ನಟ 'ಡಾಲಿ' ಧನಂಜಯ ಅವರ ಕರಿಯರ್‌ಗೆ 'ಹೊಯ್ಸಳ' ಸಿನಿಮಾ ಬಹಳ ಮಹತ್ವವಾದದ್ದು. ಕಾರಣ, ಇದು ಅವರ 25ನೇ ಸಿನಿಮಾ. ಮಾರ್ಚ್ 30ರಂದು 'ಹೊಯ್ಸಳ' ಸಿನಿಮಾವನ್ನು ತೆರೆಗೆ ತರುವುದಕ್ಕೆ ಕೆಆರ್‌ಜಿ ಸ್ಟುಡಿಯೋಸ್ ಸಂಸ್ಥೆ ರೆಡಿ ಆಗಿದೆ. ಆದರೆ ಬಿಡುಗಡೆಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಇರುವಾಗ 'ಹೊಯ್ಸಳ' ಟೈಟಲ್‌ನಲ್ಲಿ ಬದಲಾವಣೆ ಆಗಿದೆ. ಆ ಕುರಿತು ನಟ 'ಡಾಲಿ' ಧನಂಜಯ ಅವರು ಮಾತನಾಡಿದ್ದು, ಶೀರ್ಷಿಕೆ ಬದಲಾವಣೆ ಕುರಿತು ಮಾತನಾಡಿದ್ದಾರೆ.'ಗುರುದೇವ ಹೊಯ್ಸಳ' ಹೊಸ ಶೀರ್ಷಿಕೆ?
ಈ ಸಿನಿಮಾದಲ್ಲಿ ಧನಂಜಯ ಅವರು ಗುರುದೇವ ಹೊಯ್ಸಳ ಎಂಬ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿದ್ದಾರೆ. 'ನಾವು ನಮ್ಮ ಸಿನಿಮಾದ ಶೀರ್ಷಿಕೆಯನ್ನು ರಾಮು ಫಿಲ್ಮ್ಸ್ ಜೊತೆ ಮಾತನಾಡಿ ಪಡೆದುಕೊಂಡಿದ್ದೆವು. 'ಹೊಯ್ಸಳ' ಶೀರ್ಷಿಕೆ ಅವರ ಬಳಿ ಇತ್ತು. ಆದರೆ ಈಗ ಇದೇ ಹೆಸರಿನಲ್ಲಿ ಮತ್ತೊಂದು ಸಿನಿಮಾ ಸೆನ್ಸಾರ್ ಆಗಿದೆಯಂತೆ. ಹಾಗಾಗಿ, ಈ ಸಿನಿಮಾದಲ್ಲಿ ನಾನು ನಟಿಸಿದರುವ 'ಗುರುದತ್ ಹೊಯ್ಸಳ' ಪಾತ್ರದ ಹೆಸರನ್ನೇ ಶೀರ್ಷಿಕೆ ಮಾಡಿ, ಅದೇ ಹೆಸರಿನಲ್ಲಿ ಸಿನಿಮಾ ಬಿಡುಗಡೆ ಮಾಡಲು ಸಿದ್ದರಾಗಿದ್ದೇವೆ..' ಎಂದು ಧನಂಜಯ ಹೇಳಿದ್ದಾರೆ.
'ಕೆಆರ್‌ಜಿ ಸ್ಟುಡಿಯೋಸ್ ಜೊತೆ 'ರತ್ನನ್ ಪ್ರಪಂಚ' ಸಿನಿಮಾ ಮಾಡಿದ ಮೇಲೆ ಒಂದು ಕನೆಕ್ಷನ್ ಶುರುವಾಯಿತು. ಆನಂತರ ಒಂದಷ್ಟು ಸಿನಿಮಾ ಮಾಡುವ ಪ್ಲ್ಯಾನ್ ಮಾಡಿಕೊಂಡೆವು. ಆಗ ಈ ಚಿತ್ರದ ಕಥೆ ಬಂತು. 'ಹೊಯ್ಸಳ' ಕಥೆ ಕೇಳಿದ ಮೇಲೆ ತುಂಬಾ ಇಷ್ಟವಾಯಿತು. ಆಗ ನಮಗೆ ಗೊತ್ತಾದ ಇನ್ನೊಂದು ವಿಚಾರವೆಂದರೆ, ಇದು ನನ್ನ ನಟನೆಯ 25ನೇ ಸಿನಿಮಾ ಎಂಬುದು. ಸಮಾಜಕ್ಕೆ ಎನಾದರೂ ಸಂದೇಶ ನೀಡಬೇಕು ಎಂಬ ಆಸೆ ನನಗೆ ಮೊದಲಿನಿಂದಲೂ ಇತ್ತು. ಜೊತೆಗೆ ಇಡೀ ಫ್ಯಾಮಿಲಿ ಒಟ್ಟಿಗೆ ಕುಳಿತು ನೋಡಬಹುದಾದ ಒಂದು ಕಥೆ 'ಹೊಯ್ಸಳ'ದಲ್ಲಿದೆ. ಸಮಾಜದ ಒಂದು ಗಂಭೀರ ವಿಚಾರವನ್ನ ಈ ಸಿನಿಮಾದ ಮೂಲಕ ಹೇಳುವ ಪ್ರಯತ್ನ ಮಾಡಿದ್ದೇವೆ. ಒಳ್ಳೆಯ ಸಂದೇಶ ಇರುವ ಕಮರ್ಷಿಯಲ್ ಸಿನಿಮಾ ಇದು, ನಾನು ಈ ಚಿತ್ರಕ್ಕಾಗಿ ಕಾಯ್ತಾ ಇದ್ದೇನೆ. ಈ ಸಿನಿಮಾ ತುಂಬಾ ವಿಷಯಗಳ ಬಗ್ಗೆ ಮಾತಾಡುತ್ತದೆ..' ಎಂದು ಧನಂಜಯ ಹೇಳಿದ್ದಾರೆ.
ಹೊಯ್ಸಳದಲ್ಲಿ ವಿಲನ್ ಆದ ನವೀನ್ ಶಂಕರ್
'ಗುಳ್ಟು', 'ಹೊಂದಿಸಿ ಬರೆಯಿರಿ' ಸಿನಿಮಾಗಳ ನಟ ನವೀನ್ ಶಂಕರ್ ಅವರು 'ಹೊಯ್ಸಳ' ಸಿನಿಮಾದಲ್ಲಿ ವಿಲನ್ ಆಗಿದ್ದಾರೆ. 'ನನಗೆ ಈ ಸಿನಿಮಾದ ಅವಕಾಶ ಸಿಕ್ಕಿದ್ದು ತುಂಬ ಖುಷಿ ನೀಡಿದೆ. ನಾನಿಲ್ಲಿ ಬಲಿ ಅನ್ನೋ ಪಾತ್ರ ಮಾಡಿದ್ದು, ರಗಡ್ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಧನಂಜಯ ಅವರು ಈ ಹಿಂದೆ 'ಹೆಡ್ ಬುಷ್' ಚಿತ್ರದಲ್ಲಿ ನಟಿಸುವಂತೆ ಆಫರ್ ನೀಡಿದ್ದರು. ಆಗ ಅದು ಸಾಧ್ಯವಾಗಿರಲಿಲ್ಲ. ಹೊಯ್ಸಳದಲ್ಲಿ ಧನಂಜಯ ಜೊತೆ ಕೆಲಸ ಮಾಡಿದ್ದು ಖುಷಿ ನೀಡಿದೆ. ಇದೊಂದು ಅಪ್ಪಟ ಕಮರ್ಷಿಯಲ್ ಸಿನಿಮಾ. ಇಲ್ಲಿನ ಎಲ್ಲ ಪಾತ್ರಗಳಿಗೂ ತುಂಬ ಮಹತ್ವ ಇದೆ..' ಎಂದು ಹೇಳುತ್ತಾರೆ.
ನಟಿ ಅಮೃತಾ ಅಯ್ಯಂಗಾರ್ ಅವರು ಧನಂಜಯ ಎದುರು ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಂದಹಾಗೆ, ಇದು ಧನು ಜೊತೆ ಅಮೃತಾ ನಟಿಸುತ್ತಿರುವ ಮೂರನೇ ಸಿನಿಮಾ. ಅವರಿಗಿಲ್ಲಿ ಪೊಲೀಸ್ ಅಧಿಕಾರಿ ಪತ್ನಿಯ ಪಾತ್ರ. ದಾದಾ ಎಂಬ ವಿಲನ್ ಪಾತ್ರದಲ್ಲಿ ಹಿರಿಯ ನಟ ಅವಿನಾಶ್ ಕಾಣಿಸಿಕೊಂಡಿದ್ದಾರೆ. ಇಡೀ ಸಿನಿಮಾದ ಕಥೆ ಬೆಳಗಾವಿ ಭಾಗದಲ್ಲಿ ನಡೆಯುತ್ತದೆ. ವಿಜಯ್ ಎನ್. ಅವರು ನಿರ್ದೇಶನ ಮಾಡಿದ್ದು, ಕೆಆರ್‌ಜಿ ಸ್ಟುಡಿಯೋಸ್ ಬ್ಯಾನರ್ ಮೂಲಕ ಯೋಗಿ ಜಿ. ರಾಜ್ ಮತ್ತು ಕಾರ್ತಿಕ್ ಗೌಡ ಈ ಸಿನಿಮಾಗೆ ಹಣ ಹಾಕಿದ್ದಾರೆ. ಹಾಡುಗಳಿಗೆ ಅಜನೀಶ್ ಸಂಗೀತ ನೀಡಿದ್ದಾರೆ. ಅತೀ ಶೀಘ್ರದಲ್ಲೇ ಈ ಸಿನಿಮಾದ ಟ್ರೇಲರ್ ರಿಲೀಸ್ ಆಗಲಿದೆ.
'ಗುರುದೇವ ಹೊಯ್ಸಳ' ಹೊಸ ಶೀರ್ಷಿಕೆ?
ಈ ಸಿನಿಮಾದಲ್ಲಿ ಧನಂಜಯ ಅವರು ಗುರುದೇವ ಹೊಯ್ಸಳ ಎಂಬ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿದ್ದಾರೆ. 'ನಾವು ನಮ್ಮ ಸಿನಿಮಾದ ಶೀರ್ಷಿಕೆಯನ್ನು ರಾಮು ಫಿಲ್ಮ್ಸ್ ಜೊತೆ ಮಾತನಾಡಿ ಪಡೆದುಕೊಂಡಿದ್ದೆವು. 'ಹೊಯ್ಸಳ' ಶೀರ್ಷಿಕೆ ಅವರ ಬಳಿ ಇತ್ತು. ಆದರೆ ಈಗ ಇದೇ ಹೆಸರಿನಲ್ಲಿ ಮತ್ತೊಂದು ಸಿನಿಮಾ ಸೆನ್ಸಾರ್ ಆಗಿದೆಯಂತೆ. ಹಾಗಾಗಿ, ಈ ಸಿನಿಮಾದಲ್ಲಿ ನಾನು ನಟಿಸಿದರುವ 'ಗುರುದತ್ ಹೊಯ್ಸಳ' ಪಾತ್ರದ ಹೆಸರನ್ನೇ ಶೀರ್ಷಿಕೆ ಮಾಡಿ, ಅದೇ ಹೆಸರಿನಲ್ಲಿ ಸಿನಿಮಾ ಬಿಡುಗಡೆ ಮಾಡಲು ಸಿದ್ದರಾಗಿದ್ದೇವೆ..' ಎಂದು ಧನಂಜಯ ಹೇಳಿದ್ದಾರೆ.'ಕೆಆರ್‌ಜಿ ಸ್ಟುಡಿಯೋಸ್ ಜೊತೆ 'ರತ್ನನ್ ಪ್ರಪಂಚ' ಸಿನಿಮಾ ಮಾಡಿದ ಮೇಲೆ ಒಂದು ಕನೆಕ್ಷನ್ ಶುರುವಾಯಿತು. ಆನಂತರ ಒಂದಷ್ಟು ಸಿನಿಮಾ ಮಾಡುವ ಪ್ಲ್ಯಾನ್ ಮಾಡಿಕೊಂಡೆವು. ಆಗ ಈ ಚಿತ್ರದ ಕಥೆ ಬಂತು. 'ಹೊಯ್ಸಳ' ಕಥೆ ಕೇಳಿದ ಮೇಲೆ ತುಂಬಾ ಇಷ್ಟವಾಯಿತು. ಆಗ ನಮಗೆ ಗೊತ್ತಾದ ಇನ್ನೊಂದು ವಿಚಾರವೆಂದರೆ, ಇದು ನನ್ನ ನಟನೆಯ 25ನೇ ಸಿನಿಮಾ ಎಂಬುದು. ಸಮಾಜಕ್ಕೆ ಎನಾದರೂ ಸಂದೇಶ ನೀಡಬೇಕು ಎಂಬ ಆಸೆ ನನಗೆ ಮೊದಲಿನಿಂದಲೂ ಇತ್ತು. ಜೊತೆಗೆ ಇಡೀ ಫ್ಯಾಮಿಲಿ ಒಟ್ಟಿಗೆ ಕುಳಿತು ನೋಡಬಹುದಾದ ಒಂದು ಕಥೆ 'ಹೊಯ್ಸಳ'ದಲ್ಲಿದೆ. ಸಮಾಜದ ಒಂದು ಗಂಭೀರ ವಿಚಾರವನ್ನ ಈ ಸಿನಿಮಾದ ಮೂಲಕ ಹೇಳುವ ಪ್ರಯತ್ನ ಮಾಡಿದ್ದೇವೆ. ಒಳ್ಳೆಯ ಸಂದೇಶ ಇರುವ ಕಮರ್ಷಿಯಲ್ ಸಿನಿಮಾ ಇದು, ನಾನು ಈ ಚಿತ್ರಕ್ಕಾಗಿ ಕಾಯ್ತಾ ಇದ್ದೇನೆ. ಈ ಸಿನಿಮಾ ತುಂಬಾ ವಿಷಯಗಳ ಬಗ್ಗೆ ಮಾತಾಡುತ್ತದೆ..' ಎಂದು ಧನಂಜಯ ಹೇಳಿದ್ದಾರೆ.
ಹೊಯ್ಸಳದಲ್ಲಿ ವಿಲನ್ ಆದ ನವೀನ್ ಶಂಕರ್
'ಗುಳ್ಟು', 'ಹೊಂದಿಸಿ ಬರೆಯಿರಿ' ಸಿನಿಮಾಗಳ ನಟ ನವೀನ್ ಶಂಕರ್ ಅವರು 'ಹೊಯ್ಸಳ' ಸಿನಿಮಾದಲ್ಲಿ ವಿಲನ್ ಆಗಿದ್ದಾರೆ. 'ನನಗೆ ಈ ಸಿನಿಮಾದ ಅವಕಾಶ ಸಿಕ್ಕಿದ್ದು ತುಂಬ ಖುಷಿ ನೀಡಿದೆ. ನಾನಿಲ್ಲಿ ಬಲಿ ಅನ್ನೋ ಪಾತ್ರ ಮಾಡಿದ್ದು, ರಗಡ್ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಧನಂಜಯ ಅವರು ಈ ಹಿಂದೆ 'ಹೆಡ್ ಬುಷ್' ಚಿತ್ರದಲ್ಲಿ ನಟಿಸುವಂತೆ ಆಫರ್ ನೀಡಿದ್ದರು. ಆಗ ಅದು ಸಾಧ್ಯವಾಗಿರಲಿಲ್ಲ. ಹೊಯ್ಸಳದಲ್ಲಿ ಧನಂಜಯ ಜೊತೆ ಕೆಲಸ ಮಾಡಿದ್ದು ಖುಷಿ ನೀಡಿದೆ. ಇದೊಂದು ಅಪ್ಪಟ ಕಮರ್ಷಿಯಲ್ ಸಿನಿಮಾ. ಇಲ್ಲಿನ ಎಲ್ಲ ಪಾತ್ರಗಳಿಗೂ ತುಂಬ ಮಹತ್ವ ಇದೆ..' ಎಂದು ಹೇಳುತ್ತಾರೆ. ನಟಿ ಅಮೃತಾ ಅಯ್ಯಂಗಾರ್ ಅವರು ಧನಂಜಯ ಎದುರು ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಂದಹಾಗೆ, ಇದು ಧನು ಜೊತೆ ಅಮೃತಾ ನಟಿಸುತ್ತಿರುವ ಮೂರನೇ ಸಿನಿಮಾ. ಅವರಿಗಿಲ್ಲಿ ಪೊಲೀಸ್ ಅಧಿಕಾರಿ ಪತ್ನಿಯ ಪಾತ್ರ. ದಾದಾ ಎಂಬ ವಿಲನ್ ಪಾತ್ರದಲ್ಲಿ ಹಿರಿಯ ನಟ ಅವಿನಾಶ್ ಕಾಣಿಸಿಕೊಂಡಿದ್ದಾರೆ. ಇಡೀ ಸಿನಿಮಾದ ಕಥೆ ಬೆಳಗಾವಿ ಭಾಗದಲ್ಲಿ ನಡೆಯುತ್ತದೆ. ವಿಜಯ್ ಎನ್. ಅವರು ನಿರ್ದೇಶನ ಮಾಡಿದ್ದು, ಕೆಆರ್‌ಜಿ ಸ್ಟುಡಿಯೋಸ್ ಬ್ಯಾನರ್ ಮೂಲಕ ಯೋಗಿ ಜಿ. ರಾಜ್ ಮತ್ತು ಕಾರ್ತಿಕ್ ಗೌಡ ಈ ಸಿನಿಮಾಗೆ ಹಣ ಹಾಕಿದ್ದಾರೆ. ಹಾಡುಗಳಿಗೆ ಅಜನೀಶ್ ಸಂಗೀತ ನೀಡಿದ್ದಾರೆ. ಅತೀ ಶೀಘ್ರದಲ್ಲೇ ಈ ಸಿನಿಮಾದ ಟ್ರೇಲರ್ ರಿಲೀಸ್ ಆಗಲಿದೆ.