ಲಾಕ್‍‍ಡೌನ್ ಕೊನೆ ದಿನ ಅಭಿಮಾನಿಗಳ ಮುಂದೆ 'ಡಾಲಿ' ಧನಂಜಯ್ ಪ್ರತ್ಯಕ್ಷ

ನಟ ಡಾಲಿ ಧನಂಜಯ್ ಈ ವರ್ಷ ಹೆಚ್ಚು ಸದ್ದು ಮಾಡಿದಂತಹ ನಟ. ದುನಿಯಾ ಸೂರಿ ನಿರ್ದೇಶನದಲ್ಲಿ ಬಂದಂತಹ 'ಪಾಪ್ ಕಾರ್ನ್ ಮಂಕಿ ಟೈಗರ್' ಸಿನಿಮಾದಲ್ಲಿನ ಅಭಿನಯಕ್ಕೆ ಸಾಮಾಜಿಕ ಮಾಧ್ಯಮಗಳಲ್ಲಿ ಮೆಚ್ಚುಗೆಯ ಮಹಾಪೂರವೇ ಹರಿದುಬಂದಿತ್ತು. ಈ ಸಿನಿಮಾ ಮೂಲಕ ಧನಂಜಯ್ ಇನ್ನಷ್ಟು ಎತ್ತರಕ್ಕೆ ಏರಿದ್ದಾರೆ.

ಇದೀಗ ಲಾಕ್‍ಡೌನ್ ಹಿನ್ನೆಲೆಯಲ್ಲಿ ಎಲ್ಲರೂ ಮನೆಗೆ ಸೀಮಿತವಾಗಿದ್ದಾರೆ. ಇದೇ ಏಪ್ರಿಲ್ 14ಕ್ಕೆ 21 ದಿನಗಳ ಲಾಕ್‍ಡೌನ್ ಕೊನೆಗೊಳ್ಳುತ್ತಿದೆ. ಮತ್ತೆ ಮುಂದುವರೆಯುವ ಸೂಚನೆಯೂ ಸಿಕ್ಕಿದೆ. ಇದೇ ಸಂದರ್ಭದಲ್ಲಿ ಡಾಲಿ ಧನಂಜಯ್ ಅಭಿಮಾನಿಗಳ ಮುಂದೆ ಬರುತ್ತಿದ್ದಾರೆ.

ಲಾಕ್‍ಡೌನ್ ಆದ ಈ ಸಂದರ್ಭದಲ್ಲಿ ಮನೆಯಲ್ಲೇ ಕುಳಿತು ಬೇಸರವಾಗಿದ್ದರೆ ನಟ ಧನಂಜಯ್ ಜೊತೆ ಮಾತಾಡಿ ಒಂದಷ್ಟು ರಿಫ್ರೆಶ್ ಆಗುವ ಸದಾವಕಾಶ ಇಲ್ಲಿದೆ. ಇದಕ್ಕೆ ನೀವು ಮಾಡಬೇಕಾದದ್ದು ಇಷ್ಟೇ!

'ಸೂರ್ಯಕಾಂತಿ' ಹಿಂದೆ ಬಿದ್ದಿದ್ದೇಕೆ ಡಾಲಿ ಧನಂಜಯ?


ಇದೇ ಮಂಗಳವಾರ (ಏಪ್ರಿಲ್ 14) ಸಂಜೆ 5.30ಕ್ಕೆ ಕನ್ನಡ ಚಿತ್ರರಂಗದಲ್ಲಿ ಡಾಲಿ ಎಂದೇ ಗುರುತಿಸಿಕೊಂಡಿರುವ ವಿಶಿಷ್ಟ ನಟ ಧನಂಜಯ ವಿಜಯ ಕರ್ನಾಟಕ ಫೇಸ್‌ಬುಕ್ ಲೈವ್‍ನಲ್ಲಿ ಬರಲಿದ್ದಾರೆ. ನೀವೂ ಈ ಸಂದರ್ಭದಲ್ಲಿ ಅವರ ಜೊತೆ ಸಂಭಾಷಿಸಬಹುದು. ಪ್ರಶ್ನೆಗಳನ್ನು ಕೇಳಬಹುದು. ಸಂಜೆಯ ಕಾಫಿಯನ್ನು ಹೀರುತ್ತಾ ಅನುಪಮ ಸಮಯ ನಿಮ್ಮದಾಗಿಸಿಕೊಳ್ಳಿ.

ಜೈರಾಜ್‌ ಪಾತ್ರಕ್ಕಾಗಿ ಬಾಡಿ ಬಿಲ್ಡ್‌ ಮಾಡುತ್ತಿರುವ ಧನಂಜಯ್‌