವಿವೇಕ್ ಮೆಹ್ರಾರನ್ನು ವರಿಸಿದ್ದರು. ಆಮೇಲೆ ನೀನಾ ಅವರ ಸುಂದರವಾದ ವೈವಾಹಿಕ ಬದುಕು ಆರಂಭವಾಯಿತು. '50ನೇ ವರ್ಷಕ್ಕೆ ಮದುವೆಯಾದ ಕಾರಣವನ್ನು ನೀನಾ ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ. 10 ವರ್ಷಗಳಿಂದ ನಾನು ಮತ್ತು ವಿವೇಕ್ ಪ್ರೀತಿಸುತ್ತಿದ್ದೆವು. ನಾನು ಇದನ್ನು ಮಗಳಿಗೆ ಹೇಳಿರಲಿಲ್ಲ. ಮುಂಬೈ ಮನೆಗೆ ವಿವೇಕ್ ಬರುತ್ತಿದ್ದರು. ಇದಕ್ಕೆ ಕಾರಣ ಏನು ಎಂದು ಮಸಬಾ ತಿಳಿದುಕೊಳ್ಳಲು ಬಯಸುತ್ತಿದ್ದಳು. ಮದುವೆಯಾಗದಿದ್ದರೆ ಸಮಾಜ ಬೆಲೆ ಕೊಡುವುದಿಲ್ಲ ಎಂದು ನಾನು ಅವಳಿಗೆ ಹೇಳಿದೆ' ಎಂದು ನೀನಾ ಗುಪ್ತಾ ಮಾಹಿತಿ ಹಂಚಿಕೊಂಡಿದ್ದಾರೆ.

Also Read-ಮದುವೆಯಾದ ಗಂಡಸಿನ ಸಹವಾಸ ಮಾಡಬೇಡಿ! ಅಭಿಮಾನಿಗಳಿಗೆ ಬಾಲಿವುಡ್‌ ನಟಿ ಬುದ್ಧಿಮಾತು

ಮಗಳ ವಿಚ್ಛೇದನ ಬಗ್ಗೆ ನೀನಾ ಗುಪ್ತ ಮಾತು!
'ಮಸಬಾ ನನ್ನನ್ನು ಅರ್ಥಮಾಡಿಕೊಂಡಳು. ಇಷ್ಟವಿರಲೀ, ಇಷ್ಟವಿರದೇ ಇರಲಿ, ತಾಯಿಯ ಖುಷಿಯಾಗಿ ಏನು ಬೇಕಾದರೂ ಮಾಡಲು ರೆಡಿಯಿರುವ ವಿಭಾಗಕ್ಕೆ ಸೇರಿದ ಮಗಳು ಮಸಬಾ. ಹೀಗಾಗಿ ನನಗೆ ಚಿಂತೆಯಾಗಲಿಲ್ಲ. ಆದರೆ ಈ ವಿಚಾರ ಹೇಳಲು ನನಗೆ ಸ್ವಲ್ಪ ಮುಜುಗರವಾಯಿತು. ನನ್ನ ಮಗಳ ಮದುವೆ ಮುರಿದು ಬಿದ್ದದ್ದು ನನಗೆ ಬೇಸರ ತಂದಿತು. ಆದರೆ ನಾವು ಮುಂದುವರಿಯುತ್ತಿರಬೇಕು. ಮಹಿಳೆಯರು ಸಂಪಾದನೆ ಮಾಡಲು ಆರಂಭಿಸಿದಾಗ ಮದುವೆ ಮುರಿಯುತ್ತದೆ' ಎಂದು ನೀನಾ ಗುಪ್ತಾ ಹೇಳಿದ್ದಾರೆ.