ಧನಂಜಯ್‌ ನಟನೆಯ 'ಪಾಪ್‌ ಕಾರ್ನ್‌ ಮಂಕಿ ಟೈಗರ್‌' ಚಿತ್ರ ಫೆ.21ರಂದು ಶಿವರಾತ್ರಿ ಹಬ್ಬಕ್ಕೆ ರಾಜ್ಯಾದ್ಯಂತ ರಿಲೀಸ್‌ ಆಗುತ್ತಿದೆ. ಸೂರಿ ನಿರ್ದೇಶನದ 'ಟಗರು' ಚಿತ್ರ ಕೂಡಾ ಫೆಬ್ರವರಿಯಲ್ಲಿರಿಲೀಸ್‌ ಕಂಡಿದ್ದು, ಈಗ ಈ ಚಿತ್ರ ಅದೇ ಸಮಯದಲ್ಲಿರಿಲೀಸ್‌ ಆಗುತ್ತಿರುವುದು ಕಾಕತಾಳೀಯ ಎನ್ನುತ್ತಾರೆ ನಟ ಧನಂಜಯ್‌. ಇದರ ಜತೆ ನಿರ್ದೇಶಕ ಸೂರಿ ಬಗ್ಗೆ ಟ್ವಿಟರ್‌ನಲ್ಲೂ ಬರೆದುಕೊಂಡಿದ್ದು, ಕುತೂಹಲ ಕೆರಳಿಸಿದ್ದಾರೆ.

'ಇವರು ನದಿಯಂತೆ, ನಿರಂತರ ಹರಿವು, ಹುಡುಕಾಟ, ಧ್ಯಾನಸ್ಥ ಸ್ಥಿತಿ, ಅನುಭವಗಳ ಆಗರ. ಈ ಬಾರಿ ಶಿವರಾತ್ರಿಗೆ ಮತ್ತೊಂದಿಷ್ಟು ಬದುಕಿನ ಪ್ರಶ್ನೆಗಳಿಗೆ ಉತ್ತರದ ಹುಡುಕಾಟದೊಂದಿಗೆ ಬರುತ್ತಿದೆ ಪಾಪ್‌ಕಾರ್ನ್‌ ಮಂಕಿ ಟೈಗರ್‌' ಎಂದು ಧನಂಜಯ ಸ್ಟೇಟಸ್‌ ಹಾಕಿಕೊಂಡಿದ್ದಾರೆ. ಇದರೊಂದಿಗೆ ಸೂರಿ ಜತೆ ಚಿತ್ರದ ವಿಷುಯಲ್ಸ್‌ ನೋಡುತ್ತಿರುವ ಫೋಟೋ ಶೇರ್‌ ಮಾಡಿದ್ದಾರೆ.

'ಸೂರಿ ಸರ್‌ದು ಧ್ಯಾನಸ್ಥ ಮನಸ್ಥಿತಿ. ಯಾವಾಗಲೂ ಹರಿಯುತ್ತಿರುತ್ತಾರೆ. 'ಟಗರು' ಆದ ನಂತರ ಮತ್ತೆ ಏನನ್ನಾದರೂ ಹೊಸದನ್ನು ಹೇಳಬೇಕು, ಇನ್ನೂ ಹೇಳುವ ವಿಷಯಗಳಿವೆ ಎಂದು ಯೋಚಿಸಿ ಈ ಚಿತ್ರಕ್ಕೆ ಕೈಹಾಕಿದ್ದಾರೆ. ಅವರ ಬದುಕಿನ ಅನುಭವ ಆಳವಾದ್ದು. ವಿಸ್ತಾರವಾದ್ದು. ಬದುಕಿಗೆ ಕನ್ನಡಿ ಹಿಡಿದಂತೆ ಅವರ ಚಿತ್ರಗಳು ಇರುತ್ತವೆ' ಎಂದಿದ್ದಾರೆ ನಟ ಧನಂಜಯ್‌.

ಪಕ್ಕಾ ಫಿಕ್ಸ್ ಆಯ್ತು 'ಪಾಪ್‍ಕಾರ್ನ್ ಮಂಕಿ ಟೈಗರ್' ರಿಲೀಸ್ ಡೇಟ್

'ಪಾಪ್‌ಕಾರ್ನ್‌ ಮಂಕಿ ಟೈಗರ್‌ ಚಿತ್ರ ನನ್ನ ಪಾಲಿಗೆ ಹೊಸ ಅನುಭವ. ಡಾಲಿ ಚಿತ್ರದಂತೆಯೇ ಇದು ಇನ್ನೊಂದು ಬಹಳ ಇಂಟೆನ್ಸ್‌ ಆದ ಪಾತ್ರ. ಮಂಕಿ ಸೀನನ ಪಾತ್ರ ಮಾತ್ರ ಅಲ್ಲ, ಎಲ್ಲಾ ಪಾತ್ರಗಳೂ ವಿಶೇಷವಾಗಿವೆ. ತುಂಬಾ ಚೆನ್ನಾಗಿವೆ. ಸಿನಿಮಾ ಕೂಡಾ ಬಹಳ ಚೆನ್ನಾಗಿ ಮೂಡಿಬಂದಿದೆ. ಸೂರಿ ಸರ್‌ ಸಿನಿಮಾದಿಂದ ಸಿನಿಮಾಗೆ ಹೊಸದನ್ನು ಹುಡುಕಿಕೊಂಡೇ ಹೋಗುತ್ತಾರೆ. ಎಲ್ಲರೂ ಬಹಳ ಶ್ರಮ ಹಾಕಿದ್ದಾರೆ. ಈ ಸಿನಿಮಾ ಆಡಿಯನ್ಸ್‌ಗೂ ಖಂಡಿತ ಇಷ್ಟ ಆಗುತ್ತೆ.

'ಟಗರು' ನಂತರ ಸೂರಿ ನಿರ್ದೇಶನದ 'ಪಾಪ್‌ ಕಾರ್ನ್‌ ಮಂಕಿ ಟೈಗರ್‌' ಚಿತ್ರ ಭಾರೀ ಕುತೂಹಲ ಕೆರಳಿಸಿದೆ. ಈಗಾಗಲೇ ಚಿತ್ರದ ಟೀಸರ್‌ ಕನ್ನಡಿಗರನ್ನು ಮಾತ್ರವಲ್ಲ ಪರಭಾಷಾ ಚಿತ್ರರಂಗದವರನ್ನೂ ಹುಬ್ಬೇರಿಸುವಂತೆ ಮಾಡಿದೆ. 'ಟಗರು' 2018ರ ಫೆಬ್ರವರಿ 23ರಂದು ರಿಲೀಸ್‌ ಆಗಿ ಸೂಪರ್‌ ಹಿಟ್‌ ಆಗಿತ್ತು. ಇದೀಗ 'ಪಾಪ್‌ ಕಾರ್ನ್‌ ಮಂಕಿ ಟೈಗರ್‌' ಕೂಡಾ ಫೆಬ್ರವರಿಯಲ್ಲೇ ರಿಲೀಸ್‌ ಕಾಣುತ್ತಿರುವುದು ಇದೇ ಕಾರಣಕ್ಕಾ ಎಂಬ ಪ್ರಶ್ನೆ ಎಲ್ಲರಲ್ಲಿ ಮೂಡಿದೆ.

ಡಾಲಿ ಧನಂಜಯ 'ಮಂಕಿ ಟೈಗರ್‌' ಖದರ್‌ ಲುಕ್ ರಿವೀಲ್

'ಟಗರು ಸಕ್ಸಸ್‌ ಕಂಡಿತು ಎಂಬ ಕಾರಣಕ್ಕೆ ಅದೇ ತಿಂಗಳು ಈ ಚಿತ್ರವನ್ನೂ ರಿಲೀಸ್‌ ಮಾಡಬೇಕು ಅಂತ ಅಲ್ಲ. ನನಗೆ ಗೊತ್ತಿರುವಂತೆ ಇದು ಕಾಕತಾಳೀಯ. ಪ್ರತಿಯೊಂದು ಸಿನಿಮಾವೂ ವಿಭಿನ್ನವಾಗಿರುತ್ತೆ. ಪಾಪ್‌ ಕಾರ್ನ್‌ ಮಂಕಿ ಟೈಗರ್‌ ಚಿತ್ರಕ್ಕೆ ಅದರದೇ ಆದ ವಿಶೇಷತೆ ಇದೆ. ಮಾದೇವ ಹಾಡು ಕೂಡಾ ಸೂಪರ್‌ ಹಿಟ್‌ ಆಗಿದೆ. ಆ ಮಾದೇವನ ಹಬ್ಬದಲ್ಲೇ ಸಿನಿಮಾ ರಿಲೀಸ್‌ಗೆ ದಿನ ಕೂಡಿ ಬಂದಿರೋದು ವಿಶೇಷ. ಇದು ಖುಷಿ ಕೊಟ್ಟಿದೆ. ರಿಲೀಸ್‌ ಹತ್ತಿರವಾಗುತ್ತಿರುವುದಕ್ಕೆ ಎಕ್ಸೈಟ್‌ಮೆಂಟ್‌ ಕೂಡಾ ಇದೆ' ಎಂದಿದ್ದಾರೆ ನಟ ಧನಂಜಯ್‌.

'ಪಾಪ್‍ಕಾರ್ನ್ ಮಂಕಿ ಟೈಗರ್' ಕುರಿತು ದುನಿಯಾ ಸೂರಿ ವಿಶೇಷ ಸಂದರ್ಶನ

ಚಿತ್ರದಲ್ಲಿ ನಿವೇದಿತಾ, ಅಮೃತಾ ಅಯ್ಯಂಗಾರ್‌ ಮತ್ತಿತರರು ನಟಿಸಿದ್ದಾರೆ. ಧನಂಜಯ್‌ ಈ ಚಿತ್ರದಲ್ಲಿ ವಿಭಿನ್ನ ಗೆಟಪ್‌ಗಳಲ್ಲಿ ಕಾಣಿಸಿಕೊಂಡಿದ್ದು ಎಲ್ಲರ ನಿರೀಕ್ಷೆಯನ್ನು ಹೆಚ್ಚಿಸಿದೆ.